SJEJEL 35
Ja jastal stsajel jastik lek skʼulajel
Jpetsaniltik tʼilan oj jtsatik jastik skʼulajel. Jitsan bʼobʼta oj skoltayotik ma miyuk. Cha jachuk ja bʼa jastal wa xkila jbʼajtik soka Jyoba. Bʼobʼta oj jtsatik bʼa oj ajyukotik, jastal oj jmakʼlay jbʼajtik sok ta oj nupanukotik ma mi miyuk. Ta jtsaʼatik jastik lek, oj bʼobʼ ajyukotik gusto sok cha jachuk ja Jyoba.
1. ¿Jastal oj bʼobʼ skoltaya ja Biblia bʼa stsajel jastik lek skʼulajel?
Bʼajtanto oja tsaʼ jas oja kʼuluk, kʼanayi a-skoltaya ja Jyoba. Sok leʼa modo stajel ja bʼa Biblia ja jas wa spensaran sbʼaja jaw (kʼuman ja Proverbios 2:3-6). Ayni ekʼele oja wil ke wani yajel jun mandar sbʼaja jaw. Pe ja jas mas lek oja kʼuluki jani skʼuʼajel.
Pe ¿jaxa ta mey jun mandar bʼa wa xyala jaman lek jas oja kʼuluk? Anima, ja Jyoba ojni stoja ja bʼa «bʼej» tʼilan oj bʼejyani (Isaías 48:17). ¿Jastal? Jani oj ya makunuk ja rasonik bʼa Biblia. Ja rasonik it kʼotel jastik bʼa smeranil bʼa wa skoltayotik yabʼjel stojol ja jas wa spensaran ja Jyoba sok ja jastal wa xyabʼ. Jitsan ekʼele wa xnaʼatik yajni wa xkʼumantik jun loʼil bʼa Biblia. Snajel ja jas wa spensaran ja Jyoba wa skoltayotik stsajel jastik lek xyila.
2. ¿Jasa tʼilan oja waʼa kʼujol bʼajtanto ay jas oja tsaʼ skʼuljel?
Ja Biblia wa xyala: «Ja maʼ wa snaʼa kʼinali wa spensaraʼan jujune ja xeteʼik wa xyayiʼi» (Proverbios 14:15). Ja it wa stojolan yajni ay jas oja tsaʼ skʼuljel pensaran bʼa tuktukil modo. Yajni apensaranta, jobʼo abʼaj: «¿Jas rasonik bʼa Biblia ti chʼikansok? ¿Bʼaya mas laman oj ya ajyukon? ¿Jastal oj jomjuke ja tuk? Ja mas tʼilani, ¿oj maʼ gustoʼaxuk ja Jyoba?» (Deuteronomio 32:29).
Ja Dyosi ayiʼoj derecho yaljelkabʼtik ja bʼa lek sok ja bʼa miyuk. Yajni wa xnaʼatik lek ja sleyiki sok ja srasoniki sok puesto aytik skʼuʼajel, wa x-ajyi jun lekil jconcienciatik. Ja conciencia jani ja jas wa xyala ja bʼa kojoltik ja bʼa leki sok ja bʼa miyuk (Romanos 2:14, 15). Jun conciencia bʼa tojubʼal lek oj skoltayotik stsajel jastik bʼa lek.
LA JNEBʼTIK MAS
La jpaklaytik mas jastal ja rasonik bʼa Biblia sok ja conciencia wa xkoltani ja yajni wa stsaʼatik ay jas oj jkʼuluktik.
3. A-stojotik ja Biblia
¿Jastal wa stojowotik ja rasonik bʼa Biblia yajni ay jas wa stsaʼatik skʼulajel? Kʼelawik ja BIDEO sok loʼilananik sbʼaja jas ti nochani:
-
¿Jas majtanal yaʼunejkitik ja Jyoba?
-
¿Jas yuj yakitik ja libreʼil bʼa stsajel?
-
¿Jasa yaʼunejkitik ja Jyoba bʼa oj skoltayotik yajel makunuk lek ja libreʼil bʼa stsajel?
Bʼa yiljel jun sjejel bʼa jun rason bʼa Biblia, kʼumanik ja Efesios 5:15, 16. Tsaʼan loʼilananik jastal «yajel makunuk lek ja tyempo» bʼa...
-
... skʼumajel ja Biblia kada kʼakʼu.
-
... kʼotel lekil tatamal, tatal ma untikal.
-
... wajel ja bʼa reunionik.
4. Chapa jawa conciencia bʼa oja tsaʼ lek ja jas oja kʼuluk
Yajni ay jun mandar bʼa Biblia bʼa jun jasunuk, bʼobʼta mas pasil stsajel lek ja jas oj jkʼuluktik. Pe ¿jaxa ta meyuk? Kʼelawik ja BIDEO sok loʼilananik sbʼaja jas ti nochani:
-
¿Jasa skʼulan ja hermana bʼa xchapjel ja sconciencia sok stsajel skʼulajel ja jas lek xyila ja Jyoba?
¿Jas yuj mi maʼ oj jkʼantikyi oj stsaʼ bʼa keʼntik? Kʼumanik ja Hebreos 5:14 sok loʼilananik sbʼaja jas ti nochani:
-
Ama masni pasil skʼanjelyi ay maʼ oj stsaʼ bʼa keʼntik, ¿jas yuj tʼilani keʼn oj jnatik ja bʼa jas lek?
-
¿Jastik yamkʼabʼal oj bʼobʼ skoltayotik xchapjel ja jconcienciatik sok stsajel lek ja jas oj jkʼuluktik?
Ja jconcienciatik jach jastal jun mapa, wa stojowotik ja bʼa jsakʼaniltik.
5. Kisa ja sconciencia ja tuki
Yuja tuktukilotik, tuktukilni ja jas wa stsaʼatik skʼulajel. ¿Jastal oj bʼobʼ jetik wa xkisatik ja sconciencia ja tuk? La kiltik bʼa chabʼe.
Bʼajtan: Jun hermana wa skʼulan gusto slapjel wexal ja bʼa kombibyoʼik, pe ja hermana waj bʼa jun kongregasyon bʼa jitsan hermana mi lek xyilawe ja jaw.
Kʼumanik ja Romanos 15:1 sok 1 Corintios 10:23, 24, sok loʼilananik sbʼaja jas ti nochani:
-
Jastalni yala ja bersikuloʼiki, ¿jas oj bʼobʼ stsaʼ skʼulajel ja hermana? Ta june mi skʼana ja sconciencia oj skʼuluk jun jasunuk ke wan ja weʼn, ¿jas oja kʼuluk?
Xchabʼil: Jun hermano wa snaʼa ke ja Biblia mi xtimwani ja yujel tʼusan trago; pe stsaʼunej mini oj yuʼe. Jun kʼakʼu, lokji bʼa jun kombibyo sok yila wane yujel trago ja hermanoʼik.
Kʼumanik ja Eclesiastés 7:16 sok Romanos 14:1, 10, sok loʼilananik sbʼaja jas ti nochani:
-
Jastalni yala ja bersikuloʼiki, ¿jas oj stsaʼ skʼulajel ja hermano? ¿Jas oja kʼuluk ja weʼn ta awila ay maʼ jas wan skʼulajel ke mi lek xyila jawa conciencia?
¿Jasa tʼilan oja kʼuluk bʼa oja tsaʼ lek ja jas oja kʼuluk?
1. Kʼanayi ja Jyoba a-skoltaya stsajel jas oja kʼuluk (Santiago 1:5).
2. Leʼa rasonik bʼa Biblia sok ja bʼa juʼuntikon bʼa oja taʼ ja rasonik bʼa ti chʼikan soka jaw. Cha oj bʼobʼa jobʼyi ja hermanoʼik bʼa tsatsxa ja skʼuʼajele.
3. Pensaran jastal oj yabʼ jawa conciencia ja jas oja tsaʼi sok jastal oj yabʼ ja sconciencia ja tuk.
JA JAS WA XYALAWE JUJUNTIK: «Weʼn oja wil ja jas oja kʼuluk. ¡Jas yochel ja kristyano!».
-
¿Jas yuj tʼilan oja wa tʼabʼana kʼujol ja jastal wa xyabʼ ja Dyos sok ja tuk?
JA JASA NEBʼA
Wa stsaʼatik lek yajni wa xpaklaytik ja jas wa spensaran ja Jyoba bʼa jun jasunuk sok ta wa xkaʼa tʼabʼan jkʼujoltik ke ja jas wa xkʼulantiki oj skoltay ma oj syajbʼes ja tuk.
Yajel juljkʼujoltik
-
¿Jastal oj bʼobʼa tsaʼ jastik bʼa lek xyila ja Jyoba?
-
¿Jas oj bʼobʼa kʼuluk bʼa xchapjel jawa conciencia?
-
¿Jastal oj bʼobʼa jeʼ waxa kisa ja sconciencia ja tuk?
LEʼA TUK JASTIK
¿Jastal oj bʼobʼa tsaʼ jastik oj ya tsatsbʼuk ja jastal waxa wilabʼaj soka Dyos?
«La jtsatik jastik skʼulajel bʼa ayayi stoyjel ja Dyos» (Ja Juʼun Cholumani, 15 bʼa abril bʼa 2011)
Abʼan mas stojol jastal wa xyakitik rason ja Jyoba.
Paklay jasa koltaji jun winik bʼa oj stsaʼ bʼa jun jasunuk wokol.
Paklay mas jastal yajel gustoʼaxuk ja Jyoba yajni mi yaʼunej jun mandar jaman lek bʼa jun jasunuk.
«¿Tolabida maʼ wa skʼana jun mandar bʼa Biblia?» (Ja Juʼun Cholumani, 1 bʼa diciembre bʼa 2003)
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
