ISAMBILILO 36
Uwawa ni Cisinka mwe Vyonsinye
Uwili wensinye akalonda waciwuza wano wawa ni cisinka. Ne Yehova nye akalonda iviwuza vyakwe vyawa ni cisinka. Lelo ukuwa ni cisinka kutapepuka, amuno tukakwikala mu nsi muno awavule watawa ni cisinka. Nomba avizima ci vino vikafuma mukuwa ni cisinka mwe vyonsinye?
1. Amulandu ci wuno ukuwa ni cisinka kwacindamila?
Nga tuli ni cisinka kwe wanji, tukalanjizya ukuti twakunda Yehova swinya twamucindika. Te yelenganya pe co-o: E Yehova wamanya vyonsinye vino tukakwelenganya nu kucita. (Waheberi 4:13) Akalola nga twasolapo ukuwa ni cisinka swinya akasecelela. Izwi lyakwe likati: “Amuno imfumu e Leza wapata wakachita waluwembu, ukuwa akakukutizya awalungamane.”—Imilumbe 3:32 .
2. Amuvyani muno tungalanjizizyamo ukuti swe wacisinka?
E Yehova akatunena ukuti “Muwavwanjilana ukusimicila.” (Waefeso 4:25) Uzye co-o cikusula mwinye? Cikusula mukuti pano tukulanda na walupwa, awa mu wuteko, awanawitu na wankazi nanti wano tukawomba nawo tuzipizile twalanda icisinka, asa kuwawipa uwufi. Awantu wacisinka wasikwiwila awawuye nanti ukuwacenjezya. (Wazya Levitikasi 19:11 na Waefeso 4:28.) Swinya wakalipila ni misonko yonsinye yino wazipizile ukulipila. (Waroma 13:5-7) Mwe zyo-o inzila ni nzila zinji tukalanjizya ukuti ‘swe wasuwilwa.’—Taitasi 2:10.
3. Avizima ci vino vikafumamo mukuwa ni cisinka?
Nga twamanyikwa ukuti swe wa cisinka, awantu wakatusuwila. Tukalenga wonsinye mwi wungwe wayivwa awacinjililwe wulyanye vino cikawa mu lupwa lwa lukundo. Tukawa ne kampingu umusanguluke. Cinji aca kuti awantu “wangacindika isambilizyo lya kwe Leza e katula witu,” nu kusolapo ukutalika ukumuwombela.—Taitasi 2:10.
SAMBILILA IVICILE PA-A
Lola vino ukuwa ni cisinka kungakukuma nukukuma wuciwuza wako ne Yehova. Sambilila na vino ungawa ni cisinka mu vintu ivilekane lekane.
4. Ukuwa ni cisinka kukasecelesya Yehova
Wazyani Amalumbo 44:21 ne Malakayi 3:16, nu kulanzyanya ya-a amawuzyo:
-
Ukulola ukuti amulandu ci wuno mutawela amano mukwelenganya ukuti tungafisa icisinka?
-
Ukwelenganya ukuti Yehova akayivwa wuli nga twalanda icisinka na pano citazilenye?
Wulyanye vino awakwasi wakatemwa nga umwana wawo walanda icisinka. Avyo ne Yehova nye akatemwa nga twalanda icisinka
5. Uwawa ni cisinka lyonsinye
Awavule wakalola ukuti ase lyonsi pano uzipizile ukuwa ni cisinka. Nomba lola umulandu wuno tuzipizile ukuwa ni cisinka impindi yonsinye. Tambani e VIDYO.
Wazyani Taitasi 2:10, nu kulanzyanya vino tungawa ni cisinka . . .
-
kwa lupwa.
-
pa ncito nanti ku sukulu.
-
mwe vinji.
6. Ivintu vikatuzipila
Pa kutalika tungalola ngati mukuwa ni cisinka mukafuma vye intazi zitupunye. Lelo mukupita kwa mpindi tukazana ukuti acili icintu icicindame cino wumwi azipizile ukucita. Wazyani Amalumbo 34:12-16, nu kulanzyanya lyo-o iwuzyo:
-
Uzye ukuwa ni cisinka kukalenga wuli uwumi wako ukuzipizilako?
-
Umulume nu muci nga wali ni cisinka, itwala lyawo likazipilako
-
Awawomvi wano wawa ni cisinka, wakawasuwila kwe wano wawinjizya incito
-
Awikala nsi wano wawa ni cisinka, wakamanyikwa icete ku wa mu wuteko
WAMWI WAKATI: “Ukuwipa uwufi uwutici kutawipa”
-
Cani calenga umanye ukuti e Yehova wapata uwufi wonsinye?
IVISINKA VIKULU
E Yehova akalonda waciwuza wakwe wawa ni cisinka mwe vino wakalanda nu kucita.
Avyani Vino Wasambilila?
-
Anzila ci zimwi zino tungalanjizizyamo ukuti swe wacisinka?
-
Amulandu ci wuno mutawela amano mukwelenganya ukuti tungafisa icisinka?
-
Amulandu ci wuno ukulondela uwawa ni cisinka lyonsinye?
MANYILAPO NA VINJI
Uzye awakwasi wangasambilizya wuli awana wawo ukuwa ni cisinka?
Amulandu ci wuno cazipila ukuficilisya vino twalaya?
Muwaficilisya Vino Mwalaya pa Kuti Mupocelele Amapaalo (9:09)
Lola nga cakuti tuzipizile ukusoncela imisonko nanti aca kuti wasakuyiwomvya icete.
“Uzye Muzipizile Ukusoncela Imisonko?” (Ulupungu lwa kwa Kalinda, September 1, 2011)
Acani cino calenzile umonsi wino atalinji ni cisinka ukuleka vino wacitanga nu kuwa ni cisinka?
“Nasambilizile Ukuti e Yehova awa Luse Swinya Akatetela” (Ulupungu lwa kwa Kalinda, May 1, 2015)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
