SAKA 37 FEDENGAN
Somowalay ko Fangcalay Cudad to Pakayniay i Tayal ato Payci Han?
Pakayni i tayal ato sakaˈorip pasangaran nanay kiso a miharateng, cato pakafilo a mitamorong han? Cowa ko nika pirenec aca ita to saali nokaˈorip, mamidimokosho to midokoay ci Yihofaan a ˈinorong, cowa ko madoloay konini. Kawra, mihadakay ko Fangcalay Cudad to ciepocay a sapaini kitanan, sanay aca nengnengen ita nohatini.
1. Pakayni to tayal, samaanay ko sowal no Fangcalay Cudad?
Manonoˈay ko Kawas kitanan rihaked a matayal. Sowal no Fangcalay Cudad, o tamdaw ano ‘mikitini i narorayan a lipahak i, tada o ngaˈayay.’ (Patnakay 2:24) O malalokay matayal ci Yihofa, ano mahaen kita Cingranan misaˈicel a matayal, o papakahemek Cingranan, ano kitato i, o mamarenec ko falocoˈ.
Mietan to payci a paririˈ to lomaˈ, o masakalimlaan, kawra hamaan milawa to pidokoan a demak. (Yohani 6:27) Ano paisalakaten ci Yihofa i nokaˈorip ita, mikiˈokay Cingra to mamirenec to saali ita i nokaˈorip.
2. Samaan matatodong ko pinengneng to payci?
Na somowalay ko Fangcalay Cudad ‘midipotay to tamdaw ko payci.’ (Patnakay 7:12) Kawra patalipaˈelalay ko Fangcalay Cudad kitaanan, ano iraho ko payci o lalipahakto, aka saan ko harateng. Mirikecay ko Fangcalay Cudad kitanan hamaan maˈanof to payci, ‘karenec to iraay no miso nohatini.’ (ˈOsien ko Hipray 13:5.) Ano marenecen ko falocoˈ ita i, caayto piharateng to adihayay a dafong, o mamalahdaw ko adihayay a cariraw. Cowa ko papatelas sa citadah kita. (Taneng 22:7) Cowa ko mamipowakiyaw kita, cowa ko mamihalaka to sapikalikiaw a mietan to payci.
3. Samaan kita misakadademak to payci?
O hinapaladaˈay a Kawas ci Yihofa, kita ano ‘hinapaladaˈ, makahi a pafeli,’ o mitodongayto Cingranan. (1 Timoti 6:18) Ngaˈayay sakadademaken ita ko payci hinapaladaˈ a midama to kasakopang, anca padama to iraay ko saali a tamdaw, mangalef ko salikaka. Ano paladaˈ kita i, cowa ko hakowaay ko kaadihay ao araaw no falocoˈ ita ko kaciharatengan ni Yihofa. Ano mikitiniay i falocoˈ ko pipaladaˈ ita to tamdaw, oha lalipahak kita, ngaˈayho pakahemek ci Yihofaan.—ˈOsien ko Dmak 20:35.
CALEPEN MIKADKAD
Dotoc mamananam iso: Matatodong ko pinengneng to tayal iraay ko maanan a epoc? Ano ira ko marenecay a falocoˈ wa samaan padama kitanan hani?
4. Songilaˈen a matayal, paˈodingar ci Yihofaan
Ano ira ko ngaˈayay a kalalaˈed ita aci Yihofa, wa matatodong ko pinengneng to tayal. Nengnengen ko IKA, ikor lengoen ko ilaenoay a salicay:
-
Itini i ika o waywayan ato capeling ni Cawan i katayalan, o manan ko kasemeran iso?
-
Samaanay mahapinang iso cowa ko tayal aca, midimokosayho cingra to roma kalimlaan a demak?
ˈOsien ko Kolosay 3:23, 24, ikor lengoen ko ilaenoay a salicay:
-
O waywayan ita a matayal hano tada masakalimlaan hani?
Mietan to payci a paririˈ to lomaˈ, o masakalimlaan, kawra hamaan milawa to pidokoan a demak
5. O marenecay a falocoˈ tada ciepocay kitaanan
O ˈalomanay tamdaw kinapatay sanay mietan to payci, adihayto ko maetanay cowaho ka renec. Kawra mirikecay ko Fangcalay Cudad kitanan. ˈOsien ko 1 Timoti 6:6-8, ikor lengoen ko ilaenoay a salicay:
-
Palimoˈotay ko Fangcalay Cudad kitanan samaan ko pidemak?
Soˈliˈlin cowa ka adihay ko nika ira ita, ngangaˈayho mahemeken. Nengnengen ko IKA, ikor lengoen ko ilaenoay a salicay:
-
Oya i ikaay a paro no lomaˈ soˈlin manikaw, kawra kamayanho a mahemek, misamaanay hani?
O tamdaw ano adihayto cowa ka renecen, o mahaenay a pinangan misamaanay hano masakatalawan? Nengnengen ko cecay sapatinako ni Yis. ˈOsien ko Luka 12:15-21, ikor lengoen ko ilaenoay a salicay:
-
O manan ko mananamay iso naitini sapatinako ni Yis hani?—Nengnengen ko 15 sinael.
ˈOsien ko Taneng 10:22 ato 1 Timoti 6:10, palalinien konini tosa sinael, ikor lengoen ko ilaenoay a salicay:
-
Pakayni tisowanan o manan ko masakalimlaan, malo widang ni Yihofa anoca adihay ko payci han? Misamaanay?
-
Samacay sa milepel to hafay pairaay to maanan a cariraw?
6. O dadimokosen ni Yihofa ko saali ita i nokaˈorip
O pasangar no tayal ato sakaˈorip alatek papalifet to pakasoˈlin no falocoˈ ita ci Yihofaan. Tahalifa to mahaenay a sapalifet i, sasamaan ko hademak ita hani? Nengnengen ko IKA, ikor lengoen ko ilaenoay a salicay:
-
Oya i ikaay a salikaka tahalifaay to manan a sapalifet?
-
Samaanay cingra pakaremo tonini a sapalifet?
ˈOsien ko Matay 6:25-34, ikor lengoen ko ilaenoay a salicay:
-
Mikiˈokay ci Yihofa, ano paisalakaten ita Cingra i nokaˈorip, wa samaan Cingra midimokos kitanan hani?
ANO IRA KO SOMOWALAY: “O mamisaˈicel kako a matayal, mipaririˈ to paro no lomaˈ, awaayto ko pakayraan micerid a mirienang to saˈopo.”
-
Icowaay a sinael ko papadama tisowanan mihapinang, paisalakaten i nokaˈorip ko pidoko ci Yihofaan, o sangaˈayay noka pipiliˈ?
KALIMLAAN
Misaaliay kita maemin to tayal ato payci, kawra aka papifiyoren konini to pidoko ita ci Yihofaan.
Lomalen
-
O maanan ko papadama tisowanan matatodong ko pinengneng to tayal?
-
O marenecay a falocoˈ iraay ko maanan sapadama tisowanan?
-
Ngaˈay kiso samaan tano waywayan a paihkal, pakasoˈlinay ko niyah ci Yihofaan to mamidimokos to finawlan Ningra?
MALALITINGAY A LALAKAW
Somowalay ko Fangcalay Cudad to o lamit no tatiihay a demak ko payci hokira.
“O Lamit no Tatiihay a Demak ko Payci Han?” (Lalakaw no wangcan)
Manonoˈay ko Kawas samaan ko tamdaw a paladaˈ.
“Pakayni i Paladaˈay, Samaanay ko Sowal no Fangcalay Cudad?” (Lalakaw no wangcan)
O cowa ko tatiihay a salama ko mipowakiyaway han?
“O Pinengneng no Fangcalay Cudad to Mipowakiyaway” (Katalipaˈelal!, Saka 3 Folad 2015)
O na miˈafasay a tohoy cingra, halipowakiyawayho. Nengnengen o manan ko padamaay cingranan masaheci a mafalic.
“Maolahay Kako Minengneng to Masasiayay to Efa a Mipowakiyaw” (Mikecolay, 2011/11/1)
