ΜΑΘΗΜΑΣ 35

Σαρ τι Λες Λατσσέ Αποφάσεις

ΑΝΑΠΑΡΑΓΩΓΗ

Σαρέ πρέπει τι λας αποφάσεις. Μερικές αποφάσεις μπορίνενα τι κερέν ζιάνι αμαρέ ζωγιάτε ντα κι φιλία σο τθεράσα ι Ιεχωβάσαρ. Για παράδειγμας, μπέκιμ χρειαζίντιβελα τι τραμπίνας κατέ κα μπεσάς, σαρ κα νικαβάς αμαρό μαντρό ή άμα κα παντρίνας. Κάνα λάσα λατσσέ αποφάσεις, αμαρί ζωή ισί ευτυχισμέ ντα κεράσα ι Ιεχωβάσκο γκι.

1. Σαρ μπορίνεσα τι χρησιμοποιήνες ι Αγία Γραφή για τι λες λατσσέ αποφάσεις;

Πριν τι λες εκ απόφαση, τι κερές προσευχή κο Ιεχωβά για τι βοηθίνελ-τουτ ντα τι ρόντες λατσσές κι Γραφή για τι σικλιός σαρ ντικχέλα-λες ανταβά ο Ιεχωβά. (Διαβάνεν Παροιμίες 2:3-6) Μερικέ πραγματένγκε, ο Ιεχωβά ντέλα-αμέν ξεκάθαρη εντολή. Κάνα αβέλα-πες ανταβά, ο πο λατσσό ισί τι τραμπίνες τι ντες καν κι εντολή ανταγιά σο ντέλα ο Ιεχωβά.

Σο αβέλα-πες όμως άμα νανέ εκ ξεκάθαρη εντολή κι Γραφή για τι βακερέλ τούκε σο τι κερές; Πάλι, ο Ιεχωβά κα οδηγίνελ-τουτ «κο ντρομ σο πρέπει τι πφιρές». (Ησαΐας 48:17) Σαρ κα κερέλ-λες ανταβά; Μπέκιμ υπαρχίντιβενα αρχές σο μπορίνενα τι οδηγίνεν-τουτ. Ο αρχές ι Γραφιάκε ισί βασικές αλήθειες σο σικαβένα σαρ σκεφτίνελα ντα σαρ νιωθίνελα ο Ντεβέλ. Μπουτ φαρ σικλιάσα σαρ νιωθίνελα ο Ντεβέλ εκχέ πραγμάσκε κάνα διαβάνασα εκ ιστορία κι Γραφή. Άμα αγαβάσα σαρ νιωθίνελα ο Ιεχωβά, μπορίνασα τι λας αποφάσεις σο κερένα λέσκο γκι.

2. Καλά πράγματα πρέπει τι σκεφτίνες πριν τι λες εκ απόφαση;

Η Γραφή βακερέλα: «Ο τζενό σο ντικχέλα ανγκλάλ σκεφτίνελα λατσσές πο κάθε βήμας». (Παροιμίες 14:15) Ανταβά μανγκέλα τι βακερέλ ότι, πριν τι λας εκ απόφαση, ντάσα αμαρέ σαατίσταρ για τι σκεφτίνας σο κα τραμπίνας. Καζόμ σκεφτίνεσα σο κα τραμπίνες, πουτς το νεαυτός: “Καλά αρχές ι Γραφιάκε ταιριάνενα ατθέ; Καγιά απόφαση κα ντελ-μαν ειρήνη μι γκοντιάτε; Σαρ κα επηρεάνελ ι γιαβερέν μι απόφαση; Ντα ο πο σημαντικός, κα κερέλ ι Ιεχωβάσκο γκι τι χαιρίνελ;”—Δευτερονόμιο 32:29.

Ο Ιεχωβά τθερέλα ο δικαίωμας τι βακερέλ αμένγκε σο ισί λατσσό ντα σο νανέ. Κάνα σικλιάσα λατσσές ο νόμοι ντα ο αρχές λέσκε ντα ισινάμ αποφασισμέ τι κεράς-λεν, σικλιαράσα αμαρί συνείδηση. Η συνείδηση σο τθεράσα αντρ’ αμέντε σικαβέλα αμένγκε καβά ισί ο σωστός ντα καβά ισί ο λάθος. (Ρωμαίους 2:14, 15) Κάνα σικλιαράσα αμαρί συνείδηση ανταβά βοηθίνελα-αμέν τι λας λατσσέ αποφάσεις

ΧΑΝΤΖΟΥΒ ΠΟ ΑΧΟΡΤ

Ντικχ σαρ ο αρχές ι Γραφιάκε ντα αμαρί συνείδηση μπορίνενα τι βοηθίνεν-αμέν κο αποφάσεις σο λάσα.

3. Τι μουκχές ι Γραφή τι οδηγίνελ-τουτ

Σαρ μπορίνενα ο αρχές ι Γραφιάκε τι οδηγίνεν-αμέν κάνα λάσα αποφάσεις; Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

ΒΙΝΤΕΟΣ: Μουκχέν ο Αρχές ι Γραφιάκε τι Οδηγίνεν-τουμέν (5:54)

Καβά μπουτ σουκάρ δώρος ντινάς-αμέν ο Ιεχωβά;
Σόσκε μουκχλάς ο Ιεχωβά τι τραμπίνας κορκορέ σο κα κεράς αμαρέ ζωγιάτε;
Σο ντινάς-αμέν για τι βοηθίνελ-αμέν τι λας ο πο λατσσέ αποφάσεις;

Άμα μανγκέσα τι ντικχές εκ αρχή κατά Γραφή, διαβάνεν Εφεσίους 5:15, 16. Σοράν συζητίνεν σαρ μπορίνεσα “τι χρησιμοποιήνες το χρόνος καζόμ πο λατσσές αβέλα-πες” για . . .

τι διαβάνες ι Γραφή κάθε ντιβές.
τι αβές πο λατσσό ρομ ή ρομνί, ντατ ή ντάι, τσσαβό ή τσσάι.
τι τζας κο συναθροίσεις.

4. Τι σικλιαρές τι συνείδηση για τι λες λατσσέ αποφάσεις

Κάνα υπαρχίντιβελα ξεκάθαρη εντολή κι Γραφή εκχέ πραγμάσκε, μπέκιμ τι αβέλ εύκολος τι τραμπίνας ο σωστός. Αλλά σο αβέλα-πες άμα να υπαρχίντιβελα εκ ασακί εντολή; Ντικχέν ο ΒΙΝΤΕΟΣ ντα σοράν συζητίνεν ι ερώτηση:

ΒΙΝΤΕΟΣ: «Τι Ατσσικιαρέν Πάκι Συνείδηση» (5:13)

Σαρ ντικχλάμ κο βίντεος, καλά βήματα κερντάς η πφεν για τι σικλιαρέλ πι συνείδηση ντα τι λελ εκ απόφαση σο κα κερέλας ι Ιεχωβάσκο γκι;

Σόσκε δεν πρέπει τι μανγκάς κατά γιαβερά τι λεν αποφάσεις σο πρέπει τι λας αμέν; Διαβάνεν Εβραίους 5:14 ντα σοράν συζητίνεν ο ερωτήσεις:

Παρόλο σο μπέκιμ τι αβέλ πο εύκολος τι μανγκάς κατά γιαβερά τι λεν αποφάσεις αμένγκε, σο πρέπει τι αγαβάς κορκορέ;
Σο τθερέσα σο μπορίνελα τι βοηθίνελ-τουτ τι σικλιαρές τι συνείδηση ντα τι λες λατσσέ αποφάσεις;

Αμαρί συνείδηση ισί σαρ εκ χάρτης. Βοηθίνελα-αμέν τι τραμπίνας σο ντρομ κα λας αμαρέ ζωγιάτε

5. Τι σεβάνες ι γιαβερένγκι συνείδηση

Να λένα σαρέ ο τζενέ ο ίδιες αποφάσεις. Σαρ μπορίνασα τι σεβάνας ι γιαβερένγκι συνείδηση; Ντικχ ντούι περιπτώσεις σο μπορεί τι αβέν-πες:

1: Εκ πφεν σο μπεϊντίνελα τι ζουζίνελ-πες μετακομίνελα εκχέ κχανγκιριάτε σο μπουτ πφενιά ενοχλίντιβενα κάνα ντικχένα ζουζιμέ τζουβλίν.

Διαβάνεν Ρωμαίους 15:1 ντα 1 Κορινθίους 10:23, 24 ντα σοράν συζητίνεν ο ερωτήσεις:

Σαρ βακερένα ανταλά εδάφια, καγιά απόφαση κα μπορίνελας τι λελ η πφεν; Σο κα κερέας τούι άμα ισινάνας εκχέ τζενέσαρ σο λέσκι συνείδηση να μουκχέλα-λες τι κερέλ κάτι σο τιρί συνείδηση μουκχέλα-τουτ;

2: Εκ πφραλ τζανέλα ότι η Γραφή μουκχέλα-αμέν τι πιας χωρίς τι νακχαβάς ο όρια, αλλά βοβ τραμπίνελα μα τι πιλ ιτς. Καλίνενα-λες εκχέ παρεάτε σο ντικχέλα πφραλέν τι πιν.

Διαβάνεν Εκκλησιαστής 7:16 ντα Ρωμαίους 14:1, 10 ντα σοράν συζητίνεν ο ερωτήσεις:

Σαρ βακερένα ανταλά εδάφια, καγιά απόφαση κα μπορίνελας τι λελ ο πφραλ; Σο κα κερέας τούι άμα κα ντικχέας εκχέ τζενές τι κερέλ κάτι σο τιρί συνείδηση να μουκχέλα-τουτ τι κερές-λες;

Σο τι κερές για τι λες λατσσέ αποφάσεις

1. Μανγκ κατά Ιεχωβά βοήθεια για τι αποφασίνες σο κα κερές. —Ιακώβου 1:5.

2. Ρόντε κι Γραφή ντα κο έντυπα για τι αρακχές ο αρχές σο ταιριάνενα ι θεμάσκε σο απασχολίνελα-τουτ. Επίσης, μπορίνεσα τι κερές λάφι γκοντιαβέρ πφραλέντζαρ.

3. Σκέφτινε σαρ κα επηρεάνελ τι απόφαση εμ τιρί εμ ι γιαβερένγκι συνείδηση.

ΜΕΡΙΚΑ ΤΖΕΝΕ ΒΑΚΕΡΕΝΑ: «Τθερέσα δικαίωμας τι κερές σο μανγκέσα. Μα ασούν σο βακερένα ο γιαβερά».

Σόσκε πρέπει τι σκεφτίνας σαρ νιωθίνελα ο Ντεβέλ ντα ο γιαβερά τζενέ;

ΧΑΝΙΚ ΛΑΦΙΝΤΖΑΡ

Λάσα λατσσέ αποφάσεις κάνα σικλιάσα σαρ νιωθίνελα ο Ιεχωβά εκχέ πραγμάσκε ντα σοράν σκεφτίνασα άμα ανταβά σο κα κεράς κα βοηθίνελ ι γιαβερέν ή κα κερέλ λένγκε ζιάνι.