35 YACHACHIKUY
¿Imaynatam imapipas allinta tantiakuchwan?
Lliwmi imapaqpas tantiakunanchik. Tantiakunanchikmi maypi yachanapaq, imapi llamkapakunanchikpaq, chaynataq casarakunapaq utaq mana casarakunapaqpas. Chaykunapi allinta tantiakuspanchikqa atisunmi Jehova Diosta astawan serviyta, hinaspapas kusisqam kawsakusunchik, Jehova Diospas kusikunqam.
1. ¿Imaynatam Diosqa yanapawanchikman allinta tantiakunapaq?
Imapaqpas tantiakunapaqqa puntatam Diosta mañakunanchik, hinaspapas ima nisqantam bibliapi leenanchik (leey Proverbios 2:3-6). Bibliapiqa kanmi kamachikuykuna imata ruwanapaq hinaspa imata mana ruwanapaqpas. Chaytaqa kasukunanchikmi.
Wakinpim ichaqa mana sutillatachu nin imata ruwanapaq utaq mana ruwanapaqqa. Chaywanpas Jehova Diosqa yanapawasunmi allinta tantiakunanchikpaq (Isaias 48:17). ¿Imaynata? Palabranpi kaq yachachikuykunawanmi, chay yachachiwasqanchikta allinta entiendespam haypasun Diospa ima piensasqanta, ima munasqantapas. Diosta serviq runakunamanta leespapas tarisunmi chay yachachikuykunataqa. Diospa imam piensasqanta haypaspaqa munasqanman hinam imapipas tantiakusun.
2. ¿Imakunapim yuyaymanananchik manaraq tantiakuchkaspa?
Bibliapim nin: ‘Yuyayniyuq runaqa imapaqpas allintam tantiakun’, nispa (Proverbios 14:15). Allinta tantiakunapaqqa sunqunchikpim kaynata nikunanchik: “¿Bibliapi ima nisqantaq yanapawanman allinta tantiakunaypaq? ¿Kay tantiakusqaywanqa hawkachu tarikusaq? Hukkunapas ¿ima ninqakutaq tantiakusqaymanta? Hinaspapas ¿Jehova Diostachu kasukuchkani?”, nispa (Deuteronomio 32:29).
Diosllam ninman imapas allin utaq mana allin kasqanmantaqa. Diospa kamachikuyninkunata hinaspa yachachikuyninkunata allinta yachaspanchikqa chaynataq kasukuspanchikqa allin concienciayuqmi kasunchik. Conciencianchikqa willawanchikmi imataq allin utaq mana allin kasqanmanta (Romanos 2:14, 15). Sunqunchikpi imam allin utaq imam mana allin kasqanta yachaspaqa imapaqpas allintam tantiakusun.
ASTAWAN YACHAYKUSUN
Bibliapi yachachikuykunaqa hinaspa allin concienciayuq kayqa utaq sunqunchikpi imam allin utaq imam mana allin kasqanta yachayqa yanapawasunmi allinta tantiakunapaq. Chaymanta astawan yachaykusun.
3. Bibliapi nisqantayá kasukusun
¿Imaynatam bibliapi yachachikuykuna yanapawanchik allinta tantiakunapaq? VIDEOTA qawaykuychik hinaspa qatiqninmanta rimariychik:
-
¿Imanasqataq imapipas kikinchik tantiakuyta atinchik?
-
¿Imanasqataq Jehova Diosqa kikinchikmanta tantiakuqta unanchawarqanchik?
-
Kikinchik tantiakuq kaptinchikpas, ¿imawanmi Jehova Diosqa yanapawanchik allinta tantiakunapaq?
Bibliapi yachachikuyninkuna imakunapi yanapawasqanchikta entiendenapaq leeychik Efesios 5:15, 16 hinaspa rimariychik: ¿Imaynatam tiempochakuwaq...
-
... bibliata sapa punchaw leenaykipaq?
-
... qusaykiwan, warmichaykiwan utaq warmaykikunawan kuska kanaykipaq?
-
... huñunakuykunapi kanaykipaq?
4. ¿Imaynatam yachachwan imam allin utaq imam mana allin kasqanta?
Bibliapi huk kamachikuy sutilla kaptinqa manam sasachakunchikchu kasukunapaqqa. Sutilla mana kaptinmi ichaqa sumaqta yachaykunanchik Jehova Dios imata piensasqanmanta. VIDEOTA qawaykuychik hinaspa qatiqninmanta rimariychik:
-
Videopi qawasqanchik iñiqmasinchikta, ¿imataq yanaparqa allinta tantiakunanpaq?
¿Imanasqataq hukkunataqa mana ninanchikchu ñuqanchikpaq tantiapuwananchikpaqqa? Leeychik Hebreos 5:14 hinaspa qatiqninmanta rimariychik:
-
Hukkuna tantiapuwananchikta munaspapas, ¿imanasqataq sapakama allinta yachananchik imam allin, utaq imam mana allin kasqanta?
-
¿Imakunam yanapawasun allin concienciayuq kanapaq hinaspa allinta tantiakunapaq?
Conciencianchikqa yanapawasunmi mapata qawaykuspa allin ñanninta richkaq hina allinta tantiakunapaq.
5. Hukkunapa tantiakusqankuta respetasunchik
Llapallanchikmi mana chaynallachu kanchik, chaymi wakiqninchikpa tantiakusqanchik allin kaptinpas wakinpaqqa mana allinchu kanman. Chayta sumaqta yachaykunapaq iskay iñiqmasinchikkunamanta rimaykusunchik.
1: Ñawinta, siminta pintakuq iñiqmasinchikmi huk llaqtaman astakuspan chaypiña huñunakuykunaman rinman, hinaptinmi chaypi warmi kaq iñiqmasinchikkunañataq pintakusqanrayku hukmanyanmanku.
Leeychik Romanos 15:1 hinaspa 1 Corintios 10:23, 24, chaymantañataq qatiqninmanta rimariychik:
-
Bibliapi leemusqanchikman hinaqa, ¿imapaqtaq pintakuq iñiqmasinchikqa tantiakunman? Qampas, imapas allin rikchakususqayki hukkunata hukmanyachiptinqa, ¿imapaqtaq tantiakuwaq?
2: Tragota aslla tomay mana hucha kasqanmanta bibliapi nisqanta yachaspanpas, qari iñiqmasinchik tantiakurunman manapuni tomananpaq. Huk punchawñataq kusirikunapaq huñunakuypi qawanman wakin iñiqmasinchikkuna tragota asllata tomasqankuta.
Leeychik Eclesiastes 7:16 hinaspa Romanos 14:1, 10, chaymantañataq qatiqninmanta rimariychik:
-
Bibliapi leemusqanchikman hinaqa, iñiqmasinchikqa ¿imanasqataq wakin iñiqmasinchikkunata mana hukmanta qawananchu? Qamqa, ¿hukmanyanaykichu tantiakusqayki hukkunapa tantiakusqanwan mana tupaptinqa?
Allinta tantiakunaykipaq kaykunata ruway
1. Jehova Diosta mañakuy allinta tantiakunaykipaq (Santiago 1:5).
2. Tantiakuy munasqaykimanta leey bibliapi hinaspa qillqanchikkunapi ima nisqanta, chaynapim yachanki Diospa nisqankunata. Tapukuwaqtaqmi allin yuyayniyuq iñiqmasinchikkunatapas.
3. Piensanaykitaqmi tantiakusqaykiwan imayna tarikunaykipi, chaynataq hukkunapas imayna tarikunankupi.
WAKIN RUNAKUNAM NINKU: “Imataq qukun paykunataqa, ñuqachiki imaynapas kakuni”, nispanku.
-
¿Imanasqataq piensananchik tantiakusqanchikwan Jehova Dios chaynataq hukkunapas imayna tarikunankupi?
YUYARIYKUSUN
Imamantapas allinta tantiakunapaqqa yachananchikmi Jehova Diospa ima nisqanta, piensananchiktaqmi tantiakusqanchikwan runamasinchik imayna tarikunanpipas.
¿Ima niwaqtaq?
-
¿Imaynatam Diospa munasqanman hina allinta tantiakuwaq?
-
¿Imatam ruwanayki allin concienciayuq kanaykipaq?
-
¿Imataq yanapasunkiman hukkunapa tantiakusqanwan mana hukmanyanaykipaq?
ASTAWAN YACHANAYKIPAQ
¿Imaynatataq allinta tantiakuwaq Dioswan astawan kuyachikunaykipaq? Chaymanta kaypi yachaykuy.
“Allinta tanteaspa Diosta hatunchasun” (Llaqta Cuidaq, 15 abril 2011)
¿Imaynatam Jehova Diosqa yachachiwanchik? Chaypaq videota qawaykuy.
¿Imataq huk runata yanaparqa allinta tantiakunanpaq? Chaypaq videota qawaykuy.
Imatapas tantiakunapaq Jehova Diospa kamachikuynin sutilla mana kaptinqa, ¿imaynatam Diospa munasqanman hina tantiakuchwan? Chaymanta kaypi leeykuy.
“¿Imam allin utaq imam mana allin kasqantaraqchu bibliaqa niwananchik?” (Willakuq, diciembre 2003)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
