ODHEAI 37
Kam Ani Poixeam Vixim Bible Kitem Sangta?
Tumkam kednam-i kamank lagon ani poixeank lagon usko zala kai? Tumchea familicho samball korunk ani teach borabor Jehovachi seva bore toren korunk tumkam ghoddie kotthin zata astolem. Toxem zalear, Bible-ant dilʼlo solʼlo tumkam faideak poddttolo.
1. Kamam vixim Bible amkam kitem sangta?
Ami kortat tea kamant amkam khuxalkai mellʼlloli Jehovak zai. Bible sangta, ‘apnnem zoddlam tantunt khuxal ravop, hachea poros anink kainch borem na.’ (Upodexok 2:24) Jehova mhenotin kam korta. Ami-i toxench kortat tednam to khuxal zata ani amkam-i dhadosponn melltta.
Kam korop khub mhotvachem. Punn kamam poros amchea jivitant Jehovachi seva chodd mhotvachi. (Juanv 6:27) Ami Jehovachi seva poilea zagear dovorlear to amcheo sogleo gorzo purnn kortolo mhunn bhas dita.
2. Amchea jivitant poixe kitle mhotvache?
Bible sangta: “Duddu monʼxachi rakhonn korta.” Punn amchea lagim chodd poixe aslearuch ami khuxal astolim oxem na. (Upodexok 7:12) Tor poixeam fattlean dhanvchea bodlek ami ‘asa tantuntuch dhadoxi’ asonk zai. (Hebrevank 13:5 vachat.) Amchea lagim asa tantunuch ami dhadoxi asat zalear dusream lagim jeo vostu asat teo amchea lagim nant mhunn ami bejar zaunchimnant. Titlench nhoi, ami gorje bhair rinnant poddchimnant. (Mhonnʼnneo 22:7) Toxench, ami jugar vo gambling korchea vo rateam-bhitor girest zaunchea fasant poddchimnant.
3. Ami udar kallzachim koxim zaunk xoktat?
Jehova udar kallzacho Dev ani tachea bhaxen ami pasun ‘udar kallzachim ani dusreank diunk sodanch toiar’ asonk zai. (1 Timotak 6:18) Tor, ami amchea sobhek denngim diun adar korunk zata ani toxench gorjevontank, khas korun amchea bhav-bhoinnank modot korunk zata. Ami dusreank modot kortat tednam ami kitlem ditat tem Jehova polloina punn ami kiteak ditat, kiteak modot kortat tem polloita. Ami udar kallzan ditat tednam ami-i khuxal zatat ani Jehova pasun khuxal zata.—Itihas 20:35 vachat.
KHOLAIEN XIKAT
Kamam vixim ani poixeam vixim sarkem chintop dovorlear ani asa tantunuch dhadoxi ravlear kitem faide asat tem polloum-ia.
4. Tumi koxem kam kortat tea vorvim Jehovak mhoima melltta
Jehova lagim amchi ixttagot ghott asa zalear ami kamam vixim tachem chintop apnnaitolim. VIDEO polloun sokol dilʼlea prosnanche zobab zannam zaum-ia.
-
Jason jea ritin kam korta ani kamachea zagear vagta, tantuntlem tumkam kitem borem laglem?
-
Kamak apunn soglea-von poilo zago dina mhunn Jason-an koxem dakhoilem?
Koloskarank 3:23, 24 vachun sokol dilʼlea prosnacho zobab zannam zaum-ia:
-
Kamam vixim sarkem chintop dovrop kiteak mhotvachem?
Kam gorjechem tem khorem. Punn kamank ami Jehovache bhokte poros chodd mhotv diunchem nhoi
5. Asa tantunuch dhadoxi ravop borem
Aiz choddxea lokank aplea lagim zaite poixe aslole zai. Taka lagon, tim aplea lagim ghoddtta titlem zhoddunk vavurtat. Punn Bible hea vixim kitem sangta? 1 Timotak 6:6-8 vachun sokol dilʼlea prosnacho zobab zannam zaum-ia:
-
Bible amkam kitem korunk sangta?
Amchea lagim chodd poixe vo vostu nant zalear pasun ami khuxal asonk xoktat. VIDEO polloun sokol dilʼlea prosnacho zobab zannam zaum-ia:
-
Chodd poixe nasle zalear pasun video-nt dakhoilʼle kuttumb kiteak khuxal asle?
Amchea lagim zaiteo vostu astana pasun amkam anik zai koxem dista zalear ho amkam ek fas zaunk xokta mhunn Jezun sanglem. Lukas 12:15-21 vachun sokol dilʼlea prosnacho zobab zannam zaum-ia:
-
Jezun dilʼlea udharonnantlean tumi kitem xiklim?—Vers 15 polloiat.
Mhonnʼnneo 10:22 ani 1 Timotak 6:10 vachun sor korat ani uprant sokol dilʼlea prosnanche zobab zannam zaum-ia:
-
Tumkam kitem chodd mhotvachem oxem dista? Deva borabor ghott ixttagot asop vo khub poixe asop? Kiteak?
-
Poixeanchea fattlean dhanvlear kitem vaitt porinnam zaunk xokta?
6. Jehova amcheo gorzo purnn kortolo
Amkam kam na ani amchea lagim goroz title poixe na tednam Jehovache bhoktek poilo zago diunk amkam kotthin zait. Oslea poristhitint kitem korunk zata tem zannam zaunk VIDEO polloun hea prosnanche zobab zannam zaum-ia.
-
Hea video-nt dakhoilʼlea bhavak koslea oddchonneancho fuddo korunk poddlo?
-
Hea oddchonneancho fuddo korunk tannem kitem kelem?
Matthew 6:25-34 vachun sokol dilʼlea prosnacho zobab zannam zaum-ia:
-
Amchea jivitant ami Jehovak poilo zago dilear to kitem kortolo mhunn bhas dita?
THODDO LOK MHUNNTTA: “Hanv mittingek koso ieum, mhaka mhojem ghor cholounk kitli mhenot korchi poddtta tem tumi zannant?”
-
Oxea poristhitint pasun ami Jehovache bhoktek poilo zago diunk zai mhunn khoinchea versantlean tumkam kollon ailem?
KITEM XIKLIM
Kam ani poixe gorjeche hem khorem. Punn amchea jivitant Jehovachi seva poili dovrop chodd gorjechem.
Porot Ugddas Korum-ia
-
Kamam vixim sarkem chintop dovrunk amkam koxi modot zaunk xokta?
-
Asa tantunuch dhadoxi ravop kiteak faideachem?
-
Apunn aplea lokancheo gorzo purnn kortolo mhunn Jehovan bhas dilea. Hea utrancher amkam visvas asa mhunn ami koxem dakhounk zata?
ANIK SODHAT
Poixe asop vaitt kai? Bible kitem sangta tem polloum-ia.
“Soglea Vaittponnachem Mull Karonn Poixe Kai?” (Web article)
Ami dusreank ditat tim dennim Devak kednam avoddttolim tem zannam zaiat.
Jugar vo gambling hantunt kitem-i vaitt asa kai?
“Jugar vo Gambling-a Vixim Bible Kitem Mhunntta?” (Awake!, March 2015)
Ek jugar khellpean ani eka choran aplem jivit kiteak bodolʼlem tem polloiat.
“Hanv Ghoddeanche Race-i Fattlean Piso Zalʼlom” (The Watchtower, November 1, 2011)
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
