ROSO 36
Woꞌmunku Coyira Ammanamoottoha Ikki
Baalunku manni ammanamino manna jaala assiꞌra hasiꞌranno. Yihowano jaallasi ammanantinore ikkitara hasiꞌranno. Ikkollana heeꞌnoommo alame ammanaminokki manni batiꞌrinote; hakko daafira ammanammoommore ikka shota diꞌꞌikkitino. Woꞌmunku coyira ammanammoommore ikka kaaꞌlitannonkehu hiittoonniiti?
1. Ammanammeemmo gede assannonkehu qaru coyi maati?
Ammanammoommore ikkanke, Yihowa banxeemmotanna ayirrinseemmota leellishshanno. Yihowa hendeemmorenna assineemmore baala afanno. (Ibiraawoota 4:13) Isi ammanama doodhineemmo woyite laꞌꞌanno; qoleno ammanamanke hagiirsiissannosi. Qaalisi kulanno garinni, “Kaaliiqi busha assitannore giwanno. Suwashshu wodanirira kayinni wodanisire kulanno.”—Lawishsha 3:32.
2. Heeshshonke giddo ammanammoommore ikka dandiineemmoti mite doogga hiikkuriiti?
Yihowa “Mimmitiꞌnera halaale coyidhe” yiinonke. (Zakkaariyaasi 8:16, 17) Hatto yaa mayyaate? Mininke manni ledo, ledonke loossannori ledo, ammanate roduuwinke ledo, woy gashshaanote ledo hasaambeemmo woyite dikaphineemmo woy soꞌrisiisannore dicoyiꞌneemmo. Ammanamino manchi dimooranno; qoleno dihanaaqanno. (Lawishsha 24:28 nna Efesooni Sokka 4:28 nabbawi.) Qoleno giwire baalanka baatanno. (Roomu Sokka 13:5-7) Tennenna wole doogganni, ‘woꞌmanka woyite ammanammoommore’ ikkinoommota leellinsheemmo.—Tiito 2:10.
3. Ammanama kaaꞌlitannonkehu hiittoonniiti?
Ammanaminoho yinanni suꞌmi heeꞌrinkero, mannu addaxxannonke. Qoleno songo baxillu woꞌmino maate gede teense heeꞌnanni bayicho ikkitanno gede assineemmo. Danchu tiiꞌꞌi heeꞌrannonke daafira tashshi yaannonke. Qoleno ammanamanke, “Gatisaanchinke Maganu rosi baalunku coyinni ayirranno gede” assitanno; hattono mannu halaalu minira daanno gede assitanno.—Tiito 2:10.
LEDDE XIINXALLI
Ammanammeemmo woyite Yihowara mayi macciishshamannosiro, ammanamanke kaaꞌlitannonkehu hiittoonniitironna ammanamoottoha ikkoottota leellisha dandaatto gara rosi.
4. Ammanamanke Yihowa hagiirsiissanno
Faarso 44:21 nna Milkiyaasi 3:16 nabbabbe; hakkiinni aante noo xaꞌmuwa hasaabbe:
-
Assinoommore maaxa dandiineemmo yine heda soꞌro ikkitinohu mayiraati?
-
Shota ikka hoogiro nafa, noore coyiꞌneemmo woyite Yihowara mayi macciishshamannosiha lawannohe?
Ooso noore coyidhanno woyite, anninsanna amansa hagiidhanno. Ninkeno noore coyiꞌneemmo woyite, Yihowa hagiidhanno
5. Baalunku coyira ammanamoottoha ikki
Batinyu manni, woꞌmanka woyite ammanama dandiinannire diꞌꞌikkitino yaanno. Ikkirono, hanni woꞌmanka woyite ammanama hasiissannonkehu mayiraatiro laꞌno. VIIDIYO laꞌe.
Tiito 2:10 nabbabbe; hakkiinni ammanammoommore ikka dandiineemmohu hiittoonniitiro hasaabbe:
-
maatenkera
-
loosu bayicho woy rosu mine
-
wole yannara
6. Ammanama kaaꞌlitannonke
Umi qara, ammanama qarra abbitannoha lawankera dandaanno. Galte hosse kaaꞌlitanno gara hendiro kayinni, ayewoteno ammanamate geeshsha ikkannori dino. Faarso 34:12-16 nabbabbe; hakkiinni aante noo xaꞌmo hasaabbe:
-
Ammanama heeshshokki seekkitannohu hiittoonniiti?
-
Ammanama minaanninna minaama mereero noo jaalooma kaajjishshanno
-
Ammanamino loosaasincho loosiisaanchisi addaxxannosi
-
Ammanantino qansootira gashshaasinete albaanni danchu suꞌmi heeꞌrannonsa
MITU MANNI TOGO YAANNO: “Manna gawajjannore ikka hoogi geeshsha saꞌne saꞌne kapha hakkeya qarra diafidhino.”
-
Yihowa kapho baalanka giwannota ammanattohu mayiraati?
XAPHISHSHA
Yihowa jaallasi coyidhannonna assitanno coyi baalunkura ammanantinore ikkitara hasiꞌranno.
Kageeshsha Rosoottore
-
Ammanammoommore ikka dandiineemmoti mite doogga hiikkuriiti?
-
Assinoommore maaxa dandiineemmo yine heda soꞌro ikkitinohu mayiraati?
-
Woꞌmanka woyite ammanamoottoha ikka hasiꞌrattohu mayiraati?
EGENNO LEXXI
Annuwunna amuuwu oosonsa ammanantinore ikkitanno gede rosiisa dandiitannohu hiittoonniiti?
Coyiꞌnoommo qaale wonsha dancha ikkitinohu mayiraati?
Baanteemmo giwire doogimale horoonsiꞌnanniha ikkiro nafa baata hasiissannonke?
“Giwire Baata Hasiissannohe?” (Agarooshshu Shae, Wocawaaro 1, 2011)
Hanaaqanno manchi heeshshosi biddi assiꞌre hanaaqu nookki looso loosanno gede kakkayisinosiri maati?
“Yihowa Maarannohanna Gatona Yaannoha Ikkinota Rosoommo” (Agarooshshu Shaera fulino birxicho)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
