SIKAIMOS 35
Sar te alosaras mishto
Savorhe trobus te alosaras prame. But andal prame kai alosaras shai keren amenge mishto vai nasul, shai keren te pashuvas ka o Jehova vai te duriaren amen lestar. Univar trobus te alosaras kai si te beshas, kai si te keras buki ai te avela si te ansuris amen vai nichi. Te alosarasa mishto shai avas veselime ai te veselis o ilo katar Jehova.
1. Sar azhutil tu e Biblia te alosares mishto?
Mai anglal te alosares vareso, mang katar o Jehova te azhutil tu ai rode ande Biblia so gindil pa godo (chito Proverbios 2:3-6). Univar si te dikhas ke o Jehova phenel amenge so te keras. Kana si gadia so si mai mishto tuke si, te pakias lesko mui.
Ai, te avela ke ande Biblia nai iek zakono te phenel amenge so te keras? Te avela gadia, o Jehova si te ningerel tu po drom kai trobus te phires (Isaías 48:17). Vo dias amen suako chachimos kai si ande Biblia. Suako anda lende azhutil amen te zhanas so gindil ai so aliarel o Jehova. Ai kako shai arakhas les kana chitos iek historia anda e Biblia. Kana das po gor so gindil o Jehova kerel te alosaras so si leske drago.
2. Mai anglal te alosares vareso so trobus te keres?
E Biblia phenel ke kon arakhel so kerel dikhel mishto sar phirel (Proverbios 14:15). Godo kamel te phenel ke mai anglal te alosaras vareso trobus te gindis mishto ande suako prama kai shai keras. Mai anglal te alosares shai pushes tu: “Savo chachimos la Bibliako shai azhutil man ande kako? So trobuv te kerau? So alosarava si te kerel mishto le kolavrenge vai nichi? Ai na numa godo, so alosarava si te veselil ka o Jehova?” (Deuteronomio 32:29).
Numa o Del si kon shai phenel amenge so si ai so nai vorta. Amen trobus te pakias lesko mui ai te prinzharas leske zakonuria ai suako chachimos la Bibliako, gadia si te avel amen iek gogi sikadi kai phenel amenge so si ai so nai vorta (Romanuria 2:14, 15). Sa gado azhutil amen te alosaras mishto.
TE MAI SIKIOS
Si te dikhas sar azhutil amen suako chachimos la Bibliako ai iek gogi sikadi te alosaras mishto.
3. Mek te ningerel tu e Biblia
Sar ningerel amen suako chachimos la Bibliako kana trobus te alosaras vareso? Dikhen o VIDEO ai den duma pa:
-
So mekel amen te keras o Jehova?
-
Sostar o Jehova mekel amen te alosaras?
-
Sar azhutil amen o Jehova te alosaras mishto?
Te dikhas sar azhutil amen iek chachimos la Bibliako, chiton Efesios 5:15, 16 [NWT]. Polme den duma pa sar shai alosaras so si mai mishto amara “vriamasa”...
-
... te chitos e Biblia suako gies.
-
... te avas mai lashe rhom, rhomnia, dada vai shave.
-
... te chidas amen le phralentsa.
4. Sar te avel tu iek gogi sikadi te alosares mishto
Kana si ande Biblia iek zakono kai phenel amenge so te keras si mai vushoro te alosaras mishto. Ai te na avela iek zakono kai phenel amenge so trobus te keras? Dikhen o VIDEO ai den duma pa:
-
Pa so dikhiol ando video, so kerdias e phei te avel la iek gogi sikadi ai te alosarel vareso kai si drago le Devleske?
Sostar chi trobus te mangas varekastar te alosarel pala amende? Chiton Hebreos 5:14 [NWT] ai den duma pa:
-
Shai avela mai vushoro te pushas varekastar so te keras. Numa, sostar suako anda amende trobul te zhanel so si vorta vai nichi?
-
Save prame shai azhutin amen te avel amen iek gogi sikadi ai te alosaras mishto?
Amari gogi sikadi si sar iek mapa kai azhutil amen te zhanas pe savo drom trobus te zhas ando traio.
5. Sar shai sikaves ke respetis so alosaren le kolaver
Sar nai iek manush sar aver, chi alosaren sa iek fialo. Sar shai sikavas ke respetis so alosaren le kolaver? Aida dikhas dui prame kai shai maladion.
Pervo: Iek phei mukilpe ai astarel te chidelpe avre phralentsa. Lake drago te ningerel le bal skurto, numa le phea kotsar chi dikhen godo mishto.
Chiton Romanos 15:1 [NWT] ai 1 Corintios 10:23, 24 [NWT], ai den duma pa:
-
Pa so phenen gadala verseturia, so shai alosarel amari phei? Ai te avela ke kiri gogi sikadi mekel tu te keres vareso kai avres chi mekel les, so sas te keres?
Duito: E Biblia chi phenel ke o manush nashtil te pel pimos. Numa iek phral kai zhanel kako alosarel te na pel. Ande iek gies akharen les ka pengo kher te jal ai vo dikhel ke le phral kotse pen pimos.
Chiton Eclesiastés 7:16 ai Romanos 14:1, 10 [NWT], ai den duma pa:
-
Pa so phenen gadala verseturia, so shai alosarel amaro phral? Ai te avela ke dikhes varekas kai kerel vareso kai kiri gogi sikadi chi mekel tu, so sas te keres?
Save prame trobus te keres te alosares mishto?
1. Mang katar o Jehova te zhanes so trobus te keres (Iakov 1:5).
2. Rode ande Biblia ai andel publikasionuria la Bibliake iek chachimos te azhutil tu. Vi shai pushes katar iek phral kai si zuralo ando chachimos.
3. Gindisavo sar si te aliarelpe kiri gogi sikadi ai e gogi le kolavrengi polme te alosares vareso.
UNI MANUSH PHENEN: “Shai keres so kames, nai bari prama so gindin le manush”.
-
Sostar trobus te las sama sar aliarelpe o Del ai le kolaver?
SO DIKHLIAM
Alosaras mishto kana rodas so gindil o Jehova ai kana las sama so keras te na peravas le kolavren.
So sas te mothos?
-
Sar shai alosares vareso te veselil ka o Jehova?
-
So shai keres te avel sikadi kiri gogi?
-
Sar shai sikaves ke respetis so alosaren le kolaver?
SHAI DIKHES VARESO MAI
Sar shai alosares prame kai azhutin tu te mai aves amigo le Devlesko?
“Trobus te alosaras prame kai bariaren le Devles” (La Atalaya, 15 anda o abril, 2011)
Aliar mishto le suaturia kai del amen o Jehova.
Dikh so azhutisardias ka iek manush te alosarel vareso kai nas leske vushoro.
Dikhta mishto sar shai veselis ka o Jehova kana trobus te alosaras vareso ai nai iek zakono te phenel amenge so te keras.
“Trobul amen iek zakono pe suako prama?” (La Atalaya, 1 anda o diciembre, 2003)
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
