SOMO 37
Biblia po njí ma, mbø ma na djo ná lo
Njí ma, inga mbø ma na dhi lo ká d’orie ni nanga ro b’lo? Nja saa na, ri ka ndi e kpakpa ko gba kodhó mahitaji tso ndirigoti ko bbʉ madha Yova dho kaka ná ngatsi. Biblia bbʉ ko tsotso ka ndi kó ná bblo kʉ ná shauri ko dho.
1. Biblia ká po ngba lo njí djo?
Mungu jiri ko ba hwè kodhó njí nǎ ro. Biblia ripo “ddikpa ritsi ro ma ngaddi kʉ bblo pli ddikpa le dho . . . ndidzá kpakpa njí nǎ ro ndi hwè ba nari djolu ri.” (Muhubiri 2:24) Yova adi njínji kpakpanga na. Ko di ke dyø kpakpanga na ko njínji nari na ró, føri na ko hwè bbʉ ke thí dho ndirigoti ko ma ka ko ba hwè bbo ddi.
Njí na mana kʉ nì, ro ri nzá ngani ko nja njí mana na bbo pli Yova dho ko bbʉ ná madha djolu ri. (Yohana 6:27) Ke tsoni nari kʉ njati ko li ndi anziro ró, ndi ka ndi gba kodhó kimwili nǎ mahitaji tso ngbà.
2. Mbø djo ká le ka le é bblo kʉ ná nganjadha na ngbaribbai?
Biblia ripo “mbø adi le ronga b’ob’o,” ro ri pori ki, mbø dhé nzá ka ndi bbʉ hwè ro ko dho ri. (Muhubiri 7:12) Føri dzá Biblia nzɨ ko li kpakpa ko ji mbø ri, ro ri ko li kpakpa ko “nanga jini kodhó bani ná ritsi dho.” (Azø Waebrania 13:5.) Njati ko nanga di jini ji kodhó bani ná ritsi dho ró, ko nanga ro nzá ri ka ndi d’o kodhó ritsi kʉ sese ma nari dho ri. Føri dho, ko nzɨ adi ribba ddeni tsu ko na nga kʉ lazima ná ritsi chulu ri. (Mezali 22:7) Ndirigoti ko adi ko ronga b’o nga kʉ chø ná chulu le mbø ne inga lelé le rine le bɨni nari na ka ndi tsu ko ná hatari ró.
3. Kodhó mbø na ká ko ka ko kó nja ndrŭ tsotso ngbaribbai?
Yova kʉ ritsi adi bbʉ ná Mungu ndirigoti ko adi ke dyø “tayari ko kʉ ritsi bbʉdha dho” nari chulu. (1 Timoteo 6:18) Ko kʉ dya nga nari ko adi dho, ko mbø bbʉ ndi kó kutaniko tsotso ma, nja ndrŭ tsotso ma na nari chulu, ro føri djolu pli ko adi ko lai Wakristo tsotso kó. Yova nyǒ adi tho nari kʉ ko nanga jini ko bbʉ ritsi nari, ro nga ngba ngatsi ma ko ribbʉ nari ri. Ko é dhʉdhʉ ritsi bbʉdha dho ró, ko sie hwè na ndirigoti ko si hwè bbʉ Yova thí dho.—Azø Matendo 20:35.
ANE LONANGA BBO
Anja bblo kʉ ná nganjadha na le kʉ njí djo ndirigoti le nanga jini ledhó bani ná ritsi dho nari adi bbʉ ná faida.
4. Abbʉ madha Yova dho nidhó njí chulu
Yova na kʉ ko kana ná kau ka ndi lø ngbaribbai ma kodhó nganjadha kʉ njí djo nari ronga lø. Aninja VIDEO, ndirigoti anitilo i ngadhudha djo.
-
Video nǎ ni njari nari bbai, Jason dhó nganjadha ká e ngbaribbai njí djo ndirigoti kedhó nyí ká e ngbǎ?
-
Ke ká njie addu nja ndi é bblo kʉ ná nganjadha na ndidhó njí djo d’e?
Azø Wakolosai 3:23, 24, ndirigoti anitilo i ngadhudha djo:
-
Bblo kʉ ná nganjadha na ko kʉ njí djo nari ká kʉ mana na bbo addudho?
Njí na mana kʉ ni, ro ri nzá ngani ko nja njí mana na bbo Yova dho ko bbʉ ná madha djolu ri
5. Ko hwè ba kodhó bani ná ritsi dho nari adi faida bbʉ ko dho
Bí kʉ ná ndrŭ adi riji ndima ne mbø bbo. Ro Biblia ko li kpakpa nja ko e njonjo kʉ ná nganjadha na mbø djo d’e. Azø 1 Timoteo 6:6-8, ndirigoti anitilo i ngadhudha djo:
-
Biblia ká ko li kpakpa ko njí addu?
Ko ka ko e hwè na dhé njati kodhó mbø e sese ma ró. Aninja VIDEO, ndirigoti anitilo i ngadhudha djo.
-
Ni mai fø familia dhó mbø e sese ro, addui ká koe kpa tsotso kpa e hwè na d’e?
Ro ri ká ka ndi é ngbaribbai njati ko di rine kodhó mbø gʉ e bbo ró? Yesu tingʉe lo føri ka ndi bbʉ ná kpakpalo djo. Azø Luka 12:15-21, ndirigoti anitilo i ngadhudha djo:
-
Ni ká ba ngba somo Yesu bbʉngʉe ná loroji nǎ ro? —Anja verse 15.
Azø ndirigoti addi Mezali 10:22 nǎ kʉ ná lo 1 Timoteo 6:10 nǎ kʉ ná lo na. Ndirigoti anitilo i ngadhudha djo:
-
Ni ká riddi bbo na mana kʉ nari kʉ ngba lo? Ri ká kʉ Yova na le kʉ kau nari inga mbø kʉ ledhó bbo nari? Ká addudho?
-
Mbø le ji bbo nari ká adi ngbá kpakpalo bbʉ?
6. Yova ngaddi ni kodhó mahitaji djo
Kodhó mbø é nga inga njí e nga ná saa na, ko ká li ko thí Yova djó ngbà ma nari ka ndi njani pʉlʉ. Aninja VIDEO ndiro ni nja ngbaribbai ma ni ka ni si fø kpakpalo djolu nari d’e ndirigoti anitilo i ngadhudha djo.
-
Video nǎ ni njari nari bbai, le-djo ká e hwini ngbá kpakpalo na?
-
Ke ká njie addu nja ndi si fø kpakpalo djolu d’e?
Azø Matayo 6:25-34, ndirigoti anitilo i ngadhudha djo:
-
Yova ká tsoni ndi si addu nji anziro li ndidzá njí ná ndrŭ dho?
NJA NDRŬ ADI RIPO: “Ma adi njínji bbo ndiro ma kó madhó familia tsotso d’e. Føri dho ma nzá ka ma rá krʉ ddo ró njudha dhi ngana ri.”
-
Ni tsotso ká ngbá andiko ko, nja ni uri nari kʉ Yova dho le madha bbʉ nari le li anziro nari kʉ bblo pli le vʉ lo nanga ri?
LO DZÁ DɄNGA
Kimwili nǎ njí ma, mbø ma na kʉ lazima kʉ ná ritsi, ro ri nzá ngani le bbá fø ritsi cho le ronga tso Yova dho le njínji nari ró ri.
Lo djolu le ngʉ nari
-
Ni tsotso ká addu ka ndi kó nja ni e bblo kʉ ná nganjadha na njí djo d’e?
-
Ni nanga di jini ji nidhó bani ná ritsi dho nari ká ka ndi bbʉ faida ni dho ngbaribbai?
-
Yova tsoni ndi si ndidzá ndrŭ dhó lo tso gba ni nari djó ni li ni thí ngbà nari ká ni ka ni dhǒ ngbaribbai?
NI KA NI CHU NÁ NJA LO
Aneri ni chu Biblia ká ripo mbø kʉ che ma nari.
“Makuta Njo Chanzo ya Mambo Yote ya Mubaya?” (Jw.org djó kʉ ná lo)
Aneri ni chu Mungu nyǒ ká ngbà di ná bbʉdha ma adi tho nari.
“Biblia Inasema Nini Juu ya Kutoa?” (Jw.org djó kʉ ná lo)
Dyá djó le mbø ka nari ká ka ndi tsu le hatari na maddi?
“Mawazo ya Biblia—Michezo ya Feza” (Amuka!, Mwezi wa 3, 2015)
Anja ddikpa ke tsotso kongʉe ná lo ndiro ke bbá dyá djó le mbø ka nari tso ndirigoti gbʉ tso d’e.
“Nilikuwa Napenda Sana Mashindano ya Kutembeza Farasi” (Munara wa Mulinzi, 1 Mwezi wa 11, 2011)
