LECȚIA 35
Sar te las lașe decizii
Savore anda amende trebul te las decizii. Butivar, so alosaras daștil te cherel amenghe mișto sau nasul, te cherel-ame te pașioas le Iehovastar sau te duriarel-ame lestar. Sar exemplo, trebul te alosaras cai va avela te beșas, sar va avela te cheras love hai dacă va avela te căsătorisaras-ame sau nici. Dacă alosaras mișto, va avela-ame iech viața șucar hai va avela te bucurisaras o ilo le Iehovasco.
1. Sar daștil te ajutil-tu i Biblia te les lașe decizii?
Angla te alosares vareso, mang-tu le Iehovasche te sicavel tuche so si mai mișto te cheres hai rode ande Biblia caște hachiares sar dichel vo le buchia. (Citisaren Proverbe 2:3-6.) Ande but buchia, o Iehova del iech porunca claro. Cana si cadea, i mai lași decizia si te alosaras te încăras cadai porunca.
So daștis te cheres dacă ci araches andi Biblia iech porunca claro cai te phenel tuche so te cheres? Vi de cadai data, o Iehova ‘va îngărela-tu pi rig cai trebul te phires’. (Isaia 48:17) Sar? Andi Biblia araches principii cai daștin te ajutin-tu. Le principii biblico si ciacimata importanto cai sicaven amenghe le gânduri le Iehovasche hai so simțosarel vo. Butivar hachiaras sar dichel o Iehova iech buchi cana citisaras iech relatarea biblico. Cana hachiaras so simțosarel o Iehova, daisaras te las decizii cai bucurin lesco ilo.
2. So trebul te cheres angla so te les iech decizia?
I Biblia phenel că „codo cai gândil-pe mai de anglal, lel sama ca pesche pași”. (Proverbe 14:15) Cadaia însemnol te na sighiares cana trebul te les iech decizia. Mai anglal, cher tuche timpo te gândis-tu so avelas mai mișto te alosares te cheres. Puș-tu: „So verseto sicavel sar gândil o Iehova anda cadai buchi? Va avela-ma pacea ando ilo pala so alosarav te cherav cadea? Va cherela mișto sau nasul le coaverenghe so me camav te alosarav? Hai, o mai importanto, va bucurila o ilo le Iehovasco?” (Deuteronomo 32:29)
Le Iehovas siles o drepto te phenel amenghe so si mișto hai so si nasul. Cana prinjianas mișto lesche legi hai sar gândil vo, hai das amari zor te cheras sea so phenel amenghe, sicavas amara conștiința. I conștiința si vareso anda amende cai phenel amenghe so si mișto hai so si nasul. (Romani 2:14, 15) Dacă va avela te sicavas-la cadea sar trebul, amari conștiința va ajutila-ame te las lașe decizii.
HACHIAR MAI MIȘTO
Va avela te hachiares sar ajutin-ame le gânduri le Iehovasche hai amari conștiința cana trebul te las decizii.
3. Mech te sicavel tuche i Biblia so trebul te cheres
Sar ajutin-ame le gânduri le Iehovasche cana trebul te las decizii? Dichen o MATERIALO VIDEO hai pala codoia den duma:
-
So si o libero arbitro?
-
Sostar dea-ame o Iehova o libero arbitro?
-
So dea-ame o Iehova caște ajutil-ame te folosisaras o libero arbitro ande o mai lașio modo?
Caște dichen iech exemplo anda sar gândil o Iehova, citisaren Efeseni 5:15, 16 hai pala codoia den duma anda sar daștis te folosis „chichi mai mișto chio timpo” . . .
-
caște citis i Biblia ande fiesavo ghies.
-
caște cărdios iech rrom, iech rromni, iech dad, iech dei sau iech șiavo mai lașio.
-
caște jias ca le întruniri la congregațiache.
4. Sicav chi conștiința caște les lașe decizii
Cana i Biblia del amen iech porunca claro ande iech buchi, si amenghe ușoro te las iech decizia. Tha so cheras cana ci arachas iech porunca claro? Dichen o MATERIALO VIDEO hai pala codoia den duma:
-
So cărdea i phei caște sicavel pesca conștiința hai te lel iech decizia cai si lași andel iacha le Iehovasche?
Sostar ci trebul te mangas averenghe te len decizii ande amaro than? Citisaren Evrei 5:14 hai pala codoia den duma:
-
Chiar dacă fal-pe că si mai ușoro te mangas averen te len decizii ande amaro than, so trebul te jianas hai te hachiaras?
-
So buchia daștin te ajutin-tu te sicaves chia conștiința hai te les lașe decizii?
Amari conștiința si sar iech harta cai ajutil-ame te alosaras pe savo drom te jias andi viața
5. Le sama pe averenghi conștiința
Le manușa sile diferime, anda codoia alosaren diferime. Sar daisaras te sicavas că las sama pe averenghi conștiința? Te dichas dui situații:
Situația 1: Iech phei cai placial-la te cherel-pe șucar hai folosil machiajo muchil-pe ande aver congregația, cai but pheia ci dichen mișto cadai buchi.
Citisaren Romani 15:1 hai 1 Corinteni 10:23, 24 hai pala codoia den duma:
-
Cadea sar sicaven le versetea, so daștilas te alosarel amari phei? Dacă chi conștiința mechel-tu te cheres iech buchi cana san varecaia, tha leschi conștiința ci mechel-les, so va avela te cheres?
Situația 2: Iech phral jianel că i Biblia phenel că ci si vareso nasul dacă piel iech țâra alcoolo, tha vo alosarel te na piel niciech țâra. Vo si achardo ca iech abiav cai dichel phrala că pien alcoolo.
Citisaren Eclesiasto 7:16 hai Romani 14:1, 10 hai pala codoia den duma:
-
Pala sar phenen cadal versetea, so daștilas o phral te alosarel te cherel? Cana diches varecas că cherel buchia cai chi conștiința phenel că ci sile lașe, so va avela te cheres?
So daștis te cheres caște les lașe decizii?
1. Mang le Iehovas te ajutil-tu te jianes so te cheres. (Iacov 1:5)
2. Rode andi Biblia hai ande amare publicații le gânduri le Iehovasche cai daștin te ajutin-tu. Mai but, daștis te des duma varecaia zuralo spiritualo.
3. Gândisar-tu dacă so alosares te cheres va avela mișto sau nasul anda chi conștiința hai anda averenghi.
UNII MANUȘA PHENEN: „Daștis te cheres so cames. Na-i importanto so pachian le coaver”.
-
Sostar trebul te las sama catar so simțosarel o Del hai le coaver manușa de pașa amende?
SO SICHILEAM
Daisaras te las lașe decizii cana las sama catar so simțosarel o Iehova hai cana gândisaras-ame de mai anglal dacă si mișto sau nasul anda le coaver so amen alosaras.
So dichleam
-
Sar daștis te les decizii cai te aven lașe andel iacha le Iehovasche?
-
Sar daștis te sicaves chi conștiința?
-
Sar daștis te les sama catar averenghi conștiința?
RODE MAI BUT
Sar daștis te les decizii cai zuriaren chio amalimos le Devleia?
„Te las decizii cai anen pachiv le Devlesche” (O Turno de veghe, 15 aprilia 2011)
Va avela te hachiares mai mișto sar sicavel-ame o Iehova so te cheras.
Va avela te diches so ajutisardea ieche murșes te lel iech phari decizia.
Va avela te diches so ajutil-tu te les decizii cai te aven lașe andel iacha le Iehovasche chiar cana ci si iech porunca claro.
„Trebul amenghe sea o timpo iech porunca biblico?” (O Turno de veghe, 1 decembria 2003)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
