PEꞌLA 35

¿Maꞌw ew txitxhyaꞌ ãjaguigk?

TAKH

Jxukasay ew txhitxhwaꞌj jiꞌphnetkhaꞌw. Açyu ew txhitxhte Dxusyuꞌ yaꞌweçxana, nawa ewmee txhitxhte wala nxusuna, kweꞌsx fxiꞌzeniꞌs wala suwuuna. Wala ũus yahkxwaꞌj jiꞌphnetkhaꞌw, kĩhte fxiꞌzewaꞌj jiꞌphnetkhaꞌw, kĩh mjĩi wẽeçxawa, kĩh ptaamuu wẽeçxawa. Açyu ew txhitxhte wãt fxiꞌzeyaꞌ ãjanaꞌw, txaꞌwẽy Dxus namiku wejxkwe çxhãçxha yũunaꞌw.

1. ¿Dxus eçyuꞌ maꞌw yũuçxa ew txhitxhyaꞌ puꞌçhxiꞌkx?

Txhitxhmeyna wala ũus yahkxwaꞌj jiꞌphnetkhaꞌw, ¿Dxus eçaꞌ kĩh kik weꞌw? meeçxaˈ, ¿Jeuwa kĩh kik thãasu? (lẽeywe Proverbios 2:3-6). Açyu Dxus eçaꞌ jxkaahnisaꞌs jiꞌphna, kweꞌsxyuꞌ nwẽeseꞌjwaꞌj jiꞌphnetkhaꞌw.

Dxus eçteꞌ ptaꞌsxmeete kĩh yũuyaꞌwatewa. Dxus yuwe naꞌjĩꞌk: Jeuwa kaapiyaꞌjana ew uꞌjukhan (Isaías 48:17). ¿Maꞌw puꞌçhiꞌkx? Dxus yuweyuꞌ principios jiꞌphna, txãa principiosyuꞌ kweꞌsxtxiꞌs puꞌçxhina ew txhitxhwaꞌj. Txãa principio biblicoyuꞌ kweꞌsxtxiꞌs wala ew yuꞌkxpehnisana. Txãꞌs jiyuçxa Jeuwa jxthãasniꞌs kxtey yuuçxa ew txhitxhyaꞌ ewuunaꞌw, Jeuwa wẽdxniꞌs.

2. Ew txhitxh wẽeçxa, ¿kĩh yahkxwaꞌj jiꞌphguigk?

Dxus eçaꞌ naꞌjĩꞌk: “Nasa jiisa kĩhsu uꞌjuyawaçxawa thegune” (Proverbios 14:15). Ew txhitxh wẽeçxa Dxus eçaꞌs wala ũus yahkxwaꞌj jiꞌphnetkhaꞌw maajĩ kik sũhçxa. Txaꞌwẽy yahkxwaꞌj jiꞌphnetkhaꞌw, ¿naa txhitxhnisa adxaꞌs maꞌw puꞌçxhiꞌk?, ¿vxiteweꞌsxtxiꞌs txaꞌwẽy?, ¿naa txhitxhnisa Dxusyuꞌ wẽdximaꞌk? (Deuteronomio 32:29).

Jeuwaçxa txhitxhyaꞌ ãjana kĩh ewsatewa, kĩh ewmeesatewa. Açyu principios vxiteꞌ jxkaahnisaꞌs nwẽeseꞌj wẽeçxa, concienciayuꞌ puꞌçxhina kaayakiꞌjxaꞌ, kĩh ewsatewa, kĩh ewmeesatewa (Romanos 2:14, 15). Txaꞌwẽy concienciaꞌs ew kaapiyaꞌthe, ew txhitxhwaꞌj puꞌçxhina.

WEJXKWEÇXA PIYAN UꞌJWEKA

Naa peꞌla wejxkwe kaapiyaꞌjana: conciencia vxiteꞌ principio kweꞌsxtxiꞌs puꞌçxhina maꞌw txhitxhwatewa.

3. Dxus eçte weꞌwnisaꞌs wẽseꞌjwe

¿Principios kweꞌsxtxiꞌs maꞌw puꞌçxhiꞌk ew txhitxh wẽete? Txãa VIDEUꞌS thegwe, txajuꞌ naa paapẽynisatxis paswe:

VIDEU: Principio biblicotxis nwẽeseꞌjeka (5:54)

¿Jeuwa kĩhka zxiçxkwesa pees?
Jeuwa kweꞌsxjĩi txhitxhwaꞌj peesne, ¿kĩh yũuçxa kik txãꞌw yũu?
¿Dxusyuꞌ kĩhka pees ew txhitxh wẽete?

Principio theg wẽeçxayuꞌ, lẽeywe Efxesios 5:15, 16. Txajuꞌ naa paapẽynisatxis paswe:

¿Maꞌw een kutxiꞌjiguigk Dxus yuweꞌs lẽeywaꞌj?
Ney, nyuu, nçxiꞌk, nmiꞌ, ew yũu wẽeçxa, ¿maꞌw yũuçxa een kutxiꞌjitxki?
¿Pkhakheyaꞌ uꞌj wẽeçxa eenaꞌs maꞌw iijxũuyaꞌ ãjakxthaꞌw?

4. Conciencia kaapiyaꞌj ew txhitxhwaꞌj

Dxus yuwe jxkaahnisa jiyute, jiyunaꞌw kĩh yũuyãꞌwatewa. Nawa, ¿jxkaahnisa ũsmeeteyuꞌ, kĩh yũuyã ãjakxthaꞌw? Txãa VIDEUꞌS thegwe, txajuꞌ naa paapẽynisatxis paswe:

VIDEU: “Concienciaꞌs kaapiyaꞌjwe” (5:13)

¿Teeçx yakhthẽꞌj kĩh kik yũu txãjx conciencia ew kaapiyaꞌj wẽeçxa? Açyu txãa yakhthẽꞌj kĩh kik yũu Jeuwaꞌs kaꞌweçxa weçxaa?

Kweꞌsxyuꞌ vxite nasatxiꞌs pẽhyyãꞌ ãjameenaꞌw kweꞌsx paꞌkate txhitxhkhan, ¿kĩh yũuçxa? Lẽeywe Hebreos 5:14, txajuꞌ naa paapẽynisatxis paswe:

Vxiteweꞌsx paapẽyte kĩh txhitxh wẽeçxayuꞌ thẽymeena, nawa ¿kĩh yũuçxa kik kweꞌsxiiçxa yahkxwaꞌj jiꞌphnetkhaꞌw kĩh txhitxh wẽeçxawaꞌj?
Kweꞌsx conciencia kaapiyaꞌj wẽeçxa, ¿kĩh puꞌçxhnisa jiꞌphkxthaꞌw?

Concienciayuꞌ mapa naꞌwna, txãayuꞌ msuu uꞌjuwatewa ptaꞌsxine.

5. Vxite concienciatxiꞌs respetaĩneꞌga

Jxukasay fxiy fxiysanetkhaꞌw, açyu fxiy fxiy txhitxhyaꞌ ãjanaꞌw. Vxite concienciatxiꞌs respetaĩçxayuꞌ, ¿maꞌw yũuçxanetkhaꞌw kaajiyuꞌju? Jeꞌz ejemplo theguka:

Teeçx ejemplo: Teeçx npeꞌsx txãjx dxiꞌpte pintura sxũsxyaꞌ wẽdxte saꞌ kĩhçxa vxite congregación uꞌjteyuꞌ vxiteyuꞌ txãꞌw yũunisaꞌs ewmeeneꞌta thegu.

Lẽeywe Romanos 15:1 vxiteꞌ 1 Korintios 10:23, 24, txãju naa paapẽynisatxis paswe:

Naa textoꞌs lẽeyçxa txãa npeꞌsxyuꞌ, ¿kĩh txhitxhyaꞌ ãjakx?, ¿idxyuꞌ kĩh yũuyã ãjaguigk vxite conciencia respetaĩ wẽeçxa?

Jeꞌz ejemplo: Teeçx yakhthẽꞌjyuꞌ Dxus eçte jiineꞌyuꞌ, walxida leꞌçxkweçxa tuudxnisayuꞌ ewna jiine, nawa txãayuꞌ tuudxmeeneꞌ. Txãa yakhthẽꞌjaꞌs piꞌkxneꞌta, açyu piꞌkxyaꞌ uꞌjçxa yakhthẽꞌjweꞌsx tuudxna ũstene uy.

Lẽeywe Eclesiastés 7:16 vxiteꞌ Romanos 14:1, 10, txãju naa paapẽynisatxis paswe:

Naa versiculosyuꞌ, ¿txãa yakhthẽꞌjaꞌs maꞌw puꞌçxhyaꞌ ãjakx? Versiculotxiꞌs, lẽeyçxa ¿kĩh yũuwaꞌj jiꞌphguigk vxite conciencia jiꞌphunisa respetaĩ wẽeçxa?

¿Kĩh yũuyã ãjaguigk ew txhitxh wẽete?

(1) Jeuwa pẽhyneꞌga ew txhitxhyaꞌ (Santiago 1:5).

(2) Dxus eçte pakweneꞌga, txaꞌwẽy vxite pulicacionte saꞌ vxite thẽꞌjsatxwa paapẽyneꞌga. Txãꞌw yũuçxa principioꞌs uyuuneꞌga ew txhitxhwaꞌj.

(3) Naꞌw yahkxwaꞌj jiꞌphnetkhaꞌw naa txhitxhnisa adx conciencia puꞌçxhmaꞌk meeçxaꞌ puꞌçxhmeemaꞌk. Vxite conciencia puꞌçxhmaꞌk meeçxaꞌ suwuumatx.

MAII NASAWEꞌSXA NAꞌJĨTX: “Idxaꞌ kĩh yũu wẽeçxawa vxityaꞌ ewuuneꞌga, vxiteweꞌsxyuꞌ maꞌw yahkxtewa, txãayuꞌ jxthuhthesameena”.

Jeuwaꞌs yahkxniꞌs vxite nasaweꞌsx yahkxniꞌs, kweꞌsxyuꞌ jxpaꞌyakxna fxiꞌzewaꞌj jiꞌphnetkhaꞌw, txãꞌw yũute, ¿kĩh yũuçxa wala ewki?

¿AYTE PAꞌJ KĨHKXTHAꞌW PIYA?

Kweꞌsxyuꞌ Jeuwa yahkxniꞌs jiithaꞌw, vxite yakxhniꞌsyuꞌ kweꞌsxyuꞌ respetaĩwaꞌj jiꞌphnetkhaꞌw. Txãꞌw yũuçxa kweꞌsxyuꞌ ew txhitxhinaꞌw, txaꞌwẽy vxitetx puꞌçxhyaꞌ ewuunaꞌw pkxuumee.