LECCIÓN 35
Nákaʼ waka ktobilachhirha gonrha ta chhiaʼ
Yogotherha rkin uyorha bi gonrha. Na tazian ta ktobilachhirha gonrha nakalha gon yodarhi o gchhiaguiʼ yelaneban kierha o yelazuagago kierha lhen Jeobá. Kanho, rkin uyorha ga suarha, nákaʼ idzelhirha ta ryadzarkinherha kan a ktzaganarha. Cheʼ gonrha ta naka chhiaʼ, wazuarha yatzayolaj lhen gzuarha yatzayolaj Jeobá.
1. Nunákaʼ waka ugonhelochhin Biblia na ktobilachhiloʼ gonloʼ ta chhiaʼ
Katiʼ ziʼ guiolho bi gonloʼ, gnaba ki Jeobá gonhe lueʼ yodarhi. Na beguilhaj lo Biblia nobí rhonhe kuenda ki tan gonloʼ (blaba Proverbios 2:3-6). Balania wekebelho Jeobá rneʼ nobitekaʼ rhala gonloʼ. Katiʼ rhaka kan, naka chhiaʼ gzenagalho.
Naxh cheʼ lo Biblia ku chhia bitekaʼ rhala gonloʼ. Niklakaʼ Jeobá kueʼ lueʼ «lo neza» rhala ilachhilho (Isaías 48:17). Nunákaʼ. Dia principios gon lueʼ yodarhi. Principios chhia lo Biblia naka talí lhen ta yiajlo, rhon rhoʼo yodarhi tzeajnierha bi rhon kuenda Jeobá lhen nákaʼ rhaka kieʼ katiʼ bi rhonrha. Rhedzelhirha lé katiʼ rlabarha ta zaa lo Biblia. Katiʼ rhekeberha bi rhon kuenda Jeobá rhon rhoʼo yodarhi gonrha ta rheyolachhie.
2. Nobí rhala silhokuenda katiʼ ktobilachhiloʼ bi gonloʼ
Lo Biblia rnhe «beneʼ zueʼ kuenda ryoe chhiadodi ga rleaje» (Proverbios 14:15). Taní rhenheinhe katiʼ ziʼ ktobilachhirha bi gonrha rhala gonrha kuenda nobí waka gonrha. Katiʼ guiolho bi gonloʼ gnabe kuinloʼ: «Nobí principio zaa lo Biblia wazeke gon nhedia yodarhi. Nobilha kueki tzabaʼ yikiajlawa. Nunákaʼ ileʼ yezikalha beneʼ tan gonha. Na ta rhontherhe bayochhi, a wegzua yatzayolaj Jeobá» (Deuteronomio 32:29).
Nakalaza Dios ineʼ nobí naka chhiaʼ lhen nobí ku naka chhiaʼ. Katiʼ nombherha chhiaʼ leyes kan principios ki Dios lhen notobilachhirha gzenagarha, zeaj ryedie chhiaʼ yikiajlorha. Yikiajlorha naka tan rhee rhoʼo nobí naka chhiaʼ lhen nobí naka malha (Romanos 2:14, 15). Katiʼ yikiajlorha chi nayedie chhiaʼ, wegon rhoʼo yodarhi na ktobilachhirha gonrha ta chhiaʼ.
KSEEDIRHA MÁSRHE KI TANÍ
Ni uyorha bixhkieʼ rhon bayochhi ugonherhachhin principios zaa lo Biblia lhen yikiajlorha katiʼ ktobilachhirha bi gonrha.
3. Bde lataj Biblia koʼo lueʼ toneza
Nákaʼ rhon rhoʼo yodarhi principios zaa lo Biblia katiʼ rhala ktobilachhirha bi gonrha. Le uyo VIDEO na le ktzalaj ki taní:
-
Nobí rhenheinhe tan rhoʼo naparha lataj uyorha bi gonrha.
-
Bixhkieʼ Jeobá noneʼ kierha lataj uyorha bi gonrha.
-
Nobí chi bhena kierha Dios ta gon rhoʼo yodarhi na ugonherhachhin chhiaʼ lataj naparha.
Kuenda guiolhoʼ to principio bíblico, le ulaba Efesios 5:15, 16. Denhaʼ le ktzalaj nákaʼ wazeke «ugonhelochhin chhiaʼ tiempo napalho» na…
-
... ulabalho Biblia yogodza.
-
... totolhe lo familia gákalhe beneʼ chhiaʼrhe.
-
... tzeajlho reunión ki congregación.
4. Bseedie yikiajlolho na ktobilachhiloʼ gonloʼ ta naka chhiaʼ
Yolajzi ktobilachhirha gonrha ta chhiaʼ katiʼ lo Biblia rnhe nobí rhala gonrha. Naxh cheʼ bibi rnhe. Le uyo VIDEO na le ktzalaj ki taní:
-
Kaʼ blerha lo videoni, nobí bhen nigolha ni, na kseediene yikiajlaweʼ na kan gonhe ta rheyolachhiʼ Jeobá.
Bixhkieʼ ku rhala inaberha beneʼ yobla bi rhala gonrha. Le ulaba Hebreos 5:14 na le ktzalaj ki taní:
-
Nikla nakarhe yolaj inaberha beneʼ yobla nobí gonrha, bixhkieʼ naka wen kuinserha yekeberha bi naka chhiaʼ.
-
Nobí waka ugonherhachhin na kseedierha yikiajlorha na kan ktobilachhirha gonrha ta chhiaʼ.
Yikiajlorha naka ka to mapa rhon rhoʼo yodarhi na inezerha galha tzeajrha.
5. Gxhiʼ kuenda yikiajló beneʼ yobla
Tan natzaʼ natzaʼ kaʼ nakarha, natzaʼ ta rtobilachhirha gonrha totorha. Nunákaʼ wazeke gluerha rhonrha balaʼn ta rhon kuenda beneʼ yobla. Ni uyorha chopa ta rhaka.
To: To nigolha zanrha rhaxhenhene senhe maquillaje rchhinhe lo congregación ga biteka rhaxhenkene no sen maquillaje.
Le ulaba Romanos 15:1 lhen 1 Corintios 10:23, 24, na le ktzalaj ki taní:
-
Kaʼ rnhe ka versículoni, nobí waka gon nigolha zanrha ni. Naxh lueʼ, nobí waka gonloʼ cheʼ yikiajlolho rhona lataj gonloʼ ta bi rhaxhenhe yikiajló beneʼ yobla.
Chopa: To beneʼ bichirha nezene Biblia bi rzaga yiajrha lhetidoʼ, sanlhe leʼ rtobilachhie bisibi yiaje. Tzaniaʼ bledzake leʼ to convivio na blene bala beneʼ bichilezaarha rheajke.
Le ulaba Eclesiastés 7:16 lhen Romanos 14:1, 10, na le ktzalaj ki taní:
-
Kaʼ rnhe ka versículoni, nobí wazeke gon beneʼ bichirha ni. Naxh lueʼ, nobí gonloʼ cheʼ rleʼlho to beneʼ rhonhe ta bi rhaxhenhe yikiajlolho.
Nobí waka gonloʼ na ktobilachhiloʼ gonloʼ ta chhiaʼ
1. Gnaba ki Jeobá gonhe lueʼ yodarhi inezelo bi gonloʼ (Santiago 1:5).
2. Beguilhaj lo Biblia lhen lo publicaciones na yidzelhilo principios gon lueʼ yodarhi. Lhezekan gnaba ki beneʼ nalhake lobeʼlodza bi waka gonloʼ.
3. Bhen kuenda nákaʼ sua yikiajlolho lhen yikiajló beneʼ yobla lhen tan gonloʼ.
BALAKEʼ RNHEKE: «Waka gonloʼ konbi rnhe kioʼ. ¡Bisla rhala silhokuenda bi inhe beneʼ yobla!».
-
Bixhkieʼ rhala siʼrha kuenda nákaʼ rhaka ki Dios lhen yezikalha beneʼ katiʼ bi rhonrha.
TA CHI BYEDIERHA
Rtobilachhirha ta chhiaʼ katiʼ rheguilhajrha bi rhon kuenda Jeobá ki to ta gonrha lhen katiʼ zuarha kuenda cheʼ bi gonziʼ yikiajló beneʼ yobla.
A rhanelho
-
Nákaʼ wazeke ktobilachhiloʼ gonloʼ ta rheyolachhiʼ Jeobá.
-
Bi waka gonloʼ na kseedieloʼ yikiajlolho.
-
Nákaʼ wazeke gluelhoʼ rziʼlho kuenda yikiajló beneʼ yobla.
BYEDIE MÁSRHE
Nákaʼ waka ktobilachhiloʼ gonloʼ ta yiyón tzotzo yelazuagago kioʼ lhen Dios.
«Ktobilachhirha gonrha ta gon balaʼn Dios» (La Atalaya, 15 ki abril ki 2011)
Guiajnie chhiaʼ nákaʼ rgoo rhoʼo neza Jeobá.
Byedie bi bhen yodarhi to beneʼ ktobilachhie gonhe ta chhiaʼ.
Byo naka waka gonloʼ ta rheyolachhiʼ Jeobá katiʼ bi ktobilachhiloʼ gonloʼ nikla leʼ bi rneʼ biteka rhala gonloʼ.
«A tolizi nekin Biblia inhe biteka rhala gonloʼ» (La Atalaya, 1 ki diciembre ki 2003)
