NGUDO 35
Ri Nga Ita Hani Phetho Dzavhuḓi?
Roṱhe hu na phetho dzine ra tea u dzi ita. Vhunzhi ha dzenedzi phetho, dzi nga ita uri hu vhe na mvelelo dzavhuḓi kana dzi si dzavhuḓi nahone zwi nga kwama vhushaka hashu na Yehova. Sa tsumbo, ri nga tea u ita phetho ya uri ri ḓo dzula ngafhi, ri ḓo wana hani tshelede ine ra i ṱoḓa kana ri ḓo vha mbinganoni kana a ri nga ḓo vha mbinganoni. Arali ra ita phetho dzavhuḓi, zwithu zwi ḓo ri tshimbilela zwavhuḓi nahone ra takadza Yehova.
1. Bivhili i nga ni thusa hani u ita phetho dzavhuḓi?
Musi ni sa athu ita phetho, humbelani Yehova uri a ni thuse nahone ni vhale Bivhili u itela u vhona uri Yehova u dzhia hani eneo mafhungo. (Vhalani Mirero 2:3-6.) Kha vhuṅwe vhuimo, Yehova u ri ṋea mulayo wo livhaho. U thetshelesa wonoyo mulayo ndi phetho yavhuḓisa ine na nga i ita.
Hu pfi mini arali hu si na mulayo wo livhaho u bvaho Bivhilini une wa ni vhudza zwine na fanela u zwi ita? Yehova u ḓo ni livhisa “nḓilani ine na fanela u tshimbila khayo.” (Yesaya 48:17) Nga nḓila-ḓe? Hu nga vha na vhulivhisi vhune ha nga ni thusa. Honoho vhulivhisi ndi pfunzo dzi re Bivhilini dzine dza ri thusa u pfesesa ngoho nga ha zwine Mudzimu a zwi humbula na nḓila ine a ḓipfa ngayo. Kanzhi ri guda nḓila ine Mudzimu a ḓipfa ngayo nga ha maṅwe mafhungo musi ri tshi vhala maṅwe mafhungo Bivhilini. Musi ri tshi pfesesa nḓila ine Yehova a ḓipfa ngayo, ri nga ita phetho dzine dza mu takadza.
2. Ndi mini zwine na fanela u zwi humbula ni sa athu ita phetho?
Bivhili i ri: “Wa vhuṱali u elekanya nga ha zwine a ḓo zwi ita.” (Mirero 14:15) Hezwi zwi amba uri musi ri sa athu ita phetho, ri fanela u ḓiṋea tshifhinga tsha u humbula nga ha zwine ra ḓo zwi khetha. Musi ni tshi khou humbulisisa nga ha zwine na ḓo zwi khetha, ḓivhudziseni uri: ‘Ndi vhulivhisi vhufhio vhu re Bivhilini vhune nda nga vhu shumisa? Kha zwine nda ḓo zwi khetha, ndi zwifhio zwine zwa ḓo ita uri ndi si vhilaele? Phetho yanga i ḓo kwama hani vhaṅwe? Zwa ndeme vhukuma ndi uri, naa zwine nda ḓo zwi khetha zwi ḓo takadza Yehova?’—Dotoronomio 32:29.
Yehova u na ndugelo ya u ri vhudza uri ndi zwifhio zwo lugaho na zwi songo lugaho. Musi ri tshi vho ḓivha khwine milayo yawe na vhulivhisi hawe nahone ra ḓiimisela u zwi tevhela, ri ḓo vha ri tshi khou gudisa luvalo lwashu. Luvalo lwashu ndi lwone lune lwa ri vhudza uri zwo lugaho na zwi songo lugaho ndi zwifhio. (Vharoma 2:14, 15) Luvalo lwo gudiswaho lu ḓo ri thusa uri ri ite phetho dzavhuḓi.
GUDANI ZWO ENGEDZEAHO
Gudani uri vhulivhisi vhu re Bivhilini na luvalo lwashu zwi nga ri thusa hani u ita phetho.
3. Tendani u livhiswa nga Bivhili
Vhulivhisi vhu re Bivhilini vhu nga ri thusa hani musi ri tshi ita phetho? Ṱalelani VIDIO, ni kone u fhindula mbudziso dzi tevhelaho.
-
Mbofholowo ya u ḓikhethela ndi mini?
-
Ndi ngani Yehova o ri ṋea mbofholowo ya u ḓikhethela?
-
O ri ṋea mini u itela u ri thusa uri ri ite phetho dzavhuḓi?
U itela u vhona tsumbo ya vhuṅwe vhulivhisi vhu re Bivhilini, vhalani Vhaefesa 5:15, 16. Ni haseledze nḓila ine na nga shumisa ngayo “tshifhinga tshaṋu nga vhuṱali” u itela . . .
-
u vhala Bivhili tshifhinga tshoṱhe.
-
u vha mufarisi wavhuḓi wa mbingano, mubebi kana ṅwana wavhuḓi.
-
u vha hone tshivhidzoni.
4. Gudisani luvalo lwaṋu uri ni kone u ita phetho dzavhuḓi
Musi hu na mulayo wo livhaho Bivhilini nga ha maṅwe mafhungo, zwi nga vhonala zwo leluwa u ita phetho yavhuḓi. Fhedzi hu pfi mini arali hu si na mulayo wo livhaho? Ṱalelani VIDIO, ni kone u fhindula mbudziso i tevhelaho.
-
Ndi zwifhio zwe mufumakadzi a re kha vidio a zwi ita u itela u gudisa luvalo lwawe na u ita phetho ine ya takadza Yehova?
Ndi ngani ri songo fanela u humbela vhaṅwe uri vha ri itele phetho? Vhalani Vhahevheru 5:14, ni kone u fhindula mbudziso dzi tevhelaho:
-
Naho zwi tshi nga leluwa u humbela vhaṅwe uri vha ri itele phetho, ri tea u kona u khethekanya mini nga riṋe vhaṋe?
-
Ndi zwifhio zwithu zwine zwa nga ri thusa u gudisa luvalo lwashu na u ita phetho dzavhuḓi?
U fana na mapa, luvalo lwashu lu nga ri thusa uri ri vhone uri ndi zwifhio zwine ra nga zwi ita vhutshiloni
5. Ṱhonifhani luvalo lwa vhaṅwe
Vhathu vha ita phetho dzi sa fani. Ri nga sumbedza hani uri ri ṱhonifha luvalo lwa vhaṅwe? Ṱhogomelani vhuimo vhuvhili vhu tevhelaho:
Vhuimo ha u thoma: Muṅwe mufumakadzi ane a funesa u ḓola zwiḓolo (makeup) u pfulutshela tshivhidzoni tshine vhafumakadzi vhanzhi vha dinwa nga u vhona vhaṅwe vho ḓola zwiḓolo (makeup).
Vhalani Vharoma 15:1 na 1 Vhakorinta 10:23, 24, ni kone u fhindula mbudziso dzi tevhelaho:
-
U ya nga idzi vese, onoyo mufumakadzi a nga khetha u ita mini? Ni nga ita mini arali ni na muṅwe muthu ane a vhona zwo khakhea u ita zwiṅwe zwithu zwine luvalo lwaṋu lwa ni tendela ni tshi zwi ita?
Vhuimo ha vhuvhili: Muṅwe munna tshivhidzoni u a zwi ḓivha uri Bivhili a i ambi uri zwo khakhea u nwa halwa nga nḓila yo linganyiselwaho, fhedzi ene u khetha u sa nwa halwa. Musi o rambiwa kha tshiṅwe tshiitea, u vhona vhaṅwe vhanna vha tshivhidzoni vha tshi khou nwa halwa.
Vhalani Muhuweleli 7:16 na Vharoma 14:1, 10, ni kone u fhindula mbudziso dzi tevhelaho:
-
U ya nga idzi vese, onoyo munna a nga khetha u ita mini? Ni nga ita mini arali na vhona muṅwe muthu a tshi khou ita zwithu zwine luvalo lwaṋu lwa ni vhudza uri zwo khakhea?
Ndi zwithu zwifhio zwine zwa nga ni thusa u ita phetho dzavhuḓi?
1. Humbelani Yehova uri a ni thuse u ita phetho.—Yakobo 1:5.
2. Itani ṱhoḓisiso Bivhilini na kha khandiso dzo thewaho Bivhilini u itela u wana vhulivhisi vhune na nga vhu shumisa. Ni nga dovha na amba na muthu o no fhedzaho miṅwaha minzhi e Ṱhanzi ya Yehova.
3. Humbulani uri phetho ine na ḓo i dzhia i ḓo kwama hani luvalo lwaṋu na lwa vhaṅwe.
VHAṄWE VHATHU VHA AMBA URI: “Ni na ndugelo ya u ita zwiṅwe na zwiṅwe zwine na funa. A si zwa ndeme uri vhaṅwe vhathu vha zwi dzhia hani.”
-
Ndi ngani ri tshi fanela u humbula nga ha nḓila ine Mudzimu a ḓipfa ngayo na nḓila ine vhaṅwe vha ḓipfa ngayo?
NO GUDA MINI?
Ri ita phetho dzavhuḓi musi ri tshi pfesesa nḓila ine Yehova a ḓipfa ngayo nga ha maṅwe mafhungo na musi ri tshi humbulisisa arali zwine ra ḓo zwi ita zwi tshi ḓo thusa vhaṅwe kana u vha huvhadza.
Ni Kha Ḓi Zwi Humbula?
-
Ni nga ita hani phetho dzine dza takadza Yehova?
-
Ni nga gudisa hani luvalo lwaṋu?
-
Ni nga sumbedza hani uri ni ṱhonifha luvalo lwa vhaṅwe vhathu?
WANANI ZWO ENGEDZEAHO
Ni nga ita hani phetho dzine dza nga khwaṱhisa vhukonani haṋu na Mudzimu?
“Itani Phetho Dzine Dza Hulisa Mudzimu” (Tshiingamo, 15 April 2011)
Gudani zwo engedzeaho nga ha nḓila ine Yehova a ri ṋea ngayo nyeletshedzo.
Gudani uri ndi mini zwe zwa thusa muṅwe munna u ita phetho i konḓaho.
Yehova U Ri Khwaṱhisedza Uri U Ḓo Ri Ṋea Zwithu Zwa Khwiṋe (5:46)
Gudani zwo engedzeaho nga ha nḓila ine ra nga takadza ngayo Yehova musi hu si na vhulivhisi ho livhaho nga ha zwine ra tea u zwi ita.
“Naa Ni A Ṱoḓa Ndaela Ya Bivhili Tshifhinga Tshoṱhe?” (Tshiingamo, 1 December 2003)
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
