ESOMO 35
Ngoko twangayisogha ndeke
Hakanabya akatambi, itwayisogha kutse itwayisombolera erikola mwatsi mulebe. Emyatsi mingyi eyo tukayisogha erikola, yanganuwania kutse iyatsandya obwira bwetu haghuma na Yehova. Eky’erileberyako, twanganasombola aho tukendikala, ngoko twangabana esyofranga esyo tulaghireko, kutse nga twanganatahia kutse eritahibwa. Omughulu tukayisogha ndeke, twanganabya n’obutseme omo ngebe n’eritsemesya Yehova.
1. EBiblia yangakuwatikya yiti eriyisogha kutse eriyisombolera ndeke eby’erikola?
Embere sy’eriyisogha, usabe Yehova y’obuwatikya n’erilebya omo Biblia mw’amalengekania wa Yehova oko mwatsi oyo. (Soma Emisyo 2:3-6.) Oko sindi ngendo, Yehova akatuha obusondoli obulangirikire ndeke. Kyamabya kitya, eriyisombolera erikwama obusondoli obo w’omwatsi owuwene kundu owo wangakola.
Nikwa omo Biblia mwamabya isimuli obusondoli obulangirikire ndeke ndeke? Erikuwatikya eriyisogha ndeke, Yehova akalolaya embere erikusondola “omo nzira eyo wangalenderamo.” (Isaya 48:17) Akakola atya ati? EBiblia inemo esyokanuni esyangakusondola. Esyokanuni sy’eBiblia sy’esyokwenene sy’omughaso esikakanganaya amalengekania w’oMungu kandi ngoko akayowa. Kangyi kangyi, tukaminya amalengekania wʼoMungu oko mwatsi mulebe twamabisoma eBiblia. Omughulu tukaminya amalengekania wa Yehova oko mwatsi mulebe, kikatuwatikaya eriyisogha ngoko anzire.
2. Litolere iwalengekania oko myatsi yahi embere sy’eriyisombolera eky’erikola?
EBiblia ikabugha yiti: “Omugherekania [omundu w’amenge, NWT] akalebaya ndeke ngoko angaghenda.” (Emisyo 14:15) Ekyo ni bughambu, embere sy’eriyisogha, litolere itwasonda akatambi k’erilengekania ndeke oko ebyo tukasombola erikola. Omughulu ukalengekanaya oko buli mwatsi w’erikola, yibulaye: ‘Ni kanuni kahi k’eBiblia ako nangakolesya hano? Ni yisogha lyahi lyo likendileka inatekana omo bwenge? Eriyisogha lyaghe likendileka abandi ibayowa bati? N’eky’omughaso munene, eriyisogha lyaghe linemwenditsemesya Yehova?’—Eryibuka Ebihano 32:29.
Yehova yuli n’ehamuli ey’eritubwira ekyuwene n’ekibi. Omughulu tukaminya ebyalayiro n’esyokanuni siwe, kikatukuna erikwamabyo, kandi tukabya n’obunya-mutima obuwene. Obunya-mutima kutse ezamiri, ni kindu ekiri emwisi syetu ekikatubwira kiti ekyo ni kibi n’ekyo ni kibuya. (Abanya Roma 2:14, 15) Abunya-mutima obubegheribwe ndeke bwanganatuwatikya eriyisogha ndeke.
WIGHE BINGYI
Lebaya ngoko esyokanuni sy’eBiblia n’obunya-mutima bwetu bikatuwatikaya eriyisogha ndeke.
3. Uleke eBiblia ikusondole
Esyokanuni sy’eBiblia syangakuwatikya siti omughulu ukayisombolera eky’erikola? Mulebaye EVIDEO, neryo musubiraye oko mabulyo awakwamire.
-
Obwiranda bw’eriyisombolera niki?
-
Busanaki Yehova mwatuha obwiranda bw’eriyisombolera?
-
Yehova abirituha kindu kyahi ekyangatuwatikya erikolesya obwiranda bwetu bw’eriyisombolera bo ndeke?
Erilangira eky’erileberyako kighuma ky’akanuni k’eBiblia, musome Abanya Efeso 5:15, 16, NWT. Neryo mulebaye ngoko “mwangakolesya endambi yenyu yo ndeke” . . .
-
omwisoma eBiblia y’obuli kiro.
-
omwibya mulume kutse mukali mubuya, mubuti mubuya, mughala kutse mwali mubuya.
-
omwibya mukahika oko mihindano y’endeko.
4. Ubegheraye obunya-mutima bwaghu eribya ukayisogha ndeke
Omughulu hane erisako erikatuha obusondoli obulangirikire ndeke, eriyisogha ndeke lyanganoloba. Nikwa tubughe tutiki hamabya isihali obusondoli obulangirikire ndeke? Mulebaye EVIDEO, neryo musubiraye oko ribulyo erikwamire.
-
Omo video, mwali wetu mwayira ati atoke eribegherya obunya-mutima bwiwe n’eriyisombolera eky’erikola kyo ndeke omo nzira eyikatsemesaya Yehova?
Busanaki siritolere tukasaba abandi eriyisogha omo mwanya wetu? Musome Abaebrania 5:14, neryo musubiraye oko mabulyo ano:
-
Erisaba abandi eriyisogha omo mwanya wetu n’omo lyanganoloba, litolere itwabya n’obutoki bw’eriyisomboleraki itwibenebene?
-
Niki ekyo Yehova abirituha ekyangakuwatikya eribegherya obunya-mutima bwaghu n’eriyisogha ndeke?
Ng’akarte, obunya-mutima bwetu bukatuwatikaya erisombola ah’erilolya omo ngebe
5. Usikaye obunya-mutima bw’abandi
Abandu bangyi bakayisogha omo syonzira esisighene. Twangakangania tuti ngoko tusikirye obunya-mutima bw’abandi? Tulebaye emyatsi ibiri:
Omwatsi 1: Mwali wetu oyubeghere eripamba obusu bwiwe amahumira omo ndeko eyiri mw’abali betu abakayowa muhanda erilangira omundu oyo wabiripamba obusu bwiwe.
Musome Abanya Roma 15:1 na 1 Abanya Korinto 10:23, 24, neryo musubiraye oko mabulyo ano:
-
Erikwamana n’amasako aya, mwali wetu oyu angayisoghire ati? Iwe wangakolaki omughulu uli n’omundu oyo obunya-mutima bwiwe bukamughanaya ekindu ekyo obunya-mutima bwaghu bukakulighira erikola?
Omwatsi 2: Mughala wetu anasi ngoko eBiblia siyighanirye erinywa obwabu n’olulengo, aliwe abirisombola eritendinywabo. Bamamukokya oko kalyo, n’aho balyamukokaya abaghala betu bamanywa obwabu.
Musome Omugambuli 7:16 na Abanya Roma 14:1, 10, neryo musubiraye oko mabulyo ano:
-
Erikwamana n’amasako aya, mughala wetu oyu angayisoghire ati? Iwe wangakolaki omughulu ukalangira oghundi mundu akakola ekindu ekyo obunya-mutima bwaghu bukalangira nga ni kibi?
Ni myatsi yahi eyangatuwatikya eriyisogha ndeke?
1. Usabe Yehova akuwatikaye eriyisombolera ekyo wangakola.—Yakobo 1:5.
2. Ukwese-kwese omo Biblia n’omo bitsapo ebihambene n’eBiblia eribanamo esyokanuni sy’erikolesya. Wanganabulya n’Abakristo ababirilola oko myatsi mingyi.
3. Ulebaye eriyisogha lyaghu nga likendileka obunya-mutima bwaghu n’obw’abandi ibwabya buti.
ABANDU BALEBE BAKABUGHA BATI: “Wanganakola ekyosi-kyosi ekyo wanzire, erilengekania abandi nga bakendiyowa bati siriri n’omughaso.”
-
WBusanaki litolere itwaminya amalengekania w’oMungu n’aw’abandi bandu?
MUKIGHA MYATSI YAHI?
Tukayisogha ndeke omughulu tukaminya amalengekania wa Yehova oko mwatsi owo tukasonda erikola, n’erilebya ebyo tukasonda erikola nga binemwendiwatikya abandi kutse nga bikendyaghalyabo.
Eriyibukya
-
Wangakolaki eriyisogha lyaghu litoke eritsemesya Yehova?
-
Wangabegherya wuti obunya-mutima bwaghu?
-
Wangakangania wuti ngoko usikirye obunya-mutima bw’abandi?
EBINDI EBY’ERIMINYA
Wangakolaki utoke eriyisogha omo nzira eyikendiwatya obwira bwaghu haghuma n’oMungu?
“Uyisoghe omo nzira eyikaletera oMungu y’olukengerwa” (Mnara wa Mlinzi, Aprili 15, 2011)
Uminye ndeke enzira eyo Yehova akakolesaya erituha amahano.
Ulangire ekyawatikaya omulume mughuma eriyisogha ndeke omo mwatsi owakalire.
Wighe ngoko wangatsemesya Yehova n’omo mughulu hate obusondoli obulangirikire ndeke oko mwatsi owo ukasonda erikola.
“Unalaghire oko byalayiro by’eBiblia ko mughulu wosi?” (Mnara wa Mlinzi, Desemba 1, 2003)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
