UMBUESÁ 35

Mayé yapoderi yaparawaka puranga?

UYUPIRŨ

Muíri yandé yaparawaka siya manungá resé. Yepeyepé maã yaparawakawaá aintá importante. Sá ti yaparawaka puranga, kuá upoderi umuapatuka yané amizade Jeová irum. Yepé exemplo, amuramé yarikuté yaparawaka mamé yasú yamorari, maã irum yasú yapurakí asuí sá yasú yamendari u umbaá. Mairamé yaparawaka puranga yepé maã resé yayusaã surí piri asuí yamusurí Jeová.

1. Mayé Bíblia uajudari indé reparawaka arama puranga?

Reparawaka rundé repurandú Jeová irum asuí remaã maã Bíblia umbeuwaá maã resé reputariwaá. (Releri Provérbiuitá 2:3-6.) Yepeyepé viaji, Jeová umundú maã yarikuté yamuñhã. Usasá ramé kuayé puranga piri indé arama mairamé resendú maã aé umunduwaá.

Ma amuramé Bíblia ti umbeu maã yarikuté yamuñhã yepé maã resé. Yawewaá suité, Jeová ‘usú urasú indé yepé rapé upé rerikutewaá rewatá’. (Izaía 48:17) Mayé taá? Bíblia upé aikué princípioitá ta upoderiwaá ta uajudari indé. Bíblia princípioitá aintá Bíblia supiwaitá, ta umbuewaá yandé arama maã Jeová umanduári yepeyepé maã resé. Yapoderi yakuá maã Deus umanduári yepé maã resé mairamé yaleri Bíblia. Yakuá ramé mayé Jeová uyusaã uajudari yaparawaka arama maã umusurí aé.

2. Maã resé rerikuté remanduári reparawaka rundé?

Bíblia umbeu kuayé: “Quem é prudente pensa bem antes de cada passo.” (Provérbiuitá 14:15) Kuá uputari umbeu yaparawaka rundé, yarikuté yapituú yamanduári arama pañhe maã resé. Repurandú ne suí: ‘Mayewaá Bíblia princípio umbeu kuá resé? Maã aparawaka usú umuñhã ayuka se piá? Maã aparawakawaá umuapatuka será amuitá?’ Asuí maã importante piriwaá: ‘Maã aparawakawaá umusurí será Jeová?’ — Deuteronômio 32:29.

Jeová aeté upoderi umbeu yandé arama maã satambikawaá u umbaá. Yasú yakuá yamanduári puranga mairamé yakuá puranga Jeová lei asuí iprincípioitá resé asuí yasendú ramé aintá. Yané manduarisá uajudari yakuá maã satambikawaá u umbaá. (Romawaraitá 2:14, 15) Yakuá ramé yamanduári usú uajudari yaparawaka arama puranga.

REYUMBUÉ PIRI ARAMA

Remaã mayé Bíblia princípioitá asuí yané manduarisá ta uajudari yaparawaka puranga.

3. Rexari Bíblia umbué indé

Mayé Bíblia princípioitá ta uajudari yaparawaka ramé? Pemaã kuá VÍDEO. Ariré pekuntari kuá resé:

VÍDEO: Rexari Bíblia princípioitá ta umbué indé arama (5:54)

Maã taá kuá “livre-arbítrio”?
Marã Jeová uxari yaparawaka yané rupí?
Maã taá Jeová umeẽ uajudari arama yandé yaparawaka arama puranga?

Pemaã arama yepé Bíblia princípio, peleri Filipowaraitá 1:10. Ape pekuntari mayé indé repoderi ‘resikari arama yawewarawaté panye purangawaa supiwa’, mairamé. . .

releri Bíblia muíri ara.
repitá yepé mena u ximirikú, paya u mañha, taíra u tayera puranga piri.
reyumuatiri yané imũitá irum.

4. Resikari remanduári puranga reparawaka arama puranga

Mairamé Bíblia umbeu yepé maã resé, iwasuíma yandé arama yakuá maã taá yasú yamuñhã. Ma maã yapoderi yamuñhã ti ramé Bíblia umbeu yepé maã resé? Pemaã kuá VÍDEO. Ariré pekuntari kuá resé:

VÍDEO: Rembué ne manduárisawa (5:13)

Kuá vídeo upé, maã kuá yané rendira umuñhã umbué arama imanduarisá asuí uparawaka arama maã umusuriwaá Jeová?

Marã ti yarikuté yapurandú amuitá suí ta uparawaka arama yané rupí? Peleri Ebreoitá 5:14. Ariré pekuntari kuá resé:

Amuramé iwasuíma yandé arama yapurandú amuitá suí ta uparawaka arama yané rupí. Ma maã muíri yandé yarikuté yakuá yamuñhã?
Mayé yamaã kuá vídeo upé, maã taá uajudari indé rembué arama ne manduarisá asuí reparawaka arama puranga?

Mayé yepé mapa yawé yané manduarisá uajudari yaparawaka arama yepé rapé purangawaá yawatá arama.

5. Rerespeitari mayé amuitá ta umanduári

Miraitá aintá amurupité amuitá suí, yawé arama, aintá ta uparawaka amurupité. Ape, mayé yaxari amuitá ta ukuá yarespeitari maã aintá ta umanduári? Remanduári kuá mukũi maã resé:

Yepesá: Yepé yané rendira ugustariwaá usari maquiagem umutirika yepé congregação kití mamé yané rendiraitá ti ta umaã puranga mairamé yepé kuñhã usari maquiagem.

Peleri Romawaraitá 15:1 asuí 1 Korintowaraitá 10:23, 24. Ariré pekuntari kuá resé:

Umanduári ramé kuá versículoitá resé, maã amuramé kuá yané rendira usú uparawaka umuñhã? Reikú ramé amú mira irum umanduariwaá amurupí ne suí yepé manungá resé, maã resú remuñhã?

Mukũisá: Yepé yané imũ ukuá maã Bíblia umbeu kawĩ resé. Aé ukuá upoderima uú kuaíra, ma uparawaka ti uú kawĩ. Yepé ara yepé imũ usenúi aé umbaú arama isuka upé. Usika ramé ape aé umaã aikuewaá yepeyepé imũitá ta uú ta uikú.

Peleri Eclesiaste 7:16 asuí Romawaraitá 14:1, 10. Ariré pekuntari kuá resé:

Umanduári ramé kuá versículoitá resé, maã taá kuá yané imũ amuramé usú uparawaka umuñhã? Maã taá indé resú remuñhã reikú ramé awá irum umuñhãwaá yepé manungá indé ti regustari remuñhã?