SOMO LYA 36
Obe Munihirwa omu Bintu Byoshi
Buli muntu yeshi anasima bera-bage babe banihirwa. Yehova naye asimire bera-bage nabo babe banihirwa. Aliko, birhayorohere mw’elila gulu lili mw’abantu banene barhali banihirwa. Nyungu zichi okuba munihirwa omu bintu byoshi kunalerha?
1. Mpanvu ehe enkulu erhumire rhukwanene kuba banihirwa?
Amango rhuli banihirwa oku bandi, eyi rhwamayereka Yehova oku rhumuzigiire rhunamukengere. Ba nka wawaza: Yehova ayinji buli choshi rhunawaza n’echirhunajira. (Waebrania 4:13) Anabona amango rhwamachishoga kuba banihirwa, n’okuyunva asimire. Echinwa chage chiderhere: “Yehova ashomba omuntu w’endyalya, s’anajira obwira bwa hofi-hofi n’omunihirwa.”—Mezali 3:32.
2. Bichi byakarhurhabala rhube banihirwa omu kalamo?
Yehova alonzeze ‘rhubwirane obukweri buli muguma n’owindi.’ (Zekaria 8:16, 17) K’okuderha gurhe? Chiro rhwakaba rhuli rhwaganira n’abantu b’omulala gwerhu, abarhunakola nabo, bene-berhu na bali-berhu b’Abakristu, abakozi b’eleta, rhurhabesha changwa mpu rhuhaane emyazi y’okurhebekana. Omuntu munihirwa arhayiba arhanalyongofa abandi. (Osome Mezali 24:28 na Waefeso 4:28.) Analipa ebitansi byoshi akwanene kulipa. (Waroma 13:5-7) Mw’ezola njira n’ezindi, “rhunachiheka omu bunihirwa omu bintu byoshi.”—Waebrania 13:18.
3. Okuba banihirwa kunarhulerhera nyungu zichi?
Amango rhuli banihirwa, abandi banarhulangalira. Rhwanarhabala buli muguma achiyunve aherhe obulanzi omu chibaga nka mulala guli mw’obuzigire. Rhunagwarha ezamiri echere. Kandi obunihirwa bwerhu ‘bunapamba enyigirizo z’Omuchunguzi werhu, Mungu,’ n’okukulula abandi bayinje omu buharamye b’okuli.—Tito 2:10.
HUMBA BWENENE
Lola gurhe okuba munihirwa kunasimisa Yehova, kwakakulerhera enyungu, oyige na gurhe wakaba munihirwa omu hali zinene z’akalamo.
4. Obunihirwa bunasimisa Yehova
Osome Zaburi 44:21 na Malaki 3:16, muje mwaganira kw’ebila bibazo:
-
Bulagurhe nawe obwene ku burhali bwengehe okuwaza mpu byakashobokana rhubishe obukweri?
-
Gurhe owazize Yehova anachiyunva amango rhwamaderha obukweri na chiro byaba birhayorohere?
Ey’abana baderha obukweri, banasimisa abazere babo. Eyi nerhu rhwaderha obukweri, rhunasimisa Yehova
5. Okole byoshi omu bunihirwa
Bantu banene banawaza oku birhahemere okuba munihirwa amango moshi. Aliko leka rhulole bulagurhe bihemere okuba munihirwa amango moshi. Ziha EVIDEO.
Osome Waebrania 13:18, muje mwaganira gurhe rhwakaba banihirwa . . .
-
haguma n’abantu b’omulala gwerhu.
-
oku kasi awo oku masomo.
-
omu yindi hali.
6. Okuba banihirwa kunarhulerhera enyungu
Hali ok’obunihirwa bwakabonekana nka lero bwarhulerhera ebibazo. Aliko buzinda na buzinda, amango moshi, binabonekana oku che chintu chinja omuntu akajira. Osome Zaburi 34:12-16, muje mwaganira kw’echila chibazo:
-
Gurhe obunihirwa bwakwizize akalamo kawe?
-
Omulume n’omukazi bali banihirwa banakomeza obunyumpa bwabo.
-
Amango omukozi ali munihirwa, patro wage anachizeraye
-
Abantu banihirwa banagwarha erenge linja oku bakulu b’eleta
HALI ABANTU BANADERHA: “Okubesha katyu chirhali chibazo.”
-
Bulagurhe ochizerere oku Yehova ashomba obubeshi boshi-boshi?
OKU BUGEKE
Yehova alonzeze bera-bage babe banihirwa mu byoshi banaderha n’ebi banakola.
Rhuchiyibusye
-
Rhwakaba banihirwa mu bintu bihe?
-
Bulagurhe burhali bwengehe okuwaza mpu rhwakabisha obukweri?
-
Bulagurhe olonzeze obe munihirwa amango moshi?
EYINDI MYAZI
Gurhe abazere bakayigiriza abana babo kuba banihirwa?
Okuyeneza ebi rhwalaganyaga kunarhulerhera nyungu zichi?
Lola akaba bihemere okulipa ebitansi byoshi chiro byaba yibyakoleswa kubi.
“Ebitansi—Okwanene Obilipe Si?” (Omunara g’Omulanzi, Lusiku 1, Mwezi gwa 9, 2011)
Bichi byashunikaga omulume orhaliri munihirwa ahindamule akalamo kage n’okuhwanza kuba munihirwa?
“Naliyigire oku Yehova Ajira Olukogo Anababalira” (Omunara g’Omulanzi, Lusiku 1, Mwezi gwa 5, 2015)
