MURU 36
Muirenga Vyongo Vyetene Moona Murima
Uliwetene unofuna kaana afwae anayo kanaira vyongo moona murima. Naliyene Yehova unafuna ira afwae kairenga vyongo moona murima. Koma ira vyevi kai okweya, chifukwa nili muilambo yoi athu anjinji katinaira vyongo moona murima. Kodi ninapindula avi chifukwa yoira vyongo vyetene moona murima?
1. Chifukwa n’ni ira vyongo vyetene moona murima kofuneya vinjinji?
Nairanga vyongo moona murima, ninotonyi-eda ira ninoomeliwana koma teto lemekeza Yehova. Kaganizelani vi: Yehova unoiziwa iliyetene ineyo ninaganiza iyo koma teto ninaira iyo. (Aheberi 4:13) Liye unoona nairanga vyongo moona murima moi unoyamikela vinjinji. Mawae kanaonga ira: “Muthu woira vyongo mobisa Yehova unotakaleliwana, koma unoomeliwa na athu oongowa murima.” — Miyambo 3:32.
2. Kodi ninatonyi-ede avi ira ninoira vyongo moona murima?
Yehova unafuna ira ‘niwongenga vyoona.’ (Zakariya 8:16, 17) Kodi vyevi vinatapulela n’ni? Ninoesaesa pewa wonga vyonama nawonganga na athu a m’banja li-u, athu anayo nina-indana iyo chito limo-i, abali na arongoli-u mupingo koma teto andimuwa aboma. Athu oona murima katinabela athu amo-iwa kapena apusi-a. (Welengani Miyambo 24:28 na Aifeso 4:28.) Koma teto athu oona murima katinazemba misoko. (Aroma 13:5-7) Eeno ninafuneela esaesa ira “vyongo vyetene moona murima.” — Aheberi 13:18.
3. Kodi ninapindula avi nairanga vyongo moona murima?
Nairanga vyongo moona murima thawi detene, athu kanowambeela niroromela. Vyevi vinokami-a teto ira athu etene kasangalalenga mupingo, monga mwemo vinakalelaathu m’banja. Koma teto ninokaana iguguda murima yowela. Nairanga vyongo moona murima ‘ninoomi-eda yofunji-a ya malimba nivulumucha, Mulungu.’ Athu anayo ka-anatumikela Mulungu kanionanga niiranga vyongo moona murima kanokopeya nowambeela funjeda vyokuza Yehova. — Tito 2:10.
FUNJEDANI VYOWENJEDELEYA
Onani mwemo ira vyongo moona murima munaomeli-elaathu Yehova koma teto mwemo vinakami-eleathu ira vyongo viuwendelengani pama. Teto onani vyevyo munaire nyo ira muirenga vyongo moona murima thawi detene.
4. Ninoomeli-a Yehova nairanga vyongo moona murima
Welengani Salimo 44:21 na Malaki 3:16, era eeno tapanyani vyofuka vyo-arelavi:
-
Chifukwa n’ni munaganiza ira kai zelu roromela ira iyo ninokoza mubisela Yehova vyongo vimo-i?
-
Kodi munaganiza ira Yehova unavwa avi nasakula wonga vyoona, ngakale vathawi yoi wonga vyoonawo korucha?
A-ima kawonganga vyoona kanoomeli-a makolwiwa. Na-iyene nawonganga vyoona Yehova unosangalala
5. Muirenga vyongo moona murima thawi detene
Athu anjinji kanaganiza ira kai vyowandeya ira vyongo moona murima thawi detene. Koma onani chifukwa iwa ninafuneela ira vyongo moona murima thawi detene. Onelani VIDIYO.
Welengani Aheberi 13:18, era eeno tapanyani mwemo ninairele iyo vyongo moona murima . . .
-
na athu a m’banja li-u.
-
uchito kapena usukulu.
-
vavyoireya vimo-i.
6. Vyongo vinoniendela pama nairanga vyongo moona murima
Thawi dimo-i nairanga vyongo moona murima ninokoza gumana na mavuto. Komave vogomi-eda viwa ninofwanya madaliso. Welengani Salimo 34:12-16, era eeno tapanyani yofuka yo-arelela:
-
Kodi ira vyongo moona murima unaukami-eni avi?
-
Alombwana na a-iyana otelana kairanga vyongo moona murima kanokaana banja losangalala
-
Mabwana kanororomela vinjinji achito anayo kanaira vyongo moona murima
-
Zika dedo dinaira vyongo moona murima dinokaana limbili lapama wa andimuwa a boma
ATHU AMO-IWA KANAONGA IRA: “Vyonama vimo-i piving’onong’ono, eeno kavinasimbwa kala vyokumbanyi-a.”
-
Chifukwa n’ni munaroromela ira Yehova unoidanana vyonama vyetene?
VYEVYO NIFUNJEDILE IYO
Yehova unafuna ira afwae kairenga vyongo vyetene moona murima.
Vyofuka Vyoweli-eda
-
Kodi ninatonyi-ede avi ira nili oona murima?
-
Chifukwa n’ni munaganiza ira kai zelu roromela ira iyo ninokoza mubisela Yehova vyongo vimo-i?
-
Chifukwa n’ni munafuna ira vyongo moona murima thawi detene?
ONANI VIMO-I
Kodi makolo kanafunji-e avi a-imiwa ira kairenga vyongo moona murima?
Kodi panga vyevyo nilonjezile iyo kwapama moi avi?
Onani akala uli ofuneya pelekangave misoko ngakale kadi-indi-edanga chito molakweya.
“Kodi Muyenera Kukhoma Misonkho?” (Nsanja ya Olonda, September 1, 2011)
Chin’ni yakami-ile muthu unoyo aira vyongo mwachinyengo ira aambeele ira vyongo moona murima?
“Ndinaphunzira Kuti Yehova Ndi Wachifundo Komanso Amakhululuka” (Nsanja ya Olonda, May 1, 2015)
