ISOMO LYA 35
Oku Wakakarhôlamwo Emihigo Minja
Rhweshi rhunarhôle emihigo. Mihigo minji omu mihigo rhurhôla yanarhulerhera obunguke erhi erhulerhere amazibu. Na kandi yanarhuma obwîra bwirhu haguma na Yehova bwasêra erhi busherere. Kwa lwiganyo, rhwanahiga okugendilama hantu halebe, okujira kazi kalebe lyo rhukabona olusaranga, ankaba rhwaja omu buhya erhi rhurhamuje. Erhi rhwakarhôla emihigo minja, rhwanaba n’akalamo k’omwishingo na kandi rhwanashagalusa Yehova.
1. Gurhi wakakolesa Ebibliya ly’ekurhabala okarhôla emihigo minja?
Embere z’okurhôla omuhigo, oshenge Yehova okurhabale na buzinda olonze kugerera Ebibliya entanya zage lugenda ogo muhigo warhôla. (Osome Emigani 2:3-6.) Mango maguma na maguma, Yehova anarhuhe irhegeko liyerekine n’obwalagale ebintu rhushinganine rhujire. Nka kobiri ntyo, okuhiga okurhumikira er’irhegeko gwanaba muhigo mwinja orhôzire.
Gurhigi wakajira erhi akaba omu Bibliya murhal’irhegeko ly’obwalagale liyerekine ebi oshinganine ojire? Muli ako kanga, Yehova anakuyereka “enjira [oshinganine] ogeremwo.” (Izaya 48:17) Gurhi akajiramwo ntyo? Omu Bibliya muli amakanuni gakakulongoza. Akanuni ko okuli kw’omusingi kurhurhabala okumanya entanya za Yehova na gurhi aciyumva. Kanji-kanji erhi rhusoma mwanzi mulebe omu Bibliya rhunamanye entanya za Nnâmahanga kuyerekera bintu bilebe. Erhi rhuhugûkwa entanya za Yehova ziri zihi, rhwanarhôla omuhigo gwakamushagalusa.
2. Bintu bihi wakarhang’irhanyako embere orhôle omuhigo?
Ebibliya edesire ntya: “Omwenge yehe anakazilola bwinja ah’agera.” (Emigani 14:15) Oko kuli kuderha oku amango rhukola rhwarhôla emihigo rhushinganine rhurhangiy’irhanyako bwenene. Amango oli warhanya okurhôla muhigo mulebe, wanarhangicidosa ntya: ‘Kanuni kahi k’Ebibliya kakantabala muli aka kanga? Erhi nakarhôla ogu muhigo, ka gwarhuma naba n’omurhula gw’ekandalala? K’ogu muhigo gwalerherha abandi amazibu erhi nanga? N’idoso ly’obulagirire wakacidosa liri ly’eri: K’ogu muhigo narhôla gwashagalusa Yehova?’—Olushika 32:29.
Yehova yeshinganine arhubwire ebintu binja byo bihi n’ebibi byo bihi. Erhi rhuhugûkwa bwinja amarhegeko n’amakanuni gage na buzinda rhuciseze okugakulikira, rhwanaba erhi rhuli rhwakomereza ezamiri zirhu zikakola bwinja. Ezamiri, ziba ntanya z’ekandalala zibwira omuntu oku akantu kali kinja erhi kali kabi. (Abaroma 2:14, 15) Ezamiri eri yakola bwinja enarhurhabale rhurhôle emihigo minja.
HUMBIRIRA LY’OHUGÛKWA
Olabirize bwinja gurhi amakanuni g’Ebibliya n’ezamiri byakakurhabala okurhôla omuhigo mwinja.
3. Oleke Ebibliya ekulongoze
Gurhi amakanuni g’Ebibliya gakarhurhabala rhurhôle omuhigo mwinja? Olole EVIDEO, na buzinda oganirire aga madoso gakulikire.
-
Oluhûma lw’okucishoga byo bici?
-
Bulya gurhi Yehova arhuhîre oluhûma lw’okucishoga?
-
Bici Yehova arhuhîre byakarhurhabala okukolesa oluhûma lwirhu lw’okucishoga bwinja?
Ly’obona olwiganyo luguma lw’akanuni k’Ebibliya, osome Abefezi 5:15, 16, NWT. Na buzinda oganirire bulya gurhi oshinganine ‘okukolesa bwinja akasanzi kawe’ . . .
-
ly’okasoma Ebibliya ngasi lusiku.
-
ly’oba mulume erhi mukazi mwinja bwenene, erhi mubusi erhi mwana-rhabana erhi munyere mwinja bwenene.
-
ly’okaja oku ntimanano.
4. Okomereze ezamiri yawe ekakurhabala orhôle emihigo minja
Kuba kulembu okurhôla emihigo minja amango hali irhegeko ly’Ebibliya liyumvikine n’obwalagale. Gurhigi rhwakajira amango nt’irhegeko liyumvikine n’obwalagale lihânyirwe? Olole EVIDEO, na buzinda oganirire er’idoso likulikire.
-
Nk’oku obwine mw’eyo video, bici oyo mwali wirhu ajijire ly’akomereza ezamiri yage na buzinda arhôle omuhigo gwakashagalusa Yehova?
Bulya gurhi rhurhashinganini okubwira abandi oku barhurhôlere omuhigo? Osome Abahabraniya 5:14, na buzinda oganirire aga madoso:
-
Ciru ankaba kwanaba kulembu okubwira abandi oku barhurhôlere omuhigo, buhashe bw’okujira olubero egarhi ka bici na bici rhushinganine rhube nabo?
-
Bici ogwerhe byakakurhabala okukomereza ezamiri yawe n’okurhôla emihigo minja?
Nka kula akarte karhurhabala okumanya enjira, ezamiri zirhu zanarhurhabala okurhôla emihigo omu kalamo kirhu
5. Okenge ezamiri z’abandi
Rhweshi rhurharhôla emihigo eshushine. Gurhigi rhwakajira lyo rhuyerekana oku rhukenzire ezamiri z’abandi? Rhuganirire hali ibirhi:
Ehali ya 1: Mwali wirhu osima okucipamba (kuciyinjihya) ahamire omu cigamba cibamo bali birhu barhasima babone omuntu ocimpambire.
Osome Abaroma 15:1 na 1 Abakorinti 10:23, 24, na buzinda oganirire aga madoso:
-
Nk’oku aga mandiko gayerekine, gurhi oyo mwali wirhu akahiga okujira? Gurhi wakakolesa ago mandiko amango oli haguma n’omuntu ezamiri yage ehanzize okujira kantu kalebe ezamiri yawe erhakuhanzizi?
Ehali ya 2: Mwene wirhu mulebe amanyire oku Ebibliya erhahanzizi okunywa amamvu n’olugero, cikone ahige oku arhakacinywa mamvu. Buzinda bamulalike hantu halebe, hano aja eyo munda abone bene wirhu na bali birhu bali banywa amamvu.
Osome Omuhanûzi 7:16 n’Abaroma 14:1, 10, na buzinda oganirire aga madoso:
-
Nk’oku aga mandiko gayerekine, gurhi oyo mwene wirhu akahiga okujira? Gurhi wakakolesa ago mandiko amango wamabona muntu mulebe ali ajira akantu ezamiri yawe ekuhanzize?
Bici byakakurhabala okarhôla emihigo minja?
1. Oshenge Yehova akurhabale omanye ebi wakajira.—Yakobo 1:5.
2. Ojire obusagasi omu Bibliya n’omu bitabu birhu ly’obona amakanuni gakakurhabala muli ako kanga. Na kandi wanahûna Abakristu bacibwinire bintu binji amahano.
3. Ocidose erhi ogo muhigo gwakurhabala obe n’ezamiri nyinja erhi nanga na kandi olole erhi gurhasarhaze abandi.
HALI ABANTU BADERHA NTYA: “Wanajira ebi onalonzize okujira. Emihigo orhôla erhaba eyerekire omuntu yeshi-yeshi.”
-
Bulya gurhi rhushinganine rhulonze entanya za Nnâmahanga okubiyerekire emihigo yirhu na gurhi abandi babona ebi rhwahîzire?
KWA BOFOFI
Lyo rhukarhôla emihigo minja rhushinganine rhurhangimanya entanya za Yehova lugenda ogo muhigo rhwarhôla, n’okuhugûkwa erhi ogo muhigo gwarhabala abandi erhi gwabalerhera amazibu.
Okucikengeza
-
Bici byakakurhabala orhôle emihigo esimisize Yehova?
-
Gurhi wakajira ly’okomereza ezamiri yawe?
-
Gurhi wakayerekanamwo oku okenzire ezamiri z’abandi?
OCIYIGIRIZE KWA BULÎRI
Gurhi wakarhôla emihigo yakakurhabala ozibuhye obwîra bwawe haguma na Nnâmahanga?
“Kamata Maamuzi Yenye Inamutukuza Yehova” (Ilabiro ly’Akalalizi, ly’omu nsiku 15/4/2011)
Oyige binji lugenda oku Yehova arhuhamw’amahano.
Olole ebyarhabire mulume muguma arhôle omuhigo muzibu.
Oyige kwa bulîri gurhi rhwakashagalusa Yehova amango nt’irhegeko ly’obwalagale liyerekine ebi rhwajira.
“Uko na Lazima ya Amri ya Biblia mu Kila Hali?” (Ilabiro ly’Akalalizi, ly’omu lusiku 1/12/2003)
Olole n'Ebi Bikulikire
AMADOSO GALUG’IDOSIBWA
Gurhi Abahamirizi ba Yehova Bayigiriza Abantu Ebibliya?
Kugerera eprograma y’okuganîra ohâbwa n’Abahamirizi ba Yehova, wanakolesa Ebibliya onalonzize. Orharhindiraga okuyegereza abantu b’omulala gwawe n’abîra okucilunga haguma nawe okw’ifunzo lyawe ly’Ebibliya.
