NʼOCHUFWENYAJ 35
¿Chi malhyej (Ep hote) toj iwoyek nʼotshupiye mʼak toj is alhoho?
Nilhokej namel is che natshupiye mʼak toj nawohiyela. Wujpe mʼayhaytso toj natshupiyela iwoyek yʼaje mʼak toj nehi wet toj naise Heowa. Malhyej toja, iwoyek natshupiye lhip toj nehihla, natʼukwe lhachumet hopkhilak iche mʼak toj naisej wet che natawhayeyhla wok kha. Che natshupiye mʼayhay toj isen iwohiyelak lhakajyajay ihiche wet nakajyenlhi Heowa.
1. ¿Chi malhyej (Ep hote) toj Biblia iwoyek tachʼot ame toj letshupiye mʼak toj is alhoho?
Alheje Heowa lechʼotyaj toj kamaj letshupiyetʼa mʼak toj lewohiyela. Wet alekhajyenej toj letʼukwe toj ihi Biblia chi malhyej (ep hote) toj Heowa hiwʼen mʼak toj letshupiyela (yahyen Proverbios 2:3-6). Ichepej toj kalelhaj mʼak toj Heowa tataye che nawoye. Che malhyejtso, mʼak toj is che lewoye hope toj letachʼahuye.
Mat ¿che Biblia yomhiyetʼa mʼak toj is che nawoye? Tej toj malhyejtso, Heowa ihanla amkwe «nʼayij [...] tä is chik lenukwe» (Isaías 48:17). ¿Chi malhyej (Ep hote) toj iwoye tajtso? Ichumyenlhi mʼayhay toj matchehen toj ihi Biblia hopkhilak tachʼot ame toj letafwelche mʼak toj Heowa yen tichunhayaja wet chi malhyej (ep hote) toj Lham ilat lhame. Wet tajtso nawʼen lewhay toj nayahyen hop Lhomet. Toj nahanej chi malhyej (ep hote) Heowa letichunhayaj tachʼotla namehen toj natshupiye mʼak toj lham ihumin.
2. ¿Atsi mʼak toj is che lehanej toj kamaj letshupiyetʼa mʼak toj lewohiyela?
Biblia yok: «häp elh tä lehusek ihi, chunkat itetshan ayej wet nechʼe iwoye» (Proverbios 14:15). Toja hope toj, che nʼoelh tʼuhlak tatshupiye mʼak, toj ichun is che takasit wet itichunejlhi mʼak toj iwohiyela. Toj letetshan mʼak toj letshupiyela, atshan ame: «¿Atsi mʼayhay toj matchehen toj ihi Biblia yiwtejla mʼak toj otshupiye? ¿Atsi mʼak elh toj otshupiyela che hiwʼenla nʼoho nʼotamsek? ¿Chi malhyej (Ep hote) toj iwoyek yʼaje oiyhaj mʼak toj otshupiyela? Wet tajtso, ¿ikajyenlhila Heowa?» (Deuteronomio 32:29).
Tajlhamet Dios toj iwoyek ifwel namhohen che is wok isitʼa mʼak toj nawoye. Lewhay toj natafwelej laka leyes wet mʼayhay toj matchehen toj ihi Biblia wet nahuminchek natchʼahuye iwohiyelak lhatichunhayaj letamsek ihi. Hop nʼotichunhayaj hope nʼopak toj talh lechʼoye toj ifwel namhohen mʼak toj is wok mʼak toj isitʼa toj nawoye (Romanos 2:14, 15). Hop nʼotichunhayaj toj nʼotafwnhatej mʼak toj is, tachʼotla namehen toj natshupiye mʼayhay toj isen.
NATʼAYHETTSHI TOJ NALECHUFWENEJ
Nalechufwenej chi malhyej (ep hote) toj mʼayhay toj matchehen toj ihi Biblia wet lhatichunhayaj tachʼotla namehen toj natshupiye mʼayhay.
3. Yej tekawayhla Biblia lechʼotyaj
¿Chi malhyej (Ep hote) toj tachʼot namehen mʼayhay toj matchehen toj ihi Biblia lewhay toj natshupiye mʼayhay? Yahin VIDEO wet ame mʼayhayna:
-
¿Atsi nʼowʼayhat toj isilataj toj Heowa hiwʼen namhohen?
-
¿Atsi mʼak toj tamenej toj Heowa inuhitʼahla toj natshupiye mʼak toj nawohiyela?
-
¿Atsi nʼochʼotyaj toj Dios hiwʼen namhohen hopkhilak nam is toj nachumyenlhi nʼowʼayhatna lewhay toj natshupiye mʼak?
Hopkhilak lewʼen mʼak toj hope mʼak toj matche toj ihi Biblia, yahyen Efesios 5:15, 16. Che paj ame chi malhyej (ep hote) toj nʼoelh iwoyek ihanlhi nʼofwonyajna toj yok: «Wo kotsayej lewhäyna wet äm is mʼak tä lewoye» hopkhilak...
-
... iyahyenpej Biblia nilhokej ifwalas.
-
... iyhaj toj lechʼefwas ihi, nʼojchalis, nʼokolis wet naʼtshas yam is lechumet.
-
... nahoyepej reuniones toj congregación yenlhi.
4. Chufwen atichunhayaj hopkhilak letshupiye mʼayhay toj isis
Che iche mʼak toj kalelhaj toj ihi Biblia toj yomeje mʼak, iwoyek athahitʼa toj natshupiye mʼak toj is. Mat ¿che ihichetʼa? Yahin VIDEO wet ame mʼayhayna:
-
Malhyej toj ihi video, ¿atsi mʼayhay toj iwoye ipunfwa atsinha toj ichufwenlhi letichunhayaj wet tatshupiye mʼak toj Heowa ihumin?
¿Atsi mʼak toj tamenej toj isitʼak natʼalhe nʼoelh hopkhilak ifwel namhohen mʼak toj is che natshupiye? Yahyen Hebreos 5:14 wet ame mʼayhayna:
-
Tej toj iwoyek hope mʼak toj athahitʼa toj natʼalhe nʼoelh hopkhilak ifwel namhohen mʼak toj is che natshupiye, ¿atsi mʼak toj tamenej toj is che namel tʼat toj natetshan che is mʼak toj natshupiye?
-
¿Atsi mʼayhay toj iwoyek tachʼot namehen toj nachufwenlhi lhatichunhayaj wet natshupiye mʼayhay toj isen?
Lhatichunhayaj malhyej tʼat iwoye mapa, toj tachʼot namehen atsi lhip toj is che nanukwe.
5. Yej lhen wʼet mʼayeka mʼak toj iyhaj yen tichunhayaja
Toj nilhokej namel nawʼenhahiche, mʼayhay toj natshupiye hate wʼenhahiche. ¿Chi malhyej (Ep hote) toj iwoyek nanʼalit toj nenhitʼa wʼet mʼayeka iyhaj letichunhayajay? Natetshan dos ejemplos.
Ejemplo 1: Iche ipunfwa atsinha toj ihumin toj lhaisyenlhi (maquillarse) tʼaye congregación elh, ipunfwas atsinhay toj ihi congregación wujitʼa toj ihumin toj hiwʼen toj lham iwoye tajtso.
Yahyen Romanos 15:1 wet 1 Corintios 10:23, 24 wet ame mʼayhayna:
-
Malhyej toj ihi versículos, ¿atsi mʼak toj ipunfwa atsinha iwoyek tatshupiye toj iwoye? Wet am, ¿atsi mʼak toj lewohiyela che nʼoelh letichunhayaj yome toj isitʼa mʼak toj am letshupiye?
Ejemplo 2: Iche ipunfwa toj ihanej toj Biblia nahiyejtʼa toj nʼoelh iyayej hatʼes; mat lham tatshupiye toj iyahiyejtʼa. Iche ifwala, toj ipunfwas yenlhi nʼokajyaj tʼane lham wet hiwʼen toj ipunfwas iyhaj iyayej hatʼes.
Yahyen Eclesiastés 7:16 wet Romanos 14:1, 10 wet ame mʼayhayna:
-
Malhyej toj ihi versículos, ¿atsi mʼak toj ipunfwa iwoyek tatshupiye toj iwohiyela? Wet am, ¿atsi mʼak toj lewohiyela che lewʼen toj aelh iwoye mʼak toj atichunhayaj yome toj isitʼa?
¿Atsi mʼayhay toj is che lehanlhi hopkhilak letshupiye mʼak toj is alhoho?
1. Alheje Heowa lechʼotyaj hopkhilak tachʼot ame toj letshupiye mʼak toj lewohiyela (Santiago 1:5).
2. Tetshanchʼoye mʼak toj Biblia yome wet mʼak toj ihi publicaciones hopkhilak lewʼen mʼayhay toj matchehen toj ihi Biblia toj yiwite mʼak toj am lehuminchek letshupiye. Hate iwoyek leyʼatshane ipunfwas toj letʼekhayaj takhajay.
3. Tichunejlhi toj mʼak toj letshupiyela yʼajiyela atichunhayaj wet aiyhaj.
IYHAJ WICHI YOME TOJA: «Am iwoyek letshupiye mʼak toj lewohiyela. ¡Laha ihihitʼa mʼak toj wichi yen tichunhayaja!».
-
¿Atsi mʼak toj tamenej toj is che letetshan mʼak toj Heowa wet aiyhaj ilathiyela?
MʼAYHAY TOJ LETETSHANNE
Is mʼak toj natshupiye lewhay toj natetshanchʼoye chi malhyej (ep hote) Heowa letichunhayaj toj itiyej mʼak toj natshupiye wet natetshanchʼoye toj mʼak toj nawoye tachʼothiyela wok tamenhiyeja lhaiyhaj.
Mʼayhay toj nalechufwenejne
-
¿Chi malhyej (Ep hote) toj am iwoyek letshupiye mʼak toj Heowa ihumin?
-
¿Atsi mʼak toj is che lewoye hopkhilak lechufwenlhi atichunhayaj?
-
¿Chi malhyej (Ep hote) toj am iwoyek lenʼalit toj lhenhitʼa wʼet mʼayeka aiyhaj letichunhayajay?
IWOYEK LEWʼEN IYHAJ MʼAYHAY:
¿Chi malhyej (Ep hote) toj iwoyek letshupiye mʼayhay toj lhayʼe lhip toj aise Dios?
«Natshupiye mʼayhay toj iwujyen Dios» (La Atalaya, 15 toj abril toj 2011)
Tafwelej chi malhyej (ep hote) toj Heowa ifwon namehen.
Tafwelej mʼak tachʼote pʼante hinʼu toj tatshupiye mʼak toj atha.
Yahyen mʼayhay iyhaj toj iwoyek ikajyenlhi Heowa lewhay toj ihichetʼa mʼak toj kalelhaj toj natʼuhlak natshupiye.
«¿Ha is che talhopej Biblia mʼak toj is che natshupiye?» (La Atalaya, 1 toj diciembre toj 2003)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
