SHIRONGWA 36
Kara wakuhungika mwanavintje
Kehe ghuno kwa shana vaholi va kuhungika. Jehova naye kwa shana vaholi va kuhungika. Ngoli muudjuni uno kapishi ureru kuvirughana mbyovyoshi shingi shavantu kapi va shana kuhungika. Mauwa munke tu wana pakuhungika mwanavintje?
1. Konda munke yamulyo ovyo tu hungikira
Apa twa hungikanga kuvaunyetu, atwe kunegheda Jehova ashi twa mu hora ntani twa mu fumadeka. Mbyovyoshi Jehova, kumona navintje ovyo twa rughananga nakughayara. (Heberi 4:13) Ghuye kunongonona ntjeneshi atwe kuna kuhungika makura vyavyo kumuhafita. Nkango dendi kwa ghamba ashi: “Jehova kwa nyenga muntu wamampempa, ngoli kukukwata uholi waunene namuntu wamuhungami.”—Vishegho 3:32.
2. Munkedi munke dimwe tu hungika mumparukito yetu?
Jehova ana shana tu ‘ghambe ushiri navaunyetu.’ (Sagaria 8:16, 17) Nke vina kutanta vino? Ntjene kuna kughamba navakaliro, varughani vaunyetu, vanavanyokwetu ndi navarughani vamulipangero, kapishi tu ghambe vimpempa ndi tu tape maukenu ghavimpempa. Vantu vakuhungika kapi va vakanga ndi va fukire vaunyavo. (Varura Vishegho 24:28 ntani Efesi 4:28.) Ntani vavo kufuta mutero. (Roma 13:5-7) Munkedi dino ntani dapeke atwe “kuhungika muvinke navintje.”—Heberi 13:18.
3. Mauwa munke tu wana pakuhungika?
Ntjene kwa tu yiva ashi atwe kuhungika, vantu ngava tu huguvara. Nkalito yetu ya kuhungika nga yi renkita vamumbungakriste vakuyuvhe lipopero yira mulipata. Nga tu kara nka naliywi lyaliwa lyakumushima. Ntani ntjene atu hungike nga tu ‘wapeka lishongo lyaKarunga, Muyovoli wetu,’ ntani kukoka vantu va ye kuukareli waushiri.—Titus 2:10.
TEDA KO
Kona-kona u yive omo nkalito ya kuhungika ya kundamanga Jehova ntani nanaumoye ntani kushonge u yive omo u vhura kuhungika mumaukaro ghakukushuva-shuva muliparu.
4. Kuhungika kuhafita Jehova
Varura Pisalme 44:21 ntani Malakia 3:16, makura timwitirenu mapuro ghano:
-
Nke vya karera lipuko kughayara ashi kuvhura tu horeke ushiri?
-
Weni una kughayara a kuyuvhanga Jehova opo twa tantanga ushiri mpiri vi kare udito kuvirughana?
Apa va ghambanga vanuke ushiri vyavyo kuhafita vakurona vavo. Apa twa ghambanga ushiri vyayvo kuhafita Jehova
5. Hungika kehe pano
Shingi shavantu kughayara ashi kapi tu vhura kuhungika kehe pano. Ngoli kenga ovyo tu hungikira kehe pano. Kengera VIDIYO.
Varura Heberi 13:18, makura timwitirenu omo tu vhura kuhungika . . .
-
mulipata.
-
kuvirughana ndi kushure.
-
mumaukaro ghapeke.
6. Kuhungika kutuyitira uwa
Kuhungika pamwe kuvhura kutuyitira maudito. Ngoli mwayendo ruvede, kuhungika mbyo vyaviwa kurughana. Varura Pisalme 34:12-16, makura timwitirenu lipuro lino:
-
Weni u wanena mo uwa pakuhungika?
-
Vakukwali vakuhungika kupameka nkwara davo
-
Varughani vakuhungika kuvahuguvara vahona vavo
-
Vantu vakuhungika kuvahuguvara varughani vamulipangero
VAMWE KUGHAMBA ASHI: “Vimpempa vya vididi viwawa tupu.”
-
Morwanke wa vi pulira ashi Jehova a nyenga vimpempa navintje?
LIKAMO
Jehova ana shana vaholi vendi va hungike mwanavintje va ghambanga ntani va rughananga.
Livyukuruko
-
Munkedi munke dimwe tu hungika?
-
Nke vya karera lipuko kughayara ashi kuvhure tu horeke ushiri?
-
Morwanke una shanene kuhungika kehe pano?
YIVAKO VYAVINGI
Weni vakurona va shonga vana vavo va hungike?
Mauwa munke tu wana pakutikita mo matwenyidiro ghetu?
Kona-kona ovyo tu futira mutero mpiri va ghurughanite mulipuko.
Nke vya renkitiro murume wakukonga ntani widi a rundurure liparu lyendi?
“Jehova munankenda ntani kutugusira po” (Ruhungu, 1 Pembankuru 2015)
