დუდ 35
მუჭო მიბღათ სწორ გადაწყვეტილებეფ?
ჩქი არძას მიწიენა გადაწყვეტილებეფიშ მეღება. თინეფშე ბრელქ შილებე მანგარო იმოქმედას ჩქინდა დო იეჰოვაწკუმა ჩქინ ურთიერთობაშა. მაგალთო, შილებე გინაჭყვიდირალ მაფდან სო იფცხოვრათ, დუდ მუჭო ეიბჯუმუათ ვარდა დეფქორწინათ დო ვარ. მუჟამსით სწორ გადაწყვეტილებეფს ბღებულენთ, შემლებნა მიღდან ბედნერ ცხოვრება დო გურ გუხარათ იეჰოვას.
1. მუჭო შეილებნა გეგმირინუათ ბიბლია, ნამდა ქიმგეხვარან სწორ გადაწყვეტილებეფიშ მეღებას?
გადაწყვეტილებაშ მეღებაშახ, ლოცვას მოხვარა ქოთხით იეჰოვას დო ბიბლიაშე გეგმირკვით, მუჭო უჯინე თინა თე კონკრეტულ საკითხის (წეკითხით იგავეფიშ 2:3—6). ნამთინე საკითხწკუმა დაკავშირებით იეჰოვა არგამა მითითებას ირზენს. თეცალ დროს, თიშ მითითებაშ მეჸუნა არძაშ უჯგუშ არჩევან რე.
მარა მუშ რაგად შემლებნა თიცალ შემთხვევაშე, მუჟამსით ბიბლია არგამათ ვეჩიებ, მუშ კეთება რე სწორ? იეჰოვა თე დროს ხოლო ქიგგოწურუანა „თი შარას, ნამდგათ ოკო“ გილართათ (ესაია 48:17). ღორონთის შეულებ ბიბლიას მოჩამილ პრინციპეფით გიხემძღვანელან. ბიბლიურ პრინციპეფ რე ძირითად ჭეშმარიტება, სოვრეშეთ იეჰოვაშ ფიქრეფ დო გრძნობეფ იძირე. ხშირას, ნამთინე ბიბლიურ მონაკვეთიშ კითხირიშ დროს ვორწყეთ, მუს ფიქრენს იეჰოვა კონკრეტულ საკითხშე. თეშ გაგება მოხვარნა, მიბღათ თიცალ გადაწყვეტილებეფ, ნამუთ თის გურს გუხარენს.
2. მუშე ოკო დეფიქრათ გადაწყვეტილებაშ მეღებაშახ?
ბიბლია იჩიებ: „წიმი იჯინენ ფერ, ოკვირ მუშ ნაბიჯეფს“ (იგავები 14:15). თენა ნიშნენს, ნამდა გადაწყვეტილებაშ მეღებაშახ, დრო ოკო გეგმურთათ თიშე ფიქრის, მუს გინობჭყვიდუნთ. მუჟამსით ფიქრენთ, მუ გადაწყვეტილება მიღათ, ქოკითხით თქვან დუდის: „ნამ ბიბლიურ პრინციპეფს იბრინუანქ? მუნერ გადაწყვეტილებაშ მეღება მომღანს შინაგან სიმშვიდეს? მუჭო იმოქმედენს ჩქიმ გადაწყვეტილება შხვეფშა? მუთ არძაშ უმოს მთავარ რე, გუხარენსო თეშ კეთება იეჰოვას გურს?“ (კანონი 32:29).
იეჰოვას უღჷ უფლება, მიწუან, მუ რე ჯგირ დო ფურ. მუჟამსით ჯგირო ენვანჭუთ იეჰოვაშ კანონეფს დო პრინციპეფს დო გინოჭყვიდილ მაფნა, მივაჸუნათ თინეფს, იბვითარენთ ჯგირ სინდისის. სინდის რე უნარ, ნამუთ ჯგირ დო ფურიშ გარჩიებას მოხვარნა (რომაელები 2:14, 15). გოწაფილ სინდის მიმეხვარებნა სწორ გადაწყვეტილებეფიშ მეღებას.
ქიგეგით უმოს
ქიგეგით, მუჭო მოხვარნა სინდის დო ბიბლიურ პრინციპეფ სწორ გადაწყვეტილებეფიშ მეღებას.
3. იხემძღვანელით ბიბლიათ
მუჭო შეულებ ბიბლიას მიხემძღვანელან გადაწყვეტილებეფიშ მეღებაშ დროს? ქოძირით ვიდეო დო უკულ გარჩით თუდო მოჩამილ კითხვეფ.
-
მუ რე ნებაშ თავისუფლება?
-
მუშენ მუჩეს იეჰოვაქ ნებაშ თავისუფლება?
-
მუ მუჩეს იეჰოვაქ, ნამდა სწორას გეგმიბრინუათ ნებაშ თავისუფლება?
წეკითხით ეფესოელეფიშ 5:15, 16 დო ქოძირით ართ-ართ ბიბლიურ პრინციპ. უკულ გარჩით, მუჭო შეილებნა „სწორას გეგმირინუათ დრო“, ნამდა . . .
-
რეგულარულო იკითხათ ბიბლია
-
გინირთათ უჯგუშ მეუღლე, მშობელ ვარდა სქუათ
-
დესწრათ კრებაშ შეხვალამეფს
4. გოწაფით სინდის, სწორ გადაწყვეტილებეფიშ მიოღებელო
მუჟამსით მუდგარენ საკითხიშ გურშენ ბიბლიას არგამა მითითება რე მოჩამილ, სწორ არჩევანიშ კეთება შილებე ადვილ რდას. მარა მუ ოკო ვაკეთათ კონკრეტულ მითითება ვამღუნან-და? ქოძირით ვიდეო დო უკულ გარჩით თუდო მოჩამილ კითხვა.
-
მუ აკეთ თე დაქ, ნამდა გოწაფკო მუშ სინდის დო მეუღებუდკო თიცალ გადაწყვეტილება, ნამუთ გურს გუხარენდჷ იეჰოვას?
მუშენ ოკო ვა ფთხუათ შხვეფს, ჩქინ მანგიორო მიღან გადაწყვეტილება? წეკითხით ებრაელეფიშ 5:14 დო უკულ გარჩით თუდო მოჩამილ კითხვეფ:
-
შილებე უმოს ადვილ რდას, შხვეფს ფთხუათ, ჩქინ მანგიორო მიღან გადაწყვეტილებეფ, მარა მუშ გარჩიება ოკო შემლებდან?
-
მუ საშვალებეფ რე ხეშამალაფარ, ნამდგას შეულებ მიგეხვარან სინდისიშ გოწაფუას დო სწორ გადაწყვეტილებეფიშ მეღებას?
სინდის რუკაცალ რე, თინა ცხოვრებას ფხემძღვანელენა
5. პატი ცით შხვეფიშ სინდისის
არძა ადამიან შხვადოშხვა გადაწყვეტილებას ღებულენს. მუჭო შემლებნა, პატი ფცათ შხვეფიშ სინდისის? გუვარჩუათ ჟირ სიტუაცია:
სიტუაცია 1: ართ და, ნამდგას უჸორს მაკიაჟიშ კეთება, გინურს კრებაშა, სოდეთ ბრელ დას ვა მოწონს, შხვას მაკიაჟ უღუნ.
წეკითხით რომაელეფიშ 15:1 დო 1კორინთელეფიშ 10:23, 24 დო უკულ გარჩით თუდო მოჩამილ კითხვეფ:
-
მოჩამილ მუხლეფიშ მიხედვით, მუ შილებე თე დაქ გინოჭყვიდას? მუს გაკეთენთ, მუჟამსით თიცალ ადამიანწკუმა იჸუაფუთ, ნამდგას სინდის თიცალ მუდგარენიშ კეთებაშ უფლებას ვარზენს, მუთ თქვან სინდისშო ვა რე პრობლემა?
სიტუაცია 2: ართ ჯიმას უჩქჷ, ნამდა ბიბლია ვარიას ვეჩიებ ოშუმალიშ ზომიერო მეღებაშენ, მარა ისხუნუანს, შურო ვა შვას თინა. თე ჯიმა სტუმარო რე დო ორწყე, ნამდა შხვა ჯიმალეფ შუნა ოშუმალს.
წეკითხით ეკლესიასტეშ 7:16 დო რომაელეფიშ 14:1, 10 დო უკულ გარჩით თუდო მოჩამილ კითხვეფ:
-
მოჩამილ მუხლეფიშ მიხედვით, მუ შილებე თე ჯიმაქ გინოჭყვიდას? მუს გაკეთენთ, მუჟამსით ძირუნთ, ნამდა შხვა თიცალ მუდგარენს ორთჷ, მუდგაშ კეთებაშ უფლებას თქვან სინდის ვა გარზენა?
მუჭო მიბღათ სწორ გადაწყვეტილებეფ?
1. ქოთხით იეჰოვას, ქიმგეხვარან გადაწყვეტილებაშ მეღებას (იაკობი 1:5)
2. გეგმირკვით ბიბლია დო ბიბლიაშა გერსხილ პუბლიკაციეფ, ნამდა დოგორათ შესაბამის პრინციპ. თეს გეძინელ, შეილებნა გამოცდილ ქრისტიანეფს ქელაკითხუათ
3. დეფიქრით, მუჭო იმოქმედენს გადაწყვეტილება თქვან დო შხვეფიშ სინდისშა
ნამთინექ შილებე თქუას: „მა მუთ მოკონ თის ვაკეთენქ, ვა მოინტერეს, შხვეფ მუს თქუანა“.
-
მუშენ ოკო გეფთვალისწინათ მუჭოთ ღორონთიშ, თეშ შხვეფიშ გრძნობეფ ხოლო?
დასკვნა
სწორ გადაწყვეტილებეფს თიმწკუმა მიბღენთ, მუჟამსით ქიგებგენთ, მუს ფიქრენს იეჰოვა კონკრეტულ საკითხიშ გურშენ დო დეფიფქრებუთ, ჩქინ მოქმედებათ შხვეფს ვეცილებუთ დოვარ მივეხვარებუთ.
გამეორებელ კითხვეფ
-
მუჭო შეილებნა მიღათ თიცალ გადაწყვეტილებეფ, ნამუთ გურს გუხარენს იეჰოვას?
-
მუჭო შეილებნა გოწაფათ სინდის?
-
მუჭო შეილებნა პატი ცათ შხვეფიშ სინდისის?
დამატებით მასალა
მუჭო შეილებნა მიღათ თიცალ გადაწყვეტილებეფ, ნამუთ იეჰოვაწკუმა მეგობრობას გაიმანგარენა?
„მიღით თიცალ გადაწყვეტილებეფ, ნამუთ განადიდენს ღორონთის“ („გინაჯინალ კოშკი“ 15 აპრილი, 2011 წ.)
უჯგუშო ქინანჭით, მუჭო მარზენა იეჰოვა რჩევეფს.
ქოძირით, მუქ მეხვარ ართ კოჩის, რთულ გადაწყვეტილებაშ მეღებას.
ქიგეგით უმოს, მუჭო გუხარათ გურ იეჰოვას, მუჟამსით მუდგარენ საკითხიშ გურშენ კონკრეტულ მითითებას ვა მარზენა.
„ირიათო რენო საჭირო ბიბლიურ მითითებეფ?“ („გინაჯინალ კოშკი“ 1 დეკემბერი, 2003 წ.)
შილებე თექ ხოლო მიგეწონან
ᲑᲠᲔᲚᲨᲐ ᲓᲝᲡᲣᲛᲐᲚᲘᲠ ᲙᲘᲗᲮᲕᲔᲤᲘ
მუჭო იტარებ ბიბლიაშ გურაფა იეჰოვაშ მოწმეეფწკუმა ართო?
იეჰოვაშ მოწმეეფწკუმა ბიბლიაშ უფასო გურაფაშ დროს, შეილებნა ბიბლიაშ ნებისმიერ თარგმანიშ გიმორნაფა. ბიბლიაშ გურაფაშა შეილებნა დაპატიჟათ მთელ ოჯახ ვარდა მეგობრეფ.
