AYEGHLE 36
Boghane sôsôe éyong ésese
Môt asese a kômô bo mvuiñ ya é môt a ne sôsôe. Jehôva ña fe a kômô naa mengom mèñ me bo sôsôe. Ve déé se ki ébubu émo di amu naa abuiñ bôt béé se ki sôsôe. Za abuane bia ñong éyong bi ne sôsôe ébe mam mese ?
1. Za dzam da dang ve naa bi bo sôsôe ?
Éyong bi ne sôsôe asu é bôt bevoo, bia lere Jehôva naa bia dzing ñe ye kang ñe. Baghle naa : Jehôva a yem é mam mese bia tem ye bo. (Behébreu 4:13) A yen éyong bia top naa bia bo sôsôe, ye fe naa da ve ñe n’nem mbeng. Bible adzô naa : « Jehôva a vini é môt a ne medukh, ve a ne angom ya é bôt be ne sôsôe. »—Minkana 3:32.
2. Meval mevé bi ne lere éning dèè naa bi ne sôsôe ?
Jehova a kômô naa « bi kobe bebela bevoo ye éba bevoo. » (Zacharie 8:16, 17) Dzam té da yili ya ? Da yili naa éyong ésese bia kobe ya bôt be ye é nda-bôt dzèè, bôt be ye é vôm bia sèñ, ya bobedzang ya bekal baa be ye ékôan, nge ki ya bidjié be ye é si bi too, biaa yiène ki be kobe minal nge ki a sole be mam m’ézing. É môt a ne sôsôe aa wup ki é bôt bevoo, nge ki a lèè minal. (A lang Minkana 24:28 ye Beéphésien 4:28.) Ya fe naa, a yaane minfong-misi misese bidjié ba sili. (Beromain 13:5-7) Ébe mam meté ya é mam mese mevoo me ye éning, « bia kômô wulu sôsôe éyong ése. »—Behébreu 13:18.
3. Za abuan bia ñong éyong bia wulu sôsôe ?
Éyong bôt ba yem bia ane é bôt be ne sôsôe, é bôt bevoo ba tobe bia mebun. Aval ane a nda-bôt été, dzam té da ve naa élat é bo ékôan été. Da ye fe ve naa bi bele é dzidzi ane nfuban. Éyong bi ne sôsôe, dzam té é ne ve naa « ayeghle Nzame Nkôre wèè é yene mbeng, » ya ve naa é bôt béé se ki be-bo bisèñ bèñ, be kômô sèhane Jehôva.—Tite 2:10.
A TUGHA FAS
N’yeneghan aval a bo sôsôe é ne name élat dèè ya Jehôva, ya yeghe aval bi ne bo sôsôe ébe mam mese me ye éning dèè.
4. Jehôva a dzing é bôt be ne sôsôe
A lang Bya 44:21 ya Malachie 3:16, éyong té mia lèè minlang mia daghe minsili mia zu mi :
-
Nfa wiè, amu dzé a tem naa, bi ne sole bebela daa yiène ki ?
-
Za dzam wa tem naa Jehôva a wôran éyong bia top naa bia kobe bebela, amben éyong é ne bia nzukh ?
WÉyong boan ba kobe bebela, ba ve bebyèñ beba n’nem mbeng. Éyong bia kobe bebela, bia ve Jehôva n’nem mbeng
5. Boghane sôsôe éyong ésese
Abuiñ bôt ba tem naa a bo sôsôe éé se ki éban éyong ésese. Ve yeneghe amu dzé bia yiène tobe sôsôe éyong ésese. Daghane ÉNGENGENG.
A lang Behébreu 13:18, éyong té mia lèè minlang naa mi yem aval mi ne tobe sôsôe . . .
-
é nda bôt denan été.
-
ésèñ nge ki a sikôlô.
-
nge ki bitéñ bife.
6. A tobe sôsôe da soo bia biboran
A bo sôsôe é ne ve naa môt a tôbane minzukh biyong bizing. Ve éyong tam da lôt, wa ye yen naa é dzam ô va bo éde da dang mbeng. A lang Bya 34:12-16, éyong té mia lèè minlang mia daghe nsili wa zu wi :
-
Aval avé a tobe sôsôe é ne ve naa éning duè é tobe édedèè mbeng ?
-
Éyong n’nom ya ngal be ne sôsôe da wônô alukh deba
-
Éyong be-bo bisèñ be ne sôsôe da ve naa be masa beba de tobe mebun ya be
-
Éyong bi ne sôsôe ya bidjié da likh naa bi bele mbemba éyôla asu deba
NGE MÔR ÉZING A DZÔ WÔ NAA : « A bo boan minèè déé se ki môra dzam. »
-
Ébe wa, amu dzé wa bunu naa Jehôva a vini minèè meval mese ?
AKIGHE BES
Jehôva a kômô naa be-bo bisèñ bèñ be bo sôsôe ébe é mam mese ba bo ya dzô.
Ôbaghle
-
Meval mevé bi ne tobe sôsôe ?
-
Amu dzé a tem naa bi chale bebela daa yiène ki ?
-
Amu dzé wa kômô tobe sôsôe éyong ése ?
Ô NE FE KE DAGHE
Aval avé bebyèñ be ne yeghe é boan beba naa be bo sôsôe ?
Za abuan bia ñong éyong bia dzale é mam bi va kiagh ?
Tenir ses promesses procure des bienfaits nge ki Cumpla sus promesas y reciba bendiciones (9:09)
Yeneghe amu dzé bia yiène yaane minfong-misi amben ba dzime belane moan té.
« Faut- il payer ses impôts ? » nge ki « ¿Debe usted pagar impuestos? » (La Tour de Garde, 1er septembre 2011 ; La Atalaya, 1 de septiembre de 2011)
Dzé é nga tsini môt ézing éé mbe ki sôsôe naa a tsen éning dèñ ya sughlan a bo é môt a ne sôsôe ?
« J’ai découvert la miséricorde et le pardon de Jéhovah » nge ki « Aprendí que Jehová es bueno y nos perdona » (La Tour de Garde, 1er mai 2015 ; La Atalaya, 1 de mayo de 2015)
