LESSION 35

Cossa che pol giutarte a far bone scólie?

SONAR

Tuti noantri ghemo de far tante scólie nela nostra vita. Par esémpio, ghemo de scòlier ndove che ndemo de star, che laoro che ndemo far o se ndemo maridarse. Le scólie che femo le pol giutarne a esser felici e pi amighi de Geovà o nò. Quando femo bone scólie, ghemo una vita felice e assemo Geovà contento.

1. Come che la Bìblia la pol giutarte a far bone scólie?

Vanti de far una dessision, domanda el aiuto de Geovà e proa capir quel che la Bìblia la parla sora questo. (Ledi Proverbi 2:3-6.) Se ghen’è una lege de Geovà sora quel che te ghè de dessider, la meio roba che te pol far la ze obedirla.

Ma, e se no ghen’è una lege nela Bìblia che te dise quel te ghè de far? Ancora cossita, Geovà el ndarà insegnarte “la strada che te ghè de ndar”. (Isaia 48:17) Come? Nela Bìblia, ghen’è tanti prinsipi che i pol giutarte. I prinsipi dela Bìblia i ne giuta a capir quel che Geovà el pensa sora una roba. Tante volte, noantri podemo capir quel che Dio el pensa quando semo drio leder la Bìblia. Cossita, quando capimo come che Geovà el se sente, podemo far una scólia che ghe piase.

2. Cossa che te ghè de pensar vanti de far una dessision?

La Bìblia la dise: ‘El sàbio el pensa ben vanti de far qualcossa.’ (Proverbi 14:15) Alora, ghemo de pensar ben prima de far una dessision. Par esémpio, domandate: ‘Che prinsìpio dela Bìblia pol giutarme? Mi vao sentirme in pace dopo de far questa scólia? Come che i altri i ndarà sentirse?’ E la domanda pi importante: ‘Questa scólia la assarà Geovà contento?’ — Deuteronómio 32:29.

Geovà el pol dirne quel che l’è giusto e sbalià. Se noantri cognossemo ben le so lege e i so prinsipi e volemo obedirli, podemo gaver una bona cossiensa. Una bona cossiensa la ne giuta a far bone scólie e la ne mostra quando una roba la ze giusta o sbaliada. (Romani 2:14, 15) Alora, una bona cossiensa la ndarà giutarne a far bone dessision.

IMPARA DE PI!

Come che la nostra cossiensa e i prinsipi dela Bìblia i pol giutarne a far bone scólie?

3. La Bìblia la pol giutarte a far bone scólie

Come che i prinsipi dela Bìblia i pol giutarte quando te ghè de far una scólia? Vardé el VÌDEO, e dopo, parlé sora questo.

VÌDEO: Assa che i prinsipi dela Bìblia i te guide (5:54)

Che bel presente Geovà el ne ga dato?
Parché che Geovà ne ga dato la libertà de scòlier?
Cossa che Geovà el ne ga dato che ne giuta a far le meio scólie?

Ledé Efesi 5:15, 16 par veder un dei prinsipi dela Bìblia. Dopo, parlé sora come che te pol doperar el to tempo dela meio maniera par . . .

leder la Bìblia tuti i giorni.
deventar un sposo, una sposa, un pare, una mare, un fiol o una fiola meio.
ndar ale riunion.

4. Gàpia una cossiensa che la te giute a far bone dessision

L’è pi fàcile saver cossa far quando la Bìblia la ne dà una lege. Ma cossa podemo far se la Bìblia no la ga una lege sora questo? Vardé el VÌDEO, e dopo, parlé sora questo.

VÌDEO: “Gàpia una bona cossiensa” (5:13)

Cossa che la sorela del vìdeo la ga fato par gaver una bona cossiensa e far una scólia che contentesse a Geovà?

Parché che no ghemo de domandar ai altri cossa che i faria nel nostro posto? Ledé Ebrei 5:14, e dopo, parlé sora questo:

Pol esser pi fàcile domandar che i altri fae una scólia nel nostro posto. Ma cossa che ghemo de esser boni de far?
De acordo col testo, cossa che pol giutarne a gaver una bona cossiensa e a far bone scólie?

Come un mapa, la nostra cossiensa la ne giuta a saver cossa far nela vita

5. Mostra che te rispeti la cossiensa dei altri

Le persone le fà scólie difarente parché le ze difarente una del’altra. Alora, come che podemo mostrar che rispetemo la cossiensa dei altri? Varda due esempi:

Esémpio 1: Una sorela che la ghe piase de pintarse la càmbia par una congregassion ndove arquante sorele le pensa che l’è sbalià farlo.

Ledé Romani 15:1 e 1 Corinti 10:23, 24, e dopo, parlé sora questo:

De acordo con questi testi, cossa che fursi la sorela la scòlie far? Cossa farìssito se te ndarissi far una roba che la persona che la ze insieme de ti la pensa che la ze sbaliada?

Esémpio 2: Un fradel el sa che la Bìblia no la dise che l’è sbalià bever bebide alcòliche, ma ancora cossita, lu el scòlie no farlo mia. Nantro fradel lo convida par ndar ala so casa. Quando lu el riva, el vede che ghen’è altri fradei che i ze drio bever bebide alcòliche.

Ledé Eclesiasti 7:16 e Romani 14:1, 10, e dopo, parlé sora questo:

De acordo con questi testi, cossa che el fradel fursi el scòlie far? Cossa che te vè far se te sì insieme de qualchedun che el fà una roba che la to cossiensa la dise che l’è sbalià?