KUKWE JA TÖTIKARA 37
Dre nieta Bibliakwe sribi aune ngwian yebätä
¿Ngwian o sribi yebätä mä tärä nemen ja töibikaire krubäte? Jehová mikadre kwin täte aune sribidre ja ngübakäre ye ruäre ngwane ñan raba nemen nuäre ni kräke. Akwa Biblia tä kukwe ne niere nie ne kwe rabadre bare nie.
1. ¿Dre nieta Bibliakwe sribi yebätä?
Nikwe sribi käi ngwandre juto jabätä ie Ngöbö tö. “Ni kä nebätä […] sribidre ja di tätebiti ye käi ngwandre juto kwe jabätä ye bäri kwin kräke” nieta Bibliakwe (Eclesiastés 2:24). Jehová ye sribikä baliente. Aisete nita ja ngwen niara erere aune sribire baliente ngwane, dre tuin kwin ie ye nita nuainne aune jata nemen ruin kwin nie.
Sribi ye ütiäte, akwa ñaka sribi ye mikadre bäri ütiäte jai Jehová mikadre täte yebiti ta (Juan 6:27). Nikwe niara mikai käne jai angwane, nita dre ribere nünankrä jai ye niarakwe biain nie käbämikata kwe.
2. ¿Biblia tä dre niere ngwian yebätä?
“Ngwian tä ni kriemike” nieta Bibliakwe, akwa ngwian ye aibe ñan raba kä mike juto nibätä nieta kwe arato (Eclesiastés 7:12). Ye medenbätä, nikwe ñan ngwian taredre nieta Bibliakwe aune tä kukwe ne niere nie: “Jändrän ño ño tä munkwe, ye abko käi ngwian nuäre jabtä” (mäkwe ñäkä Hebreos 13:5 yebätä). Dreta nikwe ye käita juto nibätä ngwane, ni ñan ja dokwä mike tare ngwarbe jondron känänbätä bäri. Arato, ni ñan rürübän ütiä mike ngwarbe jabiti (Proverbios 22:7). Ne madakäre nita ja kriemike jadaka ngwian ganainkäre yebätä o kukwe nuainne rabakäre ngwian bökäne krubäte drekebe ngwarbe yebätä.
3. ¿Ño ja ngwan raba mantiame ngwianbiti aune ñan jondron ngübare ütiäre?
Jehová ye Ngöbö mantiame, “aune nita ja ngwen mantiame aune dreta nikwe ye nita juto biare biankäre ni madai ngwane” nita ja ngwen niara erere (1 Timoteo 6:18). Ngwian jakwebiti nita konkrekasion dimike aune nita ja mräkätre dimike ngwane, nita ja töi mike mantiame aune ñan jondron ngübare ütiäre. Nita jondron bien nuäi ye ñan ai ütiäte Jehová kräke, ñakare aune nita bien ja töi ñobiti yebrä ütiäte kräke. Ja brukwä mantiamebiti nikwe jondron biain ngwane, kä rabai juto nibätä aune nikwe kä mike juto Jehovabätä arato (mäkwe ñäkä Hechos 20:35 yebätä).
JA TOTIKE BÄRI NGUSETA
Jondron tä nikwe ye käi juto nibätä aune sribi mikadre tuin ño jai ye erere nita mike tuin jai köböire dreta kwin tä nemen bare, ye ani mike gare jai.
4. Mäkwe sribi baliente Jehová käikitakakäre
Ja keta Jehovabe ye rabadre ni töi mike sribi tuin ño ie ye erere mike tuin jai. VIDEO mikadre ñärärä, biti kukwe ne kä driere jabe:
-
¿Jason tä ja töi mike aune ja ngwen sribi känti ye meden bäri nibi tuin kwin mäi?
-
¿Dre nunie kwe ñan sribi mikakäre bäri ütiäte jai?
Ñäkädre Colosenses 3:23, 24 yebätä aune kukwe ne kädriere jabe:
-
¿Nikwe sribidre “ja di ngöibiti” ye ñobätä ütiäte?
Sribi ye ütiäte, akwa ñaka mikadre bäri ütiäte jai Jehová mikadre täte ye kräke.
5. Jondron debe ni kräke ye tä kä mike juto nibätä
Nitre kwati tä ja di ngwen ngwian ükekrö ere, akwa Biblia tä mäträre jene nibätä. Ñäkädre 1 Timoteo 6:6-8 yebätä aune kukwe ne kädriere jabe:
-
¿Dre mäträita Bibliakwe nibätä?
Jondronta braibe nikwe akwa ni raba nüne kä jutobiti. VIDEO mikadre ñärärä, biti kukwe ne kä driere jabe:
-
¿Ngwian ñaka ere ja mräkätre nekwe akwa ñobätä kä tä juto bätätre?
¿Ngwian tärä ere nikwe akwa ni tö bäri ere ie? Ni töita ye kwrere ye raba ni mike kukwe kri te, ye mikakäre gare Jesukwe kukwe bämikani keteiti. Ñäkädre Lucas 12:15-21 yebätä aune kukwe ne kädriere jabe:
-
¿Jesukwe kukwe bämikani ne tä dre driere mäi? (Bersikulo 15 mikadre ñärärä).
Ñäkädre Proverbios 10:22 yebätä aune 1 Timoteo 6:10 mikadre ñärärä aune kukwe ne kä driere jabe:
-
¿Dre bäri ütiäte raba ruin mäi: ja ketadre Jehovabe o ngwian rabadre ere nikwe? ¿Ñobätä?
-
¿Ni töi rabadre ngwian tuabätä krubäte jakwe ye köböite dre raba nemen bare nibätä?
6. Jehovakwe ni ngübai
Kukweta ni kisete sribi känti o ngwian ñakare nie ye raba ni dimike nita tödeke nuäi Jehovai ye mike gare jai. Kukwe nebiti tödeka nikwe nuateta yebe ja tua raba ño mikakäre gare jai VIDEO mikadre ñärärä, biti kukwe ne kä driere jabe:
-
¿Ja mräkä videote yekwe ja turi kukwe meden ben?
-
¿Dre nunie kwe ja tuakäre kukwe yebe?
Ñäkädre Mateo 6:25-34 yebätä aune kukwe ne kä driere jabe:
-
¿Nikwe Jehová mikai käne ngwane, tä dre käbämike nie?
NITRE RUÄRE TÄ KUKWE NE NIERE: “Tä sribidre krubäte tie ti mräkätre ngübakäre. Yebätä ti ñan raba kwen gätä jökräbätä bämän kratire kratire”.
-
¿Jehová mikadre käne ye bäri kwin ye texto meden tä mike gare metre mäi?
¿DRE NIBI GARE MÄI?
Sribi aune ngwian ye ütiäte akwa ñan tuadremetre jire ja töi kwite Jehová mika täte yebätä.
Ngwankäreta törö
-
¿Dre raba mä dimike ñan sribi mike bäri ütiäte jai?
-
¿Jondron tä nikwe ye debe ni kräke köböire dreta nemen bare?
-
Ni Jehová mikaka täte ye Jehovakwe ngübadi käbämikata kwe aisete, ¿mäta tödeke kukwe yei ye mä raba bämike ño?
KUKWE MIKE GARE BÄRI JAI
¿Ngwian ye käme nieta Bibliakwe? Ye mike gare jai..
Ño ja ngwan raba mantiame kä ngwankäre juto Jehovabätä ye mike gare jai.
“¿Jondron biandre yebätä Biblia tä dre niere?” (Artículo jw.org)
¿Jadaka ngwianbätä ye käme?
“Biblia tä kukwe niere: Juego de azar yebätä” (Ni Mikaka Ngwäte, marzo 2015)
Dre käkwe ni iti nämäne ja denkä ngwianbätä aune gore ye töi mikani ja töi kwite, ye mike gare jai.
“Mädä mikata ja gain ye nämä tui kwin tie” (Ni Mikaka Mokre, 1 noviembre 2011)
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
