NLÔ AJÔ 37

Jé Kalate Zambe a ye’ele a lat a ésaé a moné?

Vô’ôlô nkobô

Ye é kuiya wo éyoñ éziñe na asu ésaé dôé nge ke mam me moné me tyelé wo nleme yôp? E ne bo ayaé na bi jalé miñyiane miangan, bi bo’o fe Yéhôva ésaé a nleme wongan ôse. Kalate Zambe a ve bia mbamba melebe me ne volô bia mfa’a ôte.

1. Jé Kalate Zambe a ye’ele a lat a ésaé?

Zambe a yi na bi bu’uban ésaé ése bia bo. Kalate Zambe a jô na: “Jam afe e nji bo môt mvaé ve na a . . . wô’ô mvaé ésaé jé.” (Ecclésiaste 2:24) Yéhôva a ne beta mbo ésaé. Bia vu nye éyoñe bia saé a nlem ôse. Nalé a ve nye nlem avak, a biabebiene fe bia bi mevak.

Ésaé é ne nya mfii. Ve bia yiane ki kañese na ésaé jangan nje é dañe mfi a lôt ékaña’a bia ve Yéhôva. (Jean 6:27) Yéhôva a ka’ale bia na, nge bi telé nye ôsu binyiñe biangan, é jalé miñyiane miangan ya minsôn.

2. Jé Kalate Zambe a jô a lat a moné?

Kalate Zambe a jô na “moné a ne jôm ja kame môt,” ve a jô fe na, moné étam a vo’o soo bia benya mevak. (Ecclésiaste 7:12) Ajô te, bia yiane ki nye’e moné, ve bia yiane yé’é na bi ‘vak a abime biôm bi bili.’ (Lañe’e Behébreu 13:5.) Éyoñe bia yeme vak a abime biôm bi bili, bia ye ke tyelé minleme yôp éyoñe bia yene na bi bili ki abime biôm ese bia yi. (Minkana 22:7) A bia sa’ale abui bikôla. Bia sa’ale fe ndoon abia, a mam mese me ne bo na môte a ji’a bi moné teke kuli éduduk.

3. Aval avé bi ne liti na bi ne akap éyoñe bia belane moné wongan?

Yéhôva a ne Zambe a ne akap, a bia vu nye éyoñe bi ne ‘nkômesane ya volô,’ a mvam. (1 Timothée 6:18) Bi ne liti na bi ne akap éyoñe bia belane moné wongan asu na bi su’u akônda a bôte ba yi mvolan, e dañedañ bobejañ a besita ya akônda. Yéhôva a dañe fombô sa ke abim mimveane bia bo, ve jame da tindi bia na bi bo mie. Éyoñe bia bo mimveane a nlem wongan ôse, bii bi mevak, a Yéhôva é wô’ô bia mvaé.—Lañe’e Mame minlôman 20:35.

TUKA’A FAK

Yene’ amu jé e ne mfi na bi bi mbamba ñyenane mam a lat a asu ésaé dangan, a na bi yeme vak a abime bi bili.

4. Va’a Yéhôva duma a zene ya ésaé ése wo bo

Élate bi bili a Yéhôva ja yiane volô bia na bi bi mbamba été nsisim a lat a ésaé. Futi’i VIDÉO, mvuse ya valé, yala’ane minsili mi:

VIDÉO: Saé a nlem ôse asu Yéhôva (4:39)

Jé wo te nye’e éyoñe wo te yen avale Jason a mbe a bo’o nda bisaé jé?
Jé a nga bo asu na asu ésaé dé é bo teke nye mane nyoñ éyoñ jé ése?

Lañe’e Becolossien 3:23, 24, mvuse ya valé, yala’ane nsili wu:

Amu jé bia yiane saé a nleme wongan ôse?

Ésaé é ne nya mfii. Ve bia yiane ki kañese na asu ésaé dangan é dañe bo mfi a lôt ékaña’a bia ve Yéhôva.

5. Bibotane bia bi éyoñe bia vak a abime bi bili

Abui bôte da jeñe na e tôkan abime moné ese be ne ngule ya tôkan. Ve Kalate Zambe a lebe bia aval afe. Lañe’e 1 Timothée 6:6-8, mvuse ya valé, yala’ane nsili wu:

Jé Kalate Zambe a lebe bia na bi bo?

Bi ne bo mevak to’o bi nji bi abui biôme bi mo. Futi’i VIDÉO, mvuse ya valé, yala’ane nsili wo tôé valé.

VIDÉO: ‘Va’ak a abime biôm ô bili’ (3:20)

Akusa bo menda me bôte mete me nji bi abui moné, jé ja bo na me tabe meva’a été?

Ve jé ja ye kui nge bi bili abui biôme bi mo ve bi beta yi na bi kô’ôlan? Yésus a nga yalane nsili ôte. Lañe’e Luc 12:15-21, mvuse ya valé, yala’ane nsili wu:

Jé éve’an Yésus a nga nyoñe ja ye’ele wo?—Fombô’ô éfus 15.

Lañe’e Minkana 10:22 a 1 Timothée 6:10, mvuse ya valé bela’ane miñye’elane mi ne été na ô yalane minsili mi:

Wo simesane na jé ja dañe mfi, ye e bi mbamba élat a Yéhôva nge ke bi abui moné? Amu jé?
Minju’u mivé môt a ne bi nge a ke ôsu a jeñ abui moné?

6. Yéhôva é jalé miñyiane miangan

Ésaé a moné bi ne soo bia minjuk a telé mbunane wongan meve’ele été. Futi’i VIDÉO asu na ô yen aval avé ô ne dañe minju’u mi ne telé mbunane wôé meve’ele été. Mvuse ya valé, yala’ane minsili mia tôé valé.

VIDÉO: Yéhôva a ye ve bia mam ma yiane bia (6:21)

Minju’u mivé mojañ a nga tôbane mie?
Jé a nga bo asu na a dañe minju’u mite?

Lañe’e Matthieu 6:25-34, mvuse ya valé, yala’ane nsili wu:

Jé Yéhôva a ka’ale bôte bese ba telé nye ôsu binyiñe biap?

BÔTE BÉZIÑ BA JÔ NA: “Ma yiane saé a ngule jam ése asu na me toñe nda bôte jam. Me vo’o tabe bisulan ya akônda sondô ase.”

Éfus évé ya Kalate Zambe ja liti na bia nyoñe mbamba ntyi’an éyoñ ése bia telé Yéhôva ôsu binyiñe biangan?

ÔBALEBAS

Asu ésaé a moné bi ne mfi, ve mam mete ma yiane ki kamane bia na bi kañe Yéhôva.

Ô ne yalan aya?

Jé é ne volô wo na ô bi mbamba ñyenane mam a lat a asu ésaé wo bo?
Amu jé e ne mfi na ô yeme vak a abime biôm ô bili?
Aval avé ô ne liti na ô too ndi a ngaka’a Yéhôva a nga bo na é nyoñe ngap a bebo bisaé bé?

Môse wo te mane yé’é nlô ajô wu:

Jôm ô ne bo

Yene’e nge asu ésaé dôé é nga bo na ô bu’u abui bisulane bengone be ndôme lôte ba. Nge e ne nalé, yene’ aval avé ô ne bo mintyendan.

Nge ke:

Your other goal