APII 35
Akapeea me Tuku i te au Ikianga Meitaki
E maata ta tatou ikianga i te au rā. Ka riro te reira ei kino me kore ei meitaki no tatou e to tatou pirianga oa kia Iehova. Ei akaraanga, penei ka akamanako tatou i te ngai ka noo, akapeea me akono i te ngutuare, e me ka akaipoipo e me kare. Me tuku tatou i te au ikianga meitaki, ka mataora te oraanga e ka akamareka tatou ia Iehova.
1. Akapeea koe me taangaanga i te Pipiria kia tuku i te au ikianga meitaki?
I mua ake ka tuku ei i tetai ikianga, e pure no ta Iehova tauturu e e akara matatio i te Pipiria kia kite i tona manako. (E tatau ia Maseli 2:3-6.) I tetai au ngai, kua taka meitaki ta Iehova akaue anga. Me akarongo tatou ki te reira, e iki anga meitaki rava ïa.
Akapeea me kare e akaue anga taka meitaki mei te Pipiria? Ka arataki rai a Iehova ia koe “na te arataa e tau ei kia aere koe ra.” (Isaia 48:17) Akapeea ra? Penei te vaira te au kaveinga ei arataki ia koe. E tuatua mou te au kaveinga Pipiria te akakite maira i te au manako ngakau o te Atua. Ka kite tatou i to te Atua manako me tatau tatou i te Pipiria. Me kite tatou i tona manako, ka tuku tatou i te au ikianga te ka akamareka iaia.
2. Eaa te au tika taau ka akamanako i mua ake ka tuku ei i tetai ikianga?
Karanga te Pipiria: “Te akara meitaki ra te tangata akono ra i tona takainga.” (Maseli 14:15) Tera te aiteanga, i mua ake ka tuku ei i te ikianga, e akamanako meitaki tatou i te reira. Ia koe e akamanako ra i tetai iki anga, e ui kia koe uaorai: ‘Eaa te au kaveinga Pipiria no te reira? Eaa te iki anga te ka akamaru iaku? Eaa ta te katoatoa ka manako i taku ikianga? Tei puapinga rava atu, ka rekareka ainei a Iehova i te reira?’—Deuteronomi 32:29.
E tika anga to Iehova kia akakite mai i te meitaki e te kino kia tatou. Me kite tatou i tana au ture e te au kaveinga ma te aru i te reira, te akatupu ra tatou i tetai akava ngakau meitaki. Ka kite to tatou akava ngakau i te tika e te tarevake. (Roma 2:14, 15) Ka tauturu to tatou akava ngakau tereniia kia tuku i te au ikianga meitaki.
KIMI OONU
Akara meitaki akapeea te au kaveinga Pipiria e te akava ngakau i puapinga ai no te tuku i te au ikianga meitaki.
3. Na te Pipiria e arataki ia koe
Akapeea te au kaveinga Pipiria me arataki ia tatou kia tuku i te au ikianga? Akatangi i te VITIO, e oti uriuri i te au uianga ka aru mai.
-
Eaa te tu rangatira?
-
Eaa a Iehova i oronga mai ei i te tu rangatira?
-
Eaa tana i oronga mai kia taangaanga meitaki tatou i te tu rangatira?
Kia kite i tetai akaraanga o te kaveinga Pipiria, e tatau ia Ephesia 5:15, 16. E oti uriuri akapeea koe me “taporoporo marie i te tuatau” kia . . .
-
tatau putuputu i te Pipiria.
-
riro mai ei tokorua akaipoipo, tamaiti, tamaine meitaki.
-
aere ki te au uipaanga putuputuanga.
4. Tereni i toou akava ngakau kia tuku i te au ikianga meitaki
Me e akaue anga Pipiria taka meitaki tetai, ka māmā mai kia tuku i te ikianga meitaki. Akapeea me kare e akaue anga? Akatangi i te VITIO, e oti uriuri i te uianga ka aru mai.
-
I roto i te vitio, eaa te au takainga ta te tuaine i rave no te tereni i tona akava ngakau kia tuku i te ikianga te ka akamareka ia Iehova?
Eaa tatou ka kore ei e tuku na tetai ke e rave i ta tatou ikianga? E tatau ia Ebera 5:14, e oti uriuri i teia au uianga:
-
Koi māmā ua ai na tetai ke e tuku i te ikianga, eaa ta tatou ka akataka meitaki?
-
Eaa te ka tauturu ia tatou kia rauka te akava ngakau meitaki e kia tuku i te au ikianga tau?
Aite to tatou akava ngakau ki te mapu te ka arataki i to tatou oraanga
5. Akangateitei i te akava ngakau o tetai ke
Tukeke ta te tangata au ikianga. Akapeea tatou me akangateitei i te akava ngakau o tetai ke? Akamanako e rua turanga:
Turanga 1: Kua neke tetai tuaine tei reka i te peni i tona mata ki tetai putuputuanga kare te au tuaine e reka ana i te reira.
E tatau ia Roma 15:1 e 1 Korinetia 10:23, 24, e oti uriuri i teia au uianga:
-
Kia tau ki te irava, eaa ta te tuaine ka akamanako? Eaa taau ka rave me e taeake toou tei mareka kore i taau e rave ra noatu e te mareka ua ra koe?
Turanga 2: Kua kite te taeake kare te Pipiria e patoi ana i te inu tau ua i te kava, inara kua iki aia kia kore e inu. Kua patiia aia ki tetai kaikai anga e kua kite aia i te au taeake e inu kava ra.
E tatau ia Koheleta 7:16 e Roma 14:1, 10, e oti uriuri i teia au uianga:
-
Kia tau ki te irava, eaa ta te taeake ka akamanako? Eaa taau ka rave me kite koe i tetai e rave ra i tetai apinga kare toou akava ngakau e mareka ana?
Eaa te au takainga te ka taki atu ki te au ikianga meitaki?
1. E pati tauturu kia Iehova i taau ka rave.—Iakobo 1:5.
2. E kimi kimi i te Pipiria e te au puka Pipiria no te au kaveinga. Penei e uiui atu ki te au Kerititiano pakari.
3. Akamanako i te ka tupu mei taau ikianga kia tau ki toou akava ngakau e to tetai ke.
KARANGA TE TANGATA: “E rave koe i toou anoano. Eiaa e maara atu i tetai?”
-
Eaa tatou ka akamanako ei i to te Atua manako, e to tetai ke?
APIIANGA
Ka tuku tatou i te au ikianga meitaki me rauka to Iehova manako ma te akamaara e me ka tauturu te reira e me ka takino i tetai ke.
Uriurianga
-
Akapeea koe me tuku i te au ikianga te ka akamareka ia Iehova?
-
Akapeea koe me tereni i toou akava ngakau?
-
Akapeea koe me akangateitei i te akava ngakau o tetai ke?
KIMI KIMI
Akapeea koe me tuku i te au ikianga te ka akamatutu i toou pirianga oa ki te Atua?
“Rave i te Ikianga ei Akangateitei i te Atua” (Te Punanga Tiaki, Aperira 15, 2011)
E kimi maata atu i te mārama akapeea a Iehova me ako mai ia tatou.
Akara eaa tei tauturu i tetai tangata kia tuku i te ikianga ngata.
Apii kia kite akapeea me akamareka ia Iehova me kare e arataki anga taka meitaki no te reira.
“E Anoano Ua Ana Ainei Koe i te Akauenga Pipiria?” (Te Punanga Tiaki, Titema 1, 2003)
Ka Reka Katoa Koe i Teia
AU UIANGA A TE TANGATA
Eaa te Uriurianga Apii Pipiria Tei Orongaia e te Au Kite o Iehova?
Na roto i te uriurianga apii kare e tutaki tei orongaia e te Au Kite o Iehova, ka rauka ia koe i te taangaanga i tetai ua atu urianga o te Pipiria. E pati atu i toou ngutuare tangata me kore tetai au oa kia kapiti mai kia koe.
