CHILAYIJO 35

Zwatingate Kuti Tite Zushalujo Zubuya

LIJA

Tose tinakushala kwatinota. Zunji zozushalujo zwatinota zungatitisa kuti tibe bakwayina kana kuti tisibe bakwayina baJehova. Sonkwejaniso, tingashala kwatinoda kugala, unshingo watinoda kuta akale kulobola kana kulobolwa. Tingoshaluja zubhodo tokwanisa kuba nobupenyu bunoshantisa akale bunota kuti Jehova ekujwe.

1. IBhayibhili lingakubhancha chini kuti ute zushalujo zubhodo?

Usanu wata chishalujo, namata kuna Jehova kuti ekubhanche akale tokoloja kuti iBhayibhili linotini nozwenyaya yadeni. (Balani Zwichimbe 2:3-6.) Panomwe nshaji Jehova unopa undawu ulonanga. Nokudalo kuwhilila undawu yoyo chinobeli chishalujo chibuyanana chawunobeli wata.

Zunowini kana kusina undawu ulonanga umomuBhayibhili unokubuja zokuta? Jehova “unokutungamilila munzila yawunokwelela kukwenda nayo.” (Izaya 48:17) Unozuta chini yozu? Pana zumiso zungakutungamilila. Zumiso machokomende amomuBhayibhili anotondeja inzila Jehova yaanobona nayo zunu. Patinobala iBhayibhili ndipo patinofunda kuti Jehova unojibona chini jimwe inyaya. Tingowhisisisa kuti Jehova unowha chini nejimwe nyaya tokwanisa kuta zushalujo zunonshantisa.

2. Ndizupi zunu zwawunokwelela kuyeya nozwazo usanu wata chishalujo?

IBhayibhili linoti: “Ulochenjela unoyeyesesa inhambo jije.” (Zwichimbe 14:15) Zuva kuti tisanu tata chishalujo tokwelela kuzupa unshaji wokuyeyesesa. Pawunoshaluja kuta chimwe chinu zubhuze kuti: ‘IBhayibhili linotini nozwazwo? Anditoozusola na nechishalujo chandata? Zwandichashaluja zuchata kuti bamwe bewhe chini? Kupinda zwose, zuchata kuti Jehova eshantilwe na?’—Kuzhajikijwa 32:29.

Jehova ndiye unelulamilo lyokutibuja kuti yechi chibhodo kana kuti yechi chibi. Tingoziba milawu nozumiso zwaMwali akale tisikoshinga nesimba kuti tizutobeleje tingata alo tobelobeja ihana yedu. Ihana chinu chimomumoyo mwedu chinotibhancha kusiyanisa chibhodo nechibi. (BaRoma 2:14, 15) Ihana ilolobejwa inotibhancha kuti tite zushalujo zubhodo.

FUNDA ZUNJI

Funda kuti zumiso zweBhayibhili akale nehana yedu kuti zungakubhancha chini kuti ute zushalujo.

3. Tungamililwa neBhayibhili

Zumiso zweBhayibhili zungatitungamilila chini pakuta zushalujo? Yebani iVIDIYO, akale kwejisani nemibhuzo inotobela.

IVIDIYO: Vuma Ukuqondiswa Yizimiso ZeBhayibhili (5:54)

Ndichipi chipo chilokosha chatakapiwa naMwali?
Neni Jehova akatipa lusununguko lokuzushalujila?
Wakatipani zunota kuti tite zushalujo zubuyanana?

Kuti ubone zumwe zumiso zumomuBhayibhili, balani BaEfesu 5:15, 16. Akale kwejisani nozokuti “tingashingisa chini unshaji zubuyanana” kana . . .

tibala iBhayibhili izhuba nezhuba.
pakuba undume, unkaji, unzwali nomwana umbhodo.
pakungwina mishangano.

4. Lobeja ihana iyo kuti ite zushalujo zubhodo

Kana kulinondawu ulonanga umomuBhayibhili zuchaba zulelu kuta chishalujo chibhodo. Ani biya kana pesina undawu ulonanga? Yebani iVIDIYO, akale kwejisani nemibhuzo inotobela.

IVIDIYO: “Hlalani Lilomzwangedwa Omuhle” (5:13)

Muvidiyo yeyi, inhamboni jakatolwa nonkazwaji yoyo kuti elobeje ihana iye kutila kuti ite zushalujo zunoshantisa Jehova?

Neni tisinokwelela kukumbila bamwe kuti betitile zushalujo zwatilokwelela kuta? Balani BaHebhelu 5:14, akale kwejisani nemibhuzo yeyi:

Kojoba tikwanisa kubhuza bamwe kuti betibhanche kuta zushalujo koga ini zwatinokwelela kuta?
Ini chatinanacho chawunokwanisa kushingisa kuti ulobeja ihana iyo kuti ukwanise kuta zushalujo zubhodo?

Ihana yedu inanga semepu, inotitondeja zwatinokwelela kushala

5. Lemekeja ihana jabamwe

Banhu abatofanana nayizwo zwabanoshaluja zunosiyana. Tingatondeja chini kuti tinolemekeja ihana jabamwe? Ngatibone mikwejaniso mibili:

Unkwejaniso wokutanaga: Unkazwaji unoda zokuponza unofulukila kugubungano kunanabakazwaji banobipilwa kubona unhu unoda zokuponza.

Balani BaRoma 15:1 na1 BaKolinte 10:23, 24, akale kwejisani nemibhuzo yeyi:

Mawililana namavesi yaya, unkazwaji yoyu angashaluja kutani? Ini zwawungate kana kuli nomwe unhu unanehana inondambija kuta chimwe chinu koga ihana iyo ikuvumila kuchita?

Unkwejaniso wabili: Mwanakwayina unoziba kuti iBhayibhili alitojibisa kunwa busukwa koga unoshaluja kusonwa. Unokokwa kupati esikobona banakwayina benwa.

Balani Mbaunuli 7:16 naBaRoma 14:1, 10, akale kwejisani nemibhuzo yeyi:

Mawililana namavesi yaya, mwanakwayina yoyu angashaluja kutani? Ungata chini yopo pawunobona umwe unhu eta chimwe chinu chisinovumilwa nehana iyo?

Ini zungakubhancha kuti ute zushalujo zubhodo?

1. Kumbila Jehova ekubhanche ushaluje zubhodo.—Jemusi 1:5.

2. Penyengula zunolebwa neBhayibhili ushingisa mabhuku akadindwa neshangano kuti uwane zumiso zungakubhancha. Akale unokwanisa kubhuza kumaKristo alosima munazokunamata.

3. Yeyesesa kuti zushalujo zwawuchata zuchata kuti uwhe chini akale kuti bamwe bewhe chini.

BAMWE BANOTI: “Ilulamilo lilyo kuta zwawunoda. Awutokwelela kuzushupa nokuti bamwe banotini.”

Neni tikwelela kuzubhuza kuti Mwali nabamwe banhu banowha chini nozwatinoshala kuta?

INI ZWAWAFUNDA

Tota zushalujo zubhodo tingotanga taziba kuti Jehova unowha chini nozwazwo akale tisikoyeya kuti zwatichashaluja zuchabhancha bamwe na kana kuti zuchabakubaja.