TIMIRTTE 35
Loˈˈobaa Waata Kuuyana Danddayay?
Nuuni ubbay darobaa kuuyoos. Hegeetuppe daroti nuussinne Yihoowaara dabbotido dabbotawu maaddiyaaba woy qohiyaaba gidana danddayoosona. Leemisuwawu, nuuni awan deˈanaakko, koshshiya miishshaa waati demmanaakko woy aqo oyqqanaakko agganaakko kuuyana koshshennan aggenna. Nuuni loˈˈobaa kuuyiyo wode, nu deˈuwan ufayttananne Yihoowa ufayssana.
1. Geeshsha Maxaafay loˈˈobaa kuuyanawu nena maaddana mala waata goˈettana danddayay?
Issibaa kuuyanaappe kase, Yihooway maaddanaadan woossa; qassi A qofaa akeekanawu Geeshsha Maxaafaa pilgga. (Leemiso 2:3-6 nabbaba.) Amaridabatun Yihoowa azazoy qoncce. He qoncce azazuwaa azazettikko keehi loˈˈobaa kuuyaasa.
Neeni waatanaakko Geeshsha Maxaafay qoncce azazuwaa yootana xayikko shin? He wodekka “neeni baanau bessiya [ogiyan]” Yihooway nena kaalettana. (Isiyaasa 48:17) Waatidi? Nena kaalettiya maarati deˈana danddayoosona. Geeshsha Maxaafay yootiyo maaray Xoossaa qofaanne awu siyettiyaabaa qonccissiya laamettenna tumaa. Nuuni darotoo Geeshsha Maxaafan nabbabiyoobaappe Xoossay issibaa waati xeelliyaakko akeekoos. Nuuni Yihoowawu siyettiyaabaa akeekiyo wode, A ufayssiyaabaa kuuyana danddayoos.
2. Neeni issibaa kuuyanaappe kase ay qoppana koshshii?
Geeshsha Maxaafay, “Cinccai akeekidi tanggees” yaagees. (Leemiso 14:15) Hegaa giyoogee nuuni issibaa kuuyanaappe kase dumma dummabaa takki giidi qoppana koshshees giyoogaa. Hegeeta ubbaa yiggiyo wode nena hagaadan oychcha: ‘Geeshsha Maxaafay hegawu maaddiya ayba maarata yootii? Tawu woppaa demissanay awugee? Ta kuuyiyoobay harata maaddaneeyye qohanee? Ubbaappe aaruwan, hegan Yihooway ufayttanee?’—Zaarettido Wogaa 32:29.
Nuussi aybi loˈˈokkonne aybi iitakko yootanawu Yihoowawu maatay deˈees. Nuuni A higgetanne maarata loytti eridi hegeeta kaallanawu murttiyo wode, nu kahay loohanaadan oottoos. Nu kahay woy zoriya wozanay issibay loˈˈokko iitakko nuuni eranaadan oottiyaaba. (Roome 2:14, 15) Loohida kahay loˈˈobaa kuuyanaadan nuna maaddana.
LOYTTA AKEEKA
Loˈˈobaa kuuyanawu Geeshsha Maxaafay yootiyo maaratinne nu kahay nuna waati maaddiyaakko loytta akeeka.
3. Geeshsha Maxaafaa kaaletuwaa kaalla
Nuuni issibaa kuuyiyo wode Geeshsha Maxaafay yootiyo maaray nuna waati maaddana danddayii? BIIDUWAA beˈite; yaatidi kaallidi deˈiya oyshata tobbite.
-
Nuussi Yihooway immido alˈˈo imotay aybee?
-
Yihooway nubaa nuuni kuuyanaadan oottidi medhdhidoy aybissee?
-
I nuuni keehi loˈˈobaa kuuyanaadan maaddiyaabaa ay immidee?
Geeshsha Maxaafay yootiyo issi maaraa akeekanawu, Efisoona 5:15, 16 nabbabite. Yaatidi kaallidi deˈiyaabatun nu “lo77o wodiyaa” waatidi maara goˈettanaakko tobbite.
-
Geeshsha Maxaafaa ubbatoo nabbabanawu.
-
Loˈˈo aqo lagge, aawa, aayo woy naˈa gidanawu.
-
Galchchaa shiiqota shiiqanawu.
4. Ne kahay loˈˈobaa kuuyanawu loohanaadan ootta
Issiban Geeshsha Maxaafay azaziyoobay nuussi qoncce gidiyo wode, loˈˈobaa kuuyiyoogee waayi metana. Hegaa mala azazoy odettana xayikko shin? BIIDUWAA beˈite; yaatidi kaallidi deˈiya oyshaa tobbite.
-
Issi michchiyaa ba kahay loohanaadaaninne Yihoowa ufayssiyaabaa kuuyana mala waatidoogaa biidoy bessii?
Nuuni kuuyana koshshiyaabaa harati kuuyanaadan oychchana bessennay aybissee? Ibraawe 5:14 nabbabite; yaatidi ha oyshata tobbite:
-
Harati nuussi kuuyanaadan oychchiyoogee waayi metana, shin nuuni shaakki erana koshshiyaabay aybee?
-
Ne kahay loohanaadaaninne neeni loˈˈobaa kuuyanaadan maaddana danddayiyaabi aybee?
Nu kahay deˈuwan kaallana ogiyaa kuuyanawu karttaadan maaddees
5. Haratu kahaa bonchcha
Asa ubbay kuuyiyoobay issi mala gidenna. Nuuni haratu kahaa bonchchiyoogaa waati bessana danddayiyoo? Ane naaˈˈu hanotata beˈoos:
Koyro hanotaa: Darobaa tisttettiyoogaa dosiya issi michchiyaa daro michchontti hegaadan tisttettiyoogaa beˈidi ufayttenna galchchaa heeran deˈanawu baasu.
Roome 15:1nne 1 Qoronttoosa 10:23, 24 nabbabite; yaatidi ha oyshata tobbite:
-
Ha xiqiseta qoppada, he michchiya ay kuuyana danddayay? Ne kahay oottanawu nena diggennabaa A kahay diggiyo uraara deˈiyo sohuwan neeni waatuutii?
Naaˈˈantto hanotaa: Issi ishay ushshaa uyiyoogaa Geeshsha Maxaafay diggennaagaa erikkokka, aynne uyennan agganawu kuuyiis. I shoobettidosan ishantti ushshaa uyishin beˈiis.
Eranchchaa 7:16nne Roome 14:1, 10 nabbabite; yaatidi ha oyshata tobbite:
-
Ha xiqiseta qoppidi, he ishay ay kuuyana danddayii? Neeni oottennaadan ne kahay diggiyoobaa hara uri oottishin beˈikko waatuutii?
Loˈˈobaa kuuyanawu neeni ay oottana koshshii?
1. Neeni ay oottanaakko kuuyanawu maaddana mala Yihoowa woossa.—Yaaqooba 1:5.
2. Hegawu maaddiya maaraa demmanawu Geeshsha Maxaafaanne A qofay deˈiyo xuufeta pilgga. Qassi kayma Kiristtaaneta zoriyaa oychchana danddayaasa.
3. Neeni kuuyiyoobay ne kahaanne haratu kahaa waatanaakko qoppa.
ISSI ISSI ASAY HAGAADAN GEES: “Neeni koyiyoobaa aybanne oottana danddayaasa. Harati ay qoppikkokka metoy baa.”
-
Xoossaynne hara asay issibaa waati xeelliyaakko qoppana koshshiyoy aybissee?
AY AKEEKADII?
Issibaa Yihooway waati xeelliyaakko akeekidi, nu oottiyoobay harata maaddanaakko woy qohanaakko qoppiyo wode loˈˈobaa kuuyoos.
Zaaretuwaa
-
Yihoowa ufayssiyaabaa waata kuuyana danddayay?
-
Ne kahaa loohissanawu waatana danddayay?
-
Haratu kahaa bonchchiyoogaa waata bessana danddayay?
PILGGA
Xoossaara dabbotaa minttanawu maaddiyaabaa kuuyanawu waatana danddayay?
“Xoossaa Bonchissiya Kuushshaa Kuuyite” (Wochchiyo Keelaa, Hosppune 15, 2011)
Yihooway nuna waati zoriyaakko loytta akeeka.
Issi bitanee deexxiyaabaa kuuyanaadan aybi maaddidaakko akeeka.
Issibawu Yihoowa azazoy qoncce gidana xayikkonne A waata ufayssanaakko akeeka.
“Geeshsha Maxaafaa Azazoy Neessi Ubbatoo Koshshii?” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
