YOOSOMA 35

Moota woopaka soothanla sooreera

PLAY

Ootheene hiyo, ninnatthuneya opaka soothanla. Mene soothanla ikina pooti otxentxa makhalelo a ekumi ahu ni ovoleela onthamwene ahu ni Yehova. Mwa ntakihero, hiyo nintthuneya wiithanlela nipuro nookhala, moota woophwanya musurukhu naari wakhala weera nnoothela naari otheliwa naari hooye. Vaavo nimpakaahu soothanla sooreera okumi ahu onnakhala woohakalaliha ni ninnamuhakalaliha Yehova.

1. Moota heeni nyuwo muneeraanyu munvareleke muteko Biblya weera mpake soothanla sooreera?

Muhinaaye opaka soothanla munvekele Yehova nikhavihero ni moone mBiblyani moota onhimmwaaya mwaha owo. (Musome Miruku 2:3-6.) Ikwaha ikina Yehova onnavaha malamulo oowiiwanyeya. Mwa yeeyo etthu yooreera othanla ori wiiwelela nlamulo nna.

Ankha wakhala weera Biblya khanhima mooluluwanya etthu muntthuneyaanyu opaka? Nnaamweera vareene hiiho, Yehova onoorowa oweettihani “mphironi onèttawe.” (Yesaya 48:17) Mene moota heeni? Biblya ookhalano miruku sineera sookhavihereni. Miruku sa mBiblyani siri ikhaikhai seiyo sinnixuttiha etthu Yehova onuupuwelaawe voohima sa itthu ikina. Mweekhaikhai vaavo nimmusomaahu Biblya, ninnoona etthu Yehova onuupuwelaawe. Nto pooti opaka soothanla simmusivela Yehova vaavo ninsuwelaahu moonelo awe.

2. Etthu heeni yootthuneya muneeraanyu muhele mpuwa muhinaaye opaka yoothanla?

Biblya oneera: “Namiruku onnaphima mavalo awe othene.” (Miruku 14:15) Eyo entaphulela weera muhinaaye opaka yoothanla, muntthuneya wuupuwela itthu sootheene sinhela mpuwa. Mwiikoheke: ‘Miruku heeni sa mBiblyani sinvarihana ni mwahaaka? Neereke yoothanla ela enoorowa okivaha murettele mmuupuweloni? Moota heeni enkelaaya waavoleela atthu akina?’ Nikoho nootepa otthuneya nri nooweera: ‘Yoothanla ela enoomuhakalaliha Yehova?’—Olaleya 32:29.

Yehova ookhalano edireitu yonleela etthu yooreera ni yoonanara. Vaavo ninsuwelaahu malamulo ni miruku sa mBiblyani sa Yehova ni ennathanla omwiiwelela, yoosuwelihaahu ya murima enkhala yoolipa. Yoosuweliha ya murima mukhalelo nikhalannaahu woowiisuwela mwaneenaahu etthu yooreera ni yoonanara. (Aroma 2:14, 15) Yoosuweliha ya murima yooxuttihiwa, enoonikhavihera opaka soothanla sooreera.

WEERA MUXUTTERE SINTXIPALE

Moone heeni miruku sa mBiblyani ni yoosuweliha ya murima ennikhaviheraaya opaka soothanla sooreera.

3. Mmuhiyeke Biblya aweettihakani

Moota heeni miruku sa mBiblyani sineeraaya sineettihe vaavo nimpakaahu soothanla? Moone EVIIDIYU. Avinyaka mutthekule ni ipontu sinttharelana.

EVIIDIYU: Muhiyeke soothanla sa mBiblyani seettihaka okumi ayu (5:54)

Othanla mootaphuwa ti heeni?
Mwaha wa heeni Yehova onivanhaawe othanla mootaphuwa?
Yehova onivanhe heeni enikhavihera opaka soothanla sooreera?

Weera moone ntakihero na miruku sa mBiblyani, mmusome Aefeso 5:15, 16. Avinyaka mutthekule voohima sa moota ‘muneeraanyu nvarele muteko ehuhu anyu’ weera . . .

mmusoma Biblya mahuku ootheene.
mukhale mulopwana naari muthiyana, tiithi naari maaye, mmiravo naari mwaamwali oophwanelela.
mooneleke mithukumano vamoha ni muloko.

4. Muxuttihe yoosuweleihaanyu ya murima weera mpake soothanla sooreera

Vaavo Biblya onvahaawe malamulo mooluluwanya voohima sa etthu emoha, onnakhweya osuwela etthu yoopaka. Nkha wakhala weera Biblya khanhima mooluluwanya etthu yoopaka? Moone EVIIDIYU. Avinyaka mutthekule ni epontu enttharelana.

EVIIDIYU: “Mukhaleno yoosuweliha ya murima yooreera” (5:13)

Nviidiyuni, eheeni murokora apankaawe weera axuttihe yoosuweliha ya murima ni opaka yoothanla emusivela Yehova?

Mwaha wa heeni nihintthuneyaahu waavekela atthu weera enipakeleke yoothanla? Mmusome Aheberi 5:14. Avinyaka mutthekule ni ipontu sinttharelana

Waavekela atthu weera enipakeleke yoothanla pooti okhala wookhweya. Mene mutthu ti mutthu a hiyo, ontthuneya osuwela eheeni?
Ntoko nonnaahu nviidiyuni, eheeni enkela wookhaviherani oxuttiha yoosuweliha ya murima anyu?

Moolikana ni maapha, yoosuwelihaahu ya murima ennanikhavihera otthara ephiro ya ekumi

5. Muttittimiheke yoosuweliha ya murima ya atthu akina

Atthu toovirikana, mwa yeeyo, ennapaka soothanla soovirikana. Vano, nnaattittimihe moota heeni yoosuweliha ya murima ya atthu akina? Moone itthu piili:

Etthu 1: Murokora mmoha oomusivela wiihela makiyagem, onnathaamela muloko mukina weiwo asirokora antxipale anxupeyaaya yaawoonaka atthu akina yiihelaka makiyagem.

Mmusome Aroma 15:1 ni 1 Akorinto 10:23, 24. Avinyaka mutthekule ni epontu enttharelana

Moovarihana ni iversu iya, eheeni murokora aneeraawe athanle opaka? Eheeni nyuwo muneeraanyu muthanle opaka wakhala weera muri ni mutthu yoowo yoosuwelihaawe ya murima ehinkhala nnene yaapakiwaka etthu emmuxupa?

Etthu 2: Munna mmoha oosuwela weera khohiyono ti woonanara owura eviinyu ni wiikosoopa, mene owo onnathanla ohiwura eviinyu yoohapala. Owo onnawompwa otxa ohiyu owannyawe munna mmoha. Areene wuuwu, owo onnoonelela weera asinna akina anoowura.

Mmusome Koheleti 7:16 ni Aroma 14:1, 10. Avinyaka mutthekule ni epontu enttharelana:

Moovarihana ni eversu ela, eheeni munna onlakelaawe opaka? Eheeni nyuwo munkelaanyu opaka wakhala weera muri ni mutthu yoowo opanka etthu ehinvarihana ni yoosuweliha ya murimaanyu?

Nnaapake heeni weera nipake soothanla sooreera?

1. Munvekele Yehova nikhavihero weera muthanle etthu yoopaka.—Yakobe 1:5.

2. Mwaasaaseke mBiblyani ni iliivuru sahu weera mphwanye miruku sinvarihana ni mwahaanyu. Muulume ni mukristu okhalanne sookumanano sintxipale.

3. Muupuwele moota yoothanlaanyu eneeraaya evoleele yoosuweliha ya murima ya atthu akina.

ATTHU AKINA ANEERA: “Okumi ti yawaka, miyo kinpaka ele kintthunaaka. Nkimpwattha ele akina anuupuwelaaya.”

Mwaha wa heeni ontthuneyaaya ohela mpuwa muupuwelo wa Muluku ni wa atthu akina?

NYAHA SOOTTHUNEYA

Weera nipake soothanla sooreera, nintthuneya osuwela muupuwelo wa Yehova ni waatthu akina ni woona moota soothanla sahu iyo sinrowaaya waavoleela atthu akina.

Wuuluula

Moota heeni nyuwo munrowaanyu opaka soothanla simmusivela Yehova?
Munaaxuttihe moota heeni yoosuweliha ya murimaanyu?
Moota heeni muneeraanyu moonihere weera munnattittimiha yoosuweliha ya murima ya atthu akina?

Yoosoma ela kimalinhe nihuku na:

Mpika

Muupuwele yoothanla munkelaanyu opaka moowaakuveya. Avinyaka nvarele muteko ipontu tthaaru sa vaquaadruni “ Nnaapake heeni weera nipake soothanla sooreera?”

Ekina:

Your other goal