LESOGNE 35
Ino ty Hagnampe Antika Hahay Hanapa-kevetse Soa?
Tsy maintsy mandrambe fanapahan-kevetse iaby tika. Maro amy i fanapahan-kevetse rey ro misy voka’e amantikagne naho amy ty fifandrambesantikagne amy i Jehovah. Mila manapa-kevetse ohatse tikagne tie, aia ty hitobohantikagne, ino ty asa hataontikagne ndra hanambaly vao tika sa tsy hanambaly. Ho sambatse tika sady hampifale i Jehovah naho mahay manapa-kevetse soa.
1. Akore ty azo’o ampiasagne o Baibolio naho fa hanapa-kevetse?
Aloha ty handrambesa’o fanapahan-kevetse, le mivavaha amy i Jehovah mba hagnampe azo sady fantaro amy Baiboly ao ty heve’e miomba i rahay. (Vakio ty Ohabolana 2:3-6.) Misy fotoagne ty Jehovah le avy le magnomey lily mazava miomba ty raha raike. Naho izay areke, le soa naho mankatò i lily zay rehe.
Faie akore naho tsy misy lily mazava miomba ty raha toko’e hatao’o ty amy Baiboly ao? Mbe manoro azo amy ‘ze lalagne toko’e homba’o’ ty Jehovah. (Isaia 48:17) Akore ty fomba anoa’e izay? Magnomey toro lalagne afake magnampe azo reke. Ty atao tihoe toro lalagne, le fampianaragne fototse mampiseho ty fomba fiheve i Jehovah naho ty fihetseham-po’e. Naho fa mamaky tantara amy Baiboly ao ohatse tika, le mahafantatse ty fomba fiheve i Jehovah miomba ty raha raike. Ho haintikagne naho fa avy eo ty handrambe fanapahan-kevetse mampifale aze.
2. Ino iaby ty raha toko’e hoeretserete’o aloha ty handrambesagne fanapahan-kevetse?
Rehafe ty Baiboly fa “mandineke ty lia’e ty mahimbagne.” (Ohabolana 14:15) Maro ty safidy anagnantikagne naho fa handrambe fanapahan-kevetse. Mahimbagne areke tika naho mandineke soa i safidy rey heike aloha ty hanapa-kevetse. Dineho zao naho fa mandineke ty tsikiraidraike amy i safidy rey rehe: ‘Ino ty toro lala ty Baiboly afake magnampe ahy? Ty aia amo o safidy rehoe ty mampilamigne ty saiko? Ino ty ho voka’e amy ty hafa naho itoy ty rambeseko? Fa ty lahibey le tihoe, ho fale vao ty Jehovah naho itoy ty rambeseko?’—Deoteronomia 32:29.
Manan-jò hisaontsy amantikagne ty atao tihoe soa naho raty ty Jehovah. Soa areke naho mikezake hahafantatse soa ty lalà’e naho ty toro lala’e tikagne. Naho manao izay tika sady tapa-kevetse hagnorike irey, le hiasa soa ty feo ty fieretseretantikagne. Ty atao tihoe feo ty fieretseretagne, le ty fahaiantikagne mamantatse ty atao tihoe soa naho raty. (Romanina 2:14, 15) Naho ampiofagnentikagne soa ty feo ty fieretseretantikagne, le izay ty hagnampe antikagne handrambe fanapahan-kevetse soa.
ANDAO HANDINEKE TY PITSOPITSO’E
Hodinehentikagne ato fa magnampe antikagne hahay hanapa-kevetse ty toro lala ty Baiboly naho ty feo ty fieretseretagne.
3. Engao hitari-dalagne azo ty Baiboly
Nagnino ty toro lala ty Baiboly ro magnampe antika hahay hanapa-kevetse? Alefaso i VIDEO oy, sady iharò midineke ty fagnonteneagne retoa.
-
Engà i Jehovah hanao akore tika?
-
Nagnino ty Jehovah ro magnomey safidy malalake antika?
-
Ino iaby ty raha nimei’e antikagne mba hagnampeagne antikagne handrambe fanapahan-kevetse soa?
Vakio ty Efesianina 5:15, 16, mba hahatreavagne ty atao tihoe toro lala ty Baiboly. Iharò midineke ty fagnonteneagne retoa naho fa avy eo: Akore ty azo’o “agnararaotagne soa ty fotoa’o” mba...
-
hamakiagne Baiboly isan’andro?
-
hahavy azo ho valy fanjaka ndra rae aman-drene mahay miteza ndra anake mankatò?
-
hahavy azo hagnatreke fivoriagne tsy tapake?
4. Ampiofagno hiasa soa ty feo ty fieretsereta’o amy izay rehe hahay hanapa-kevetse
Va’e ho mora ty hahay hanapa-kevetse naho fa mazava soa ty lily ty Baiboly miomba ty raha raike. Faie akore naho tsy magnomey lily mazava miomba ty raha raike ty Baiboly? Alefaso i VIDEO oy, sady iharò midineke ty fagnonteneagne toy.
-
Arake i video teoy, ino iaby ty raha natao i rahavavey mba hampiofagnagne ty feo ty fieretsereta’e, amy izay hampifale i Jehovah ty fanapahan-kevetse rambese’e?
Nagnino ro tsy mete naho ndaty hafa ty ampandrambesentikagne fanapahan-kevetse ho antikagne? Vakio ty Hebreo 5:14, sady iharò midineke ty fagnonteneagne retoa:
-
Mora amantikagne ty mirehake ty hafa mba hanapa-kevetse ho antikagne. Faie ino ty toko’e ho haintikagne tsikiraidraike ty magnambake aze?
-
Arake i video teoy, ino iaby ty fitaovagne azontikagne ampiasaegne mba hagnampe antikagne hampiofagne ty feo ty fieretseretantikagne, amy izay tika hahay hanapa-kevetse?
Hoe sare tane mitarike antikagne amy ty lalagne hombantikagne o feo ty fieretseretagneo
5. Asio fiheveragne ty feo ty fieretsereta ty hafa
Tsy mitovy ty fanapahan-kevetse rambese o ndatio. Akore areke ty ampisehoantikagne fa magnisy fiheveragne ty feo ty fieretsereta ty hafa tika? Dineho ty ohatse roe retoa:
Ohatse 1: Tea magnisy makiaze ty rahavave raike. Faie tsy mete amy ty rahavave amy i fiangonagne nifindra’ey ao ty magnisy makiaze.
Vakio ty Romanina 15:1 naho ty 1 Korintianina 10:23, 24, sady iharò midineke ty fagnonteneagne retoa:
-
Arake o andine’e reo, ino ty fanapahan-kevetse toko’e ho rambese i rahavavey? Ino ty toko’e hatao’o naho misy raha raike mete amy ty feo ty fieretsereta’o faie tsy mete amy ty feo ty fieretsereta ty hafa?
Ohatse 2: Fanta ty rahalahy raike fa tsy rarà ty Baiboly tihoe minon-toake arake ty antogno’e faie nifily ty tsy hinogne reke. Faie nisy mpiara-manompo nirehake aze mba hiarake hihinagne amy iareo agne, le nahatrea rahalahy maromaro ninon-toake reke tie tagne.
Vakio ty Mpitoriteny 7:16 naho ty Romanina 14:1, 10, sady iharò midineke ty fagnonteneagne retoa:
-
Arake o andine’e reo, ino ty fanapahan-kevetse toko’e ho rambese i rahalahỳ? Ino ty toko’e hatao’o naho misy ndaty hafa manao ty raha andrarà ty feo ty fieretsereta’o azo?
Ino iaby ty raha toko’e hatao’o mba hahavy azo hahay hanapa-kevetse?
1. Mivavaha amy i Jehovah mba hagnampe azo hahay ze toko’e hatao.—Jakoba 1:5.
2. Manoa fikarohagne amy Baiboly ao naho amo o boke aman-gazeteo ao mba hahatreava’o toro lalagne. Azo’o atao ka ty magnontane Kristiana matotse.
3. Eretsereto ty ho voka i fanapahan-keve’oy amy ty feo ty fieretsereta’o naho amy ty feo ty fieretsereta ty hafa.
MISY TY MIREHAKE TIE: “Anò ze tea’o hatao fa ko mifantoke amy ze ho eretserete ty hafa.”
-
Nagnino tika ro toko’e hieretseretse ty raha tsapan’Andrianagnahare naho ty ndaty hafa?
FAMINTIGNAGNE
Hahay hanapa-kevetse soa tika naho mikezake hahafantatse ty fomba fiheve i Jehovah sady mandineke tie hisy voka’e soa amy ty hafa vao ty raha ataontika sa hisy voka’e raty.
Fameregnagne
-
Ino ty toko’e hatao’o naho tea’o hampifale i Jehovah ty fanapahan-kevetse rambese’o?
-
Akore ty azo’o ampiofagnagne ty feo ty fieretsereta’o?
-
Akore ty ampisehoa’o fa magnisy fiheveragne ty feo ty fieretsereta ty hafa rehe?
FAGNAZAVAGNE FAGNAMPE’E
Ino ty hagnampe azo hahay handrambe fanapahan-kevetse hagnamafe ty fifandrambesa’o amy i Jehovah?
“Meo Voninahitse ty Jehovah Naho fa Manapa-kevetse Rehe” (Fitalakesan-davitse 15 Avrily 2011)
Akore ty atao i Jehovah naho fa manoro hevetse antika?
Ino iaby ty nagnampe ty lahilahy toy naho fa nandrambe fanapahan-kevetse sarotse reke?
Ino ty toko’e hatao naho fa tsy magnomey lily mazava soa miomba ty raha raike ty Jehovah?
“Mila Lalàna Ara-baiboly Lognandro vao Rehe?” (Fitalakesan-davitse 1 Desambra 2003)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
