Po le fe djwing dou ne faʼ ba ne khap a ? A fing ne tuô ne ghe khap ne gre ywe ye a tcheng bi pe, neng be gamte Jéova kwaʼ paʼ é tcheng a. Bible ha mthôk mye pe fing ne ying ne, a kwite wôkpe a.

1. Bible gôm ge ke ne faʼ ?

Si tcheng ge pe koung faʼ tsôkpe. Bible gôm ge “sômywe te be si be a poung bi taʼ mo, . . . tchye ne youʼ ŋwègne ne faʼ tsye ye é tchente gre a pe.” (Ékléziaste 2:24) Jéova tchente faʼ téʼ. Tchwe ye pe foʼte é, be tchente faʼ a, é ŋwègne ne pe, pe neng djouʼ pepoung.

Faʼ be taʼ ywe m tuôdeng. Daʼge a te tcheng ge pe laʼ bing ge a ji taʼ ywe m tuôdeng te tchye yôkpe ghamte bi Jéova pe. (Yohané 6:27) Tchwe ye pe djap faʼ Jéova ne dendze tsuʼ tchum vôk tsôkpe a, é ha potse tsye a bo tcheng bi pe a.

2. Ne yô khap m ne taʼ tchi pepoung thoute ge ke ?

Ba m paʼ Bible bing ge “khap bômte wôkpe” a, a bing gre pe jye ge daʼ khap do é ka fing ne ghe pe ŋwègne. (Ékléziaste 7:12) Poʼo, a ha kaktuô bi pe ne tchyete koung khap, daʼge ne “ŋwègne ne ywe ye pe ghe a.” (Ké Ébraika 13:5.) Tchwe ye pe ŋwègne ne ywe ye pe ghe a, a kwite wôkpe ne tchyete pe tchôm pe ne ghe khap téʼ. Pe te kho ne mdék mye a te gô kwite kwaʼ nyenyô a pe. (Mghôm jyenwe 22:7) A neng bômte wôkpe ne m yoʼ ne tam khap, ba ne khu du jum potse tsye pou gôm ge a gô ghe ge pe loʼgne gre khap a.

3. Pe fing ne le khap yôkpe daʼte ma ne ha m tchi ge ke ?

Jéova be taʼ Si ye é ghe ma ne ha a, pe neng foʼte é tchwe ye pe “ha ywe te sè, be dzugne pou a pyeshe pô a.” (1 Timotio 6:18) Pe fing ne le khap yôkpe daʼte ma ne ha, tchye m ne ne pe tchu pou ne bemte, neng be kwite pyeshe pô tchwe ye a bo tcheng ywe bi pou a; kwaʼ mfe pôkpe pye pe a pou bemte gamte Jéova a. Jéova te dé téʼ, pe deng khap ye pe ha a pe, daʼge é dé pe ywe ye a tsegne wôkpe ne ha a. Tchwe ye pe ne ha, a po kwôʼ fe kwaʼ m tchum tum pe a, pe ŋwègne, neng gre ge Jéova ŋwègne.—Ké Mfaʼ 20:35.

 PING TCHENG NE GÔ DZE

4. Pe tchye m ne you tchi ne faʼ, ha mkouʼ Jéova

 5. Pe gre mtsupé tchwe ye pe ŋwègne ne ywe ye pe ghe a

Medou pô tcheng ne tchouʼte medou khap téʼ. Daʼge Bible ha kaktuô bi pe ne ghe mouʼ ywe dyèʼ. Ké 1 Timotio 6:6-8, neng gômte ne hente yenge :

• Bible ha kaktuô bi pe ne ghe la ?

6. Jéova gô ha potse tsye a bo tcheng a bi pe

 YE NE KHAMTE

A tcheng faʼ ba khap bi pe, daʼge a te tcheng ge a laʼ khô wôkpe ne faʼ bi Jéova pe.

O lagne ke ?

• Ke fing ne kwite o ne pe djap faʼ kwaʼ ne tsuʼ é ?

• Tchwe ye o ŋwègne ne ywe ye o ghe a, o fing ne tsu pé ne m tchi ge ke ?

• O fing ne laʼte ge o djap tum, ne kaʼgne Jéova ne ha ywe ye a tcheng bi temlaʼ é a m tchi ge ke ?