LESIONY 35
¿Xí labúu gacné lóono gonyno xinésni?
Guiráno ragoʼno guicno xi láani gonyno. Xidal cós ni ragoʼno guicno gonyno raguiñani lóocano né mod radzakno Jehová. Por ejemplo, órni ronyno pensary pu lagary cuésno, ximod guidxinaʼno ni guáno, pal gonyno galtzeʼel o yaca. Pal ronyno xinésni, labúu tzoʼno nakit né láaca labúu coʼ nakitno xcalnabany Jehová.
1. ¿Ximod labúu gacné la Biblia looy par gonylo xinésni?
Antes de coʼlo guiclo xi gonylo, gonab xcalrracné Jehová. Né bíil la Biblia par ganlo xi rony pensary Jehová de láani (bíil Proverbios 2:3-6). Rioʼ ór nayadit raiby Jehová lóono xi láani gonyno. Né non guisobno láani.
¿Pal ló la Biblia diti sieed xipa mer gonylo gaʼ? Ná scú, Jehová sagonés looy «ló néz» ro non saalo (Isaías 48:17). ¿Ximod? Noʼ tipnés principio ni labúu gacné looy. Ndeʼ nac principio ni sieed ló la Biblia ni rasien lóono mod rony Dios pensary né mod rasacbu. Rioʼ ór, órni rolno toib historia ni sieed ló la Biblia cú radudyno cuent xi rony pensary Jehová de toib cós. Órni ma bienno mod rony pensary Dios né mod rasacbu labúu gonyno cós ni sioladxbu.
2. ¿Xí raquiin coʼlo guiclo antes de gonylo toib cós?
La Biblia ná: «Buñ ni noʼ xcalrrien racaa cuidad ni rony» (Proverbios 14:15). Ndeʼ radudy diitz, antes de gonyno toib cós non gonyno pensary xi láani gonyno. Antes de gonylo toib cós gonabdiitz ndeʼ looy: «¿Xí textos ni sieed ló la Biblia labúu gacné naʼ? ¿Xí láani más galán goni par guisaca sacró? ¿Guirá ni goni ximod saguiñani stipnés? Né ni máspa la, ¿sagoʼ nakitni xcalnabany Jehová la?» (Deuteronomio 32:29).
Nosi Dios labúu gaiby lóono xi láani ngú cós tzaay né xi láani ngú cós mal. Órni rimbutzaayno ley né principios xtuny Jehová né ragoʼno guicno guisobno láani, órcu rapno toib galrrien nayaa. Galrrien nacni xomod toib rudx ni raiby lóono xi ngú cós tzaay né xi láani ngú cós mal (Romanos 2:14, 15). Toib galrrien nayaa racné lóono gonyno xinésni.
NANOY GUISUIDYNO LÁANI
Guisuidytzayno xigony nigolú rasac principio ni sieed ló la Biblia né xigony rasac xcalrrienno órni ragoʼno guicno gonyno toib cós.
3. Bisob ni ná la Biblia
¿Ximod ragonés principios ni sieed ló la Biblia lóono órni nainy ganno xí láani gonyno? Colguibiʼ VIDEO reʼ né colgooy xtiitzni:
-
¿Xí radudy diitz libre albedrío?
-
¿Xigony bidudy Jehová libre albedrío lóono?
-
¿Xí láani ma bidudy Dios lóono par ganno ximod guiquiinno libre albedrío?
Par guiento xi láani ngú principios ni sieed ló la Biblia, colgoʼol Efesios 5:15, 16. De ngú colgooy diitz «ximod labúu guiquiinlo xtiemplo galán» par...
-
... goʼolo la Biblia guirá dzú.
-
... gonladxlo xfamilo né tzoʼlo nakit.
-
... diti gony faltlo reunión.
4. Bisuidy xcalrrienlo par gonylo xinésni
Órni toib texto ni sieed ló la Biblia raiby lóono xipa gonyno diti sasac naganno gonyno xinésni. Né ¿pal diti noʼ ni toib gaʼ? Colguibiʼ VIDEO reʼ né colgooy xtiitzni:
-
Mod bibiʼno ló video, ¿xí láani buny hermana reʼ par bisuidybu xcalrriembu né par labúu bunybu xinésni mod rioladx Jehová?
¿Xigony diti láani ngú guinabno stoib buñ guiniʼ xí gonyno? Colgoʼol Hebreos 5:14 né colgooy xtiitzni:
-
Ná más naguel ñaibyno toib buñ naniʼ por lóono, ¿xigony lóono non ganno xí láani ngú cós tzaay né xí láani ngú cós mal?
-
¿Xí herramientas labúu gacné lóono par guisuidyno xcalrrienno, né par gonyno xinésni?
Xcalrrienno nacni xomod toib mapa, portín ragonésni lóono.
5. Gop respet xcalrrien stipnés
Guiráno diti toibsi mod nacno por ngú diti toibsi mod ragoʼno guicno gonyno toib cós. ¿Ximod labúu guislooyno que napno respet xcalrrien stipnés? Guisuidyno chop ejemplos.
Ejemplo 1: Toib hermana ni rioladx guitié lóo, rieebu stoib congregación ro xidal hermanas diti rioladx guitié buñ lóo.
Colgoʼol Romanos 15:1 né 1 Corintios 10:23, 24, né colgooy xtiitzni:
-
Mod ná versículos reʼ, ¿xí labúu ñony hermana reʼ? Né looyga, ¿xí ñonylo pal xcalrrien toib buñ diti radudyni lagary láabu gonybu toib cós per xcalrrienlo radudyni lagary looy gonylo láani?
Ejemplo 2: Toib hermano nanbu que la Biblia ná que labúu gueeno alcohol né midid; per diti rasaguelbu gueʼbu alcohol. Toibtica dzú rieebu ro cayac toib galnakitien né rabiʼbu xidal herman cayeʼ alcohol.
Colgoʼol Eclesiastés 7:16 né Romanos 14:1, 10, né colgooy xtiitzni:
-
Mod ná versículos reʼ, ¿xí labúu ñony hermano reʼ? Né looyga, ¿xí láani ñonylo pal rabiʼlo toib herman cayony toib cós ni diti radudy xcalrrienlo lagary gonylo?
¿Xí raquiin gonylo par gonylo xinésni?
1. Gonab lóo Jehová gacné looy par ganlo xi gonylo (Santiago 1:5).
2. Biyopy información ló la Biblia né ló stipnés publicaciones, par labúu guidzelo tipnés principios ni labúu gacné looy, láaca labúu guinablo xcalrracné stipnés herman ni nadip xfe.
3. Buny pensary ximod saguiñani xcalrrienlo né ximod saguiñani xcalrrien stipnés.
TIPNÉS BUÑ NÁ: «Looy guiniʼlo xi láani gonylo. ¡Diti coʼlo cuent ni rony pensary stipnés!».
-
¿Xigony non coʼno cuent mod rasac Dios né mod rasac stipnés?
¿XÍ BISUIDYLO?
Ronyno xinésni órni nanno ximod rony pensary Jehová de toib cós, né ronyno pensary pal ni ronyno racnéni o ronyni mal stipnés.
Repas
-
¿Ximod labúu gonylo cós ni rioladx Jehová?
-
¿Xí labúu gonylo par guisuidylo xcalrrienlo?
-
¿Ximod labúu guislooylo que naplo respet xcalrrien stipnés?
PAR GANLO MÁS
¿Xí láani labúu gonylo par guidzaklo Jehová más?
«Coʼno guicno gonyno cós ni gonyxiroʼ a Dios» (Guiich ni caniʼ, 15 de abril íz 2011)
Bientzaay ximod radudy Jehová consej lóono.
Bibiʼ xi láani gocné a toib buñguieeu par labúu bunybu xinésni.
Bisuidytzay ximod labúu coʼ nakitlo xcalnabany Jehová.
«¿Guirá ór raquiin guisobno ni rony mandary la Biblia la?» (Guiich ni caniʼ, 1 de diciembre íz 2003)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
