KALANSEN 37

Bibulu bɛ min fɔ baara ani wari ko la

A BILA A LA

Yala i delila ka jɔrɔ baara walima wari ko la wa? Ka an magoɲɛfɛnw ɲini ani Jehova ni bato min ka kan, ka o di a ma, a bɛ se ka kɛ ko o fila kɛli ɲɔgɔn fɛ, o bɛ se ka gɛlɛya. Bibulu bɛ laadilikan nafamaw di minnu bɛ se ka an dɛmɛ.

1. Bibulu bɛ mun de fɔ baara ko la?

Ala b’a fɛ an ka nisɔndiya sɔrɔ an ka baara la. Bibulu b’a fɔ ko “foyi man ɲi Hadamaden ma fɔ . . . k’a ɲɛnajɛ a bolo baara nɔw la.” (Waajulikɛla 2:24) Jehova bɛ baaraba kɛ. Ni an b’a ladege an kɛtɔ ka baara kɛ ni sɛbɛ ye, an b’a nisɔndiya wa an yɛrɛ fana bɛ nisɔndiya an yɛrɛ kɔrɔ.

Baara nafa ka bon. Nka an man kan k’a to abada a nafa ka bonya an bolo ka tɛmɛn an ka Jehova batoli kan. (Yuhana 6:27) A ye layidu ta ko ni an ye ale bila jɔyɔrɔ fɔlɔ la, a bɛna an magoɲɛfɛnw di an ma farikolo ta fan fɛ.

2. Ka wari ye cogo bɛrɛbɛnnen na, o bɛ kɛ cogo di?

Hali ni Biblulu b’a fɔ ko “nafolo bɛ mɔgɔ mara”, a fana bɛ an lasɔmi ko wari dɔrɔn tɛ se ka nisɔndiya di an ma. (Waajulikɛla 7:12) O de la, dusu donna an kɔnɔ an kana tugu wari nɔfɛ, nka ‘min bɛ an bolo, o ka an wasa,’ (Heburuw 13:5 kalan.) Min bɛ an bolo, ni o bɛ an wasa, hakilisigibaliya min bɛ mɔgɔ bila k’a ɲini ka dɔ fara a ka sɔrɔ kan tuma bɛɛ, an bɛ hɔrɔnya o ma. An bɛ an yɛrɛ tanga juru nafantanw ma. (Ntalenw 22:7) Farati minnu bɛ sobon ani fɛɛrɛ wɛrɛw la minnu fɛ mɔgɔw b’a ɲini ka kɛ nafolotigiw ye teliya la, an bɛ kisi o faratiw ma.

3. An bɛ se ka kɛ mɔgɔ bololabilalenw ye cogo di ni an ka wari ye?

Jehova ye Ala bololabilalen ye, wa an b’a ladege ni an bɛ ‘nili kɛ teliya, ka an tɛgɛw labila.’ (1 Timote 6:18) An bɛ se ka kɛ mɔgɔ bololabilalenw ye ni an ka wari ye, an kɛtɔ ka jɛkulu dɛmɛ ani ka mɔgɔ wɛrɛw fana dɛmɛ minnu mago bɛ dɛmɛ na, kɛrɛnkɛrɛnnenya la an krecɛn ɲɔgɔnw. Ni an bɛ nili kɛ, an bɛ hakɛ min di Jehova t’a sinsin o kan kosɛbɛ nka an b’a di ni ŋaniya min ye, Jehova b’a mago don o de la kosɛbɛ. Ni an bɛ nili kɛ ni an dusukun bɛɛ ye, an bɛna nisɔndiya ani an ko bɛna diya Jehova ye.—Kɛwalew 20:35 kalan.

DƆ FARA I KA DƆNNIYA KAN

Ka baara to a toyɔrɔ la ani min bɛ an bolo o ka an wasa, an k’a lajɛ nafa minnu bɛ olu la.

4. Bonya da Jehova kan i ka baara kɛcogo fɛ

An ni Jehova ka teriya ka kan ka nɔ bila an ka baara kɛcogo la. A’ye WIDEYO lajɛ, o kɔ aw ka baro kɛ nin ɲininkaliw kan:

WIDEYO: A’ye baara kɛ Jehova ye ni aw dusukunw bɛɛ ye (4:39)

Wideyo kɔnɔ, mun de ye i dabali ban Jason kɛcogo ani a jogo ko la a ka baarakɛyɔrɔ la?
A ye mun de kɛ walasa ka baara to a toyɔrɔ la?

Kolosekaw 3:23, 24 kalan, o kɔ aw ka baro kɛ nin ɲininkali kan:

An bɛ baara ye cogo min na, mun na o nafa ka bon?

Baara nafa ka bon. Nka an man kan k’a to abada a nafa ka bonya an bolo ka tɛmɛn an ka Jehova batoli kan

5. Wasali bɛ an nafa

Mɔgɔ caman b’a ɲini ka wari caman fara ɲɔgɔn kan ka kɛɲɛ ni u seko ye. Nka Bibulu bɛ laadilikan wɛrɛ di an ma. 1 Timote 6:6-8 kalan, o kɔ aw ka baro kɛ nin ɲininkali kan:

Bibulu bɛ dusu don an kɔnɔ an ka mun kɛ?

An bɛ se ka nisɔndiya hali n’a y’a sɔrɔ fɛn fitinin dɔrɔn de bɛ an bolo. A’ye WIDEYO lajɛ, o kɔ aw ka baro kɛ nin ɲininkali kan:

WIDEYO: “Min bɛ aw bolo, o ka aw wasa” (3:20)

Mun de la nin denbayaw bɛ nisɔndiya la hali k’a sɔrɔ wari fitinin dɔrɔn de bɛ u bolo?

Nka mun de bɛ kɛ n’a y’a sɔrɔ wari caman bɛ an bolo ka ban ani an b’a fɛ ka dɔ fara o kan tuguni dun? Farati min bɛ o kɛli la, Yesu ye ɲɛjirali dɔ di o kan. Luka 12:15-21 kalan, o kɔ aw ka baro kɛ nin ɲininkali kan:

I ye kalan jumɛn sɔrɔ Yesu ka nin ɲɛjirali la?—Tilayɔrɔdennin 15 lajɛ.

Ntalenw 10:22 ani 1 Timote 6:10 kalan ani ka u sanga ɲɔgɔn ma. O kɔ aw ka baro kɛ nin ɲininkaliw kan:

E hakili la, jumɛn de nafa ka bon kosɛbɛ: Ka Jehova ka teriya sɔrɔ walima ka wari caman sɔrɔ? Mun na?
Ka to k’a ɲini ka dɔ fara i ka wari kan tuma bɛɛ, o bɛ na ni gɛlɛya jumɛnw ye?

6. Jehova bɛna an magoɲɛfɛnw di an ma

Baara ani wariko gɛlɛya bɛ se ka an dɛmɛ an k’a dɔn ni an jigi dalen bɛ Jehova kan. A’ye WIDEYO lajɛ walasa k’a ye an bɛ se ka min kɛ ni o gɛlɛya suguw bɛ an kan, o kɔ aw ka baro kɛ nin ɲininkaliw kan:

WIDEYO: Jehova bɛna an magoɲɛfɛnw di an ma (6:21)

Wideyo kɔnɔ, balimakɛ ye gɛlɛya jumɛnw de sɔrɔ?
A ye mun de kɛ walasa ka se sɔrɔ o gɛlɛyaw kan?

Matiyu 6:25-34 kalan, o kɔ aw ka baro kɛ nin ɲininkali kan:

Mɔgɔ minnu bɛ Jehova bila jɔyɔrɔ fɔlɔ la, a ye layidu ta ko a bɛna mun kɛ olu ye?

MƆGƆ DƆW B’A FƆ KO: “Ne ka kan ka baara kɛ walasa ka n’ka denbaya magoɲɛfɛnw di u ma. Ne tɛ se ka taa jɛkulu ka lajɛw la dɔgɔkun o dɔgɔkun.”

Tɛmɛsira jumɛn de y’a to e dalen b’a la ko ka Jehova batoli bila jɔyɔrɔ fɔlɔ la, ko o de ye latigɛliw bɛɛ la ɲuman ye tuma bɛɛ?

BAKURUBAFƆLI

Nafa bɛ dahirimɛ ɲinini baara ani wari sɔrɔli la, nka o fɛnw man kan ka an ka Jehova batoli yoboyaba.

Seginnkanni

Mun de bɛ se ka i dɛmɛ i ka baara ye cogo bɛrɛbɛnnen na?
Wasali bɛ i nafa cogo di?
Jehova ye layidu min ta ko a bɛ a ka mɔgɔw magoɲɛfɛnw di u ma, i bɛ se k’a jira cogo di ko i dalen b’o la?

Kalansen banna don min na:

A ɲini ka nin kɛ

I ka kow sɛgɛsɛgɛ k’a lajɛ ni i ka baara ye i bila ka lajɛw jɛ siɲɛ caman nin kalo laban ninnu kɔnɔna na. Ni o don, fɛɛrɛw sigi sen kan walasa ka yɛlɛma don i ka kow la.

Fɛn wɛrɛ:

Your other goal