ROSO 35
Gara Ikkinore Doodhate Kaaˈlannonkeri Maati?
Ninke baalunku mitte doodha hasiissannonke woyiti no. Doodhineemmo coyi kaaˈlankera woy gawajjankera, hattono Yihowa ledo noonke jaalooma seekkara woy hunara dandaanno. Lawishshaho, mama heeˈneemmoro, heeshshote hasiisannonkere ma garinni afiˈneemmoro woy adhammeemmoronna teˈee doodha hasiissannonkeha ikkara dandaanno. Gara ikkinore doodhinummoro, hagiirru noo heeshsho heeˈneemmo; hattono Yihowa hagiirsiinseemmo.
1. Qullaawa Maxaafa horoonsidhe gara ikkinore doodha dandaattohu hiittoonniiti?
Mitto coye doodhattora albaanni, kaaˈlannohe gede Yihowa huucciˈri; qoleno isi hattee hajo daafira ma garinni hedannoro huwatate Qullaawu Maxaafi yaannore xiinxalli. (Lawishsha 2:3-6 nabbawi.) Yihowa mite hajo daafira uyino hajajo goˈlitinota diˈˈikkitino. Hatto ikkiro, wole baalanka rooranno doorshi hattee hajajo ayirrisate.
Kayinni konne assi konne assitooti yitannoti Qullaawu Maxaafi hajajo nookkiha ikkirona? Hattoo woyiteno Yihowa ‘haˈratto doogo kulannohe.’ (Isayaasi 48:17) Hiittoonni? Maa assittoro woyyannoro afatto gede kaaˈlannohehu xintu seeri heeˈrara dandaanno. Qullaawu Maxaafihu xintu seeri Maganu hedo huwatate kaaˈlannonkeho xinta ikkino halaaleeti. Duucha woyite Qullaawu Maxaafi giddo nooti mitte xagge, Maganu mitte hajo daafira ma garinni hedannoro afate kaaˈlitannonke. Yihowa hedanno gara wodanchinummoro, iso hagiirsiisannore doodha dandiineemmo.
2. Mitto coye doodhattora albaanni maa heda hasiissannohe?
Qullaawu Maxaafi, “Egennaamu . . . layiˈranni qaafanno” yaanno. (Lawishsha 14:15) Hatto yaa, mitto coye doodhinammora albaanni, maa assa dandiineemmoro woy noonke doorsha wodanaaˈmine heda hasiissannonke yaate. Mitto mittonka doorsha hedatto woyite, ateneeto togo yite xaˈmi: ‘Tenne hajo ledo xaadooshshe afiˈrinohu Qullaawu Maxaafihu xintu seeri hiikkoyeti? Assa hasiissannoeri maati? Doodheemmori wole manna kaaˈlara woy gawajjara dandaannohu hiittoonniiti? Roorenkanni, doodheemmo coyi Yihowa hagiirsiisanno?’—Marro 32:29.
Kuni danchaho kuni bushaho yaate qoosso noosihu Yihowaati. Hajajosinna xintu seerasi seekkine anfummoronna seerisi garinni heeˈrate murciˈneemmoha ikkiro, tiianke qajeelsiˈnanni heeˈnoommo. Tiiu danchanna busha bade afate kaaˈlitannonkete giddonke noo dandooti. (Roomu Sokka 2:14, 15) Tiiˈˈinke qajeelsiˈnummoro gara ikkinore doodhate kaaˈlannonke.
LEDDE XIINXALLI
Qullaawu Maxaafihu xintu seerinna tiiˈˈinke gara ikkinore doodhate kaaˈlannonke gara ledde rosi.
3. Qullaawu Maxaafi massagannohe gede assiˈri
Mitto coye doodhineemmo woyite Qullaawu Maxaafihu xintu seeri kaaˈlannonkehu hiittoonniiti? VIIDIYO laˈe; hakkiinni aante noo xaˈmuwa hasaabbe.
-
Yihowa uyinonketi muxxe elto maati?
-
Yihowa doodhate dandoo uyinonkehu mayiraati?
-
Isi doodhate dandoonke danchu garinni horoonsiˈneemmo gede kaaˈlannonkere maa uyinonke?
Qullaawu Maxaafihu xintu seeri giddo mitto laˈˈate, Efesooni Sokka 5:15, 16 nabbabbe. Hakkiinni, konni woroonni noore assate yannanke danchu garinni horoonsiˈra dandiineemmo gara hasaabbe:
-
ganyine Qullaawa Maxaafa nabbawate
-
dancha minaanna, dancha minaama, dancha anna woy dancha ama, woy dancha oosicho ikkate
-
songote gambooshshe haˈrate
4. Gara ikkinore doodhate tiiakki qajeelsiˈri
Xabbe leeltannoti Qullaawu Maxaafi hajajo nooha ikkiro, gara ikkinore doodha qarrisa hooggankera dandiitanno. Kayinni hattoo hajajo nookkiha ikkirona? VIIDIYO laˈe; hakkiinni aante noo xaˈmo hasaabbe.
-
Viidiyote giddo, rodoonke tiiase qajeelsiˈratenna Yihowa hagiirsiisannore doodhate maa maa assitino?
Ninke doodha hasiissannonke coye wolu manni doorankera xaˈma hasiissannonkekkihu mayiraati? Ibiraawoota 5:14 nabbabbe; hakkiinni aante noo xaˈmuwa hasaabbe:
-
Wolu manni maa assa hasiissannonkero kulankera xaˈma shota ikkiturono, ninke uminke maa bande afa hasiissannonke?
-
Tiiakki qajeelsiˈratenna gara ikkinore doodhate kaaˈlannohehu hiikku uduunni no?
Doogo leellishanno kaarti gede, tiiˈˈinke heeshshonke giddo massagannonke
5. Wolu manni tiia ayirrisi
Mannu addi addire doodhanno. Wolu manni tiia ayirrinseemmota leellisha dandiineemmohu hiittoonniiti? Hanni lame ikkito laˈno:
Ikkito 1: Addi addire buudhite seesa baxxannoti mitte rodoo wole songo higgino; hattee songora noohu batinyu meya roduuwi kayinni togoore dibaxanno.
Roomu Sokka 15:1 nna 1 Qorontoosi 10:23, 24 nabbabbe; hakkiinni aante noo xaˈmuwa hasaabbe:
-
Tini qummeeshshuwa kultanno garinni, tini rodoo maa doodhitara dandiitanno? Ate tiiˈˈi assattora fajjannohere tiiˈˈisi fajjannosikki manchi ledo heeˈrittoro, maa assatto?
Ikkito 2: Mittu rodii Qullaawu Maxaafi ago quwa saˈnikki aga hoolannokkita afinoha ikkirono, isi kayinni aga hoogate murciˈrino. Kuni rodii sagalete koyinsoonnisiwa roduuwu ago agganna lai.
Rosiisaancho 7:16 nna Roomu Sokka 14:1, 10 nabbabbe; hakkiinni tenne xaˈmuwa hasaabbe:
-
Kuri qummeeshshuwa kultanno garinni, hakku rodii maa doodhara dandaanno? Ate tiiˈˈi assattora fajjannohekkire wolu manchi assanna laittoro, maa assatto?
Gara ikkinore doodhate kaaˈlannoheri maati?
1. Maa assittoro woyyannoro afatto gede kaaˈlahera Yihowa huucciˈri.—Yaiqoobi 1:5.
2. Kaaˈlahera dandaannoha xintu seera afiˈrate, Qullaawa Maxaafanna Qullaawu Maxaafi aana xintantino borro xiinxalli. Gikki yiinoha woy woˈnaalshu noonsa Kiristaanano amaaˈla dandaatto.
3. Doodhatto coyi atehanna wolu manni tiia kaaˈlara woy gawajjara dandaanno gara balaxxe hedi.
MITU MANNI TOGO YAANNO: “Baxummore assate qoosso nooe. Ani asseemmorira wole manna mayi eessanno?”
-
Mitto coye doodhineemmo woyite, Maganohono wolu mannirano mayi macciishshamannonsaro heda hasiissannonkehu mayiraati?
XAPHISHSHA
Yihowara mayi macciishshamannosironna assineemmori wole manna kaaˈlara woy gawajjara dandaannohu hiittoonniitiro hedanke, gara ikkinore doodhate kaaˈlitannonke.
Kageeshsha Rosoottore
-
Yihowa hagiirsiisannore doodha dandaattohu hiittoonniiti?
-
Tiiakki qajeelsiˈra dandaattohu hiittoonniiti?
-
Wolu manni tiia ayirrisattota leellisha dandaattohu hiittoonniiti?
EGENNO LEXXI
Maganu ledo noohe jaalooma roore kaajjishannore doodha dandaattohu hiittoonniiti?
“Maganu Ayirranno Gede Assannore Doodhe” (Agarooshshu Shae, Dotteessa 15, 2011)
Yihowa amaalannonkehu hiittoonniitiro ledde rosi.
Mittu beetti danchare doodhanno gede kaaˈlinosiri maatiro rosi.
Yihowa konne asse konne assitinoonte yee bade kulinokki coyi tuncu yaannohe woyite iso hagiirsiisannore doodha dandaatto gara ledde rosi.
“Woˈmunku Coyira Hajajo Uyinahera Agadhatto?” (Agarooshshu Shae, Sadaasa 1, 2003)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
