UYONO 35
Obo re se Vwo Bru Omamọ rẹ Orhiẹn
Avwanre eje vwo orhiẹn re che bru. Buebun rẹ orhiẹn nana se wene akpeyeren rẹ avwanre kugbe oyerinkugbe rẹ avwanre vẹ Jihova. Kerẹ udje, e se brorhiẹn rẹ asan ra cha dia, obo ra sa vwọ mrẹ igho ra guọnọre, yẹrẹ sẹ a cha tobọ rọvwọn. E de bru omamọ rẹ orhiẹn, ke se vwo omavwerhovwẹn ji ru ọhọre ri Jihova.
1. Mavọ yen Baibol na sa vwọ vwẹ ukẹcha kẹ wẹ vwo bru omamọ rẹ orhiẹn?
Tavwen wo ki brorhiẹn, yare ukẹcha ri Jihova, wọ je fuẹrẹn Baibol na rere wọ sa vwọ riẹn ẹro ro vwo ni ẹdia na. (Se Isẹ 2:3-6.) Vwẹ ẹdia evo, Jihova sa vwẹ iji ri phiọngun vwọ phia. Vwẹ ẹdia tiọyena, orhiẹn ro me yovwin wo se bru yen wo vwo ru nene iji na.
Kẹ, ọ da dianẹ o vwo iji ri Baibol vuọvo ro dje obo ro fori nẹ wo ru-u vwo? Jihova che “sun we vwẹ idjerhe ru wọ cha wan na.” (Aizaya 48:17) Vwẹ idjerhe vọ? Odjekẹ ri Baibol evo sa chọn wẹ uko. Odjekẹ ri Baibol ọyen uyota sansan ri djekpahen iroro vẹ ẹro rẹ Ọghẹnẹ vwo ni emu. Ọke buebun, avwanre riẹn ẹro rẹ Ọghẹnẹ vwo ni emu siẹrẹ e de se Baibol na. A da riẹn ẹro ri Jihova vwo no, ke se brorhiẹn rọ cha kẹ omavwerhovwẹn.
2. Die yen ofori nẹ wo roro kpahen tavwen wo ki brorhiẹn?
Baibol na da ta: “Ohwo ro vwo iroro obọ rọ ra ọye o nẹ.” (Isẹ 14:15) Kọyen, tavwen e ki brorhiẹn, ofori nẹ a ghwọrọ ọke wo roro kpahen uphẹn re vwori. Wọ vwọ fuẹrẹn ayen ọvuọvo na, nọ oma wẹn: ‘Odjekẹ ri Baibol vọ yen mi se vwo ruiruo? Ọrhọ yen cha kẹ vwẹ ufuoma? Mavọ yen orhiẹn mẹ na se vwo te ihwo efa oma? Ma rho kparobọ, ọ cha nẹrhẹ oma vwerhen Jihova?’—Urhi Rivẹ 32:29.
Jihova vwo uturhi rọ vwọ vuẹ avwanre obo ri yoma vẹ obo re chọre. E se yono ẹwẹn obrorhiẹn avwanre vwo nene irhi vẹ odjekẹ rọyen siẹrẹ a da riẹn ayen ji muegbe re vwo nene ayen. Ẹwẹn obrorhiẹn na ọyen ẹgba rọhẹ oma rẹ avwanre rọ vuẹ avwanre obo ri yoma vẹ obo re brare. (Rom 2:14, 15) Ẹwẹn obrorhiẹn ra nabọ yono chọn avwanre uko vwo bru omamọ rẹ orhiẹn.
HIẸ KODO
Mrẹ oborẹ odjekẹ ri Baibol vẹ ẹwẹn obrorhiẹn na sa vwọ chọn avwanre uko vwo bru omamọ rẹ orhiẹn.
3. Jẹ Baibol na sun we
Mavọ yen odjekẹ ri Baibol na se vwo sun avwanre ọke re de brorhiẹn? Hworo IVIDIO na, ovwan ta ota kpahen enọ ri nenire.
-
Die yen ugbomọphẹ?
-
Diesorọ Jihova vwọ kẹ avwanre ugbomọphẹ?
-
Die yen Jihova vwọ kẹ avwanre rere a sa vwọ reyọ ugbomọphẹ na vwo ruiruo vwẹ idjerhe ro me yovwin?
A sa vwọ mrẹ udje rẹ odjekẹ ri Baibol ọvo, se Ẹfesọs 5:15, 16. Wo roro kpahen obo wo se ru wo vwo jẹ ‘kuẹ ọke fia’ rere . . .
-
wo se Baibol na kọke kọke.
-
wọ vwọ dia omamọ ọrivẹ rẹ orọnvwe, ọsẹ, oni, ọmọshare yẹrẹ ọmọtẹ.
-
wo vwo kpo emẹvwa.
4. Yono ẹwẹn obrorhiẹn wẹn wo se vwo bru omamọ rẹ orhiẹn
Ọke ra da mrẹ iji ri Baibol ro shekpahen ẹdia na, ọ sa lọhọ e vwo bru omamọ rẹ orhiẹn. Ẹkẹvuọvo, a rha mrẹ iji ro shekpahọ-ọn vwo? Hworo IVIDIO na, ovwan ta ota kpahen enọ ri nenire.
-
4. Vwevunrẹ ividio na, die yen oniọvo aye na ruru vwo yono ẹwẹn obrorhiẹn rọyen rere o se vwo brorhiẹn rọ cha nẹrhẹ oma vwerhen Jihova?
Diesorọ o vwo fo nẹ a vuẹ ihwo efa nẹ ayen brorhiẹn kẹ avwanre-e? Se Hibru 5:14, ovwan ta ota kpahen enọ nana:
-
Dede nẹ ọ lọhọre a vwọ vuẹ ihwo efa nẹ ayen brorhiẹn kẹ avwanre, ofẹnẹ vọ yen ofori nẹ avwanre komobọ mrẹvughe?
-
Die yen sa chọn wẹ uko vwo yono ẹwẹn obrorhiẹn wẹn ji bru omamọ rẹ orhiẹn?
Kerẹ imapu, ẹwẹn obrorhiẹn na sa nẹrhẹ a riẹn obo ra vwọtua vwẹ akpeyeren
5. Muọghọ kẹ ẹwẹn obrorhiẹn rẹ ihwo efa
Mavọ yen e se vwo muọghọ kẹ orhiẹn-ebro rẹ ihwo efa ọ da tobọ dianẹ orhiẹn rayen fẹnẹ ọ rẹ avwanre? Roro kpahen ẹdia ivẹ nana:
Ẹdia 1: Oniọvo aye ọvo ro ku itrọza phiyọ kpo akpọẹriọ yẹrẹ ọke ro de ruiruo romobọ efa, kua kpo ukoko rẹ ẹwẹn obrorhiẹn rẹ iniọvo eya buebun de kpokpo ayen siẹrẹ ayen da mrẹ aye ro ku itrọza phiyọ.
Se Rom 15:1 kugbe 1 Kọrẹnt 10:23, 24, ovwan ta ota kpahen enọ nana:
-
Vwo nene awọreta yena, orhiẹn vọ yen oniọvo aye yena se bru? Die yen wo che ru siẹrẹ ẹwẹn obrorhiẹn rẹ ohwo ọfa de kpokpo fikirẹ oborẹ ẹwẹn obrorhiẹn wẹn rhọnvwe kẹ wẹ nẹ wo ru?
Ẹdia 2: Oniọvo ọshare ọvo riẹnre nẹ Baibol na gha udi ẹda-a, ẹkẹvuọvo o brorhiẹn rọ vwọ kẹnoma kẹ udi. E de durhie oniọvo na kpo akpọẹriọ vwẹ asan rẹ iniọvo eshare efa da da udi.
Se Aghwoghwo 7:16 kugbe Rom 14:1, 10, ovwan ta ota kpahen enọ nana:
-
Vwo nene awọreta yena, orhiẹn vọ yen oniọvo ọshare yena se bru? Die yen wo che ru siẹrẹ ohwo ọfa de ru oborẹ ẹwẹn obrorhiẹn wẹn rhọnvwe kẹ wẹ nẹ wo ru-u?
Die yen wo ru rere wo se vwo bru omamọ rẹ orhiẹn?
1. Vuẹ Jihova nẹ ọ chọn wẹ uko vwọ riẹn obo wo che ru.—Jems 1:5.
2. Ru Ehiahiẹ womarẹ Baibol na yẹrẹ ẹbe rẹ ukoko na wọ sa vwọ riẹn odjekẹ ri Baibol wo se vwo ruiruo. Wọ je sa nokpẹn ukẹcha mie oniọvo ro tedje.
3. Roro kpahen oborẹ orhiẹn na che vwo djobọte ẹwẹn obrorhiẹn wẹn vẹ ọ rẹ ihwo efa.
IHWO EVO TA: “Wo vwo ẹgba wo vwo ru obo wọ guọnọ ru eje. Oborẹ ihwo efa roro kpahọn ghanre-e.”
-
Diesorọ e vwo roro kpahen ẹro rẹ Jihova vẹ ihwo efa vwo no?
ỌDJẸKOKO
Avwanre bru omamọ rẹ orhiẹn siẹrẹ a da riẹn ẹro ri Jihova vwo ni ẹdia na, e mi ji roro sẹ obo re ruẹ na che fierere kẹ ihwo efa yẹrẹ wan ayen oma.
Ẹrhomafuẹrẹn
-
Mavọ yen wo se vwo bru orhiẹn rọ vwerhen Jihova oma?
-
Mavọ yen wo se vwo yono ẹwẹn obrorhiẹn wẹn?
-
Mavọ yen wo se vwo muọghọ kẹ ẹwẹn obrorhiẹn rẹ ihwo efa?
HIẸ GUỌNỌ
Mavọ yen wo se vwo brorhiẹn rọ cha kpuriẹnphiyọ oyerinkugbe wẹn vẹ Ọghẹnẹ?
“Brorhiẹn ro Brọghọphiyọ Ọghẹnẹ Oma” (Uwevwin Orhẹrẹ rẹ April 15, 2011)
Yono kpobarophiyọ kpahen oborẹ Jihova vwo bru avwanre uche.
Mrẹ obo re chọn ọshare ọvo uko vwo brorhiẹn ọgangan ọvo.
Yono kpobarophiyọ kpahen obo re se vwo ru ọhọre ri Jihova ọke rẹ a rha mrẹ urhi ri phiọngun ro shekpahen ẹdia na-a.
“Ọkieje Yen Wọ Vwọ Guọnọ Urhi ri Baibol?” (Uwevwin Orhẹrẹ ri December 1, 2003)
Wọ je sa Fuẹrẹn
ENỌ REDJE ẸNẸNỌ
Die Yen Uyono ri Baibol rẹ Iseri ri Jihova Vwo Muẹ kẹ Ihwo?
Vwẹ uyono ri Baibol ọphẹ rẹ Iseri ri Jihova vwo muẹ kẹ ihwo na, wọ sa reyọ kefanfan kefanfan ri Baibol ro je we vwo ruiruo. Wo se durhie ihwo rẹ orua wẹn eje yẹrẹ kugbeyan kugbeyan ru wọ guọnọre odedede.
