FAKAAKOAGA 37
Talahauaga he Tohi Tapu ke he Gahua mo e Tupe
Kua tupetupe nakai a koe ke he gahua po ke tupe? Nakai mukamuka ke leveki e tau manako ha tautolu mo e foaki foki ki a Iehova e tapuakiaga kua lata. Foaki mai he Tohi Tapu e tau fakatonuaga aoga ke lagomatai a tautolu.
1. Ko e heigoa ne talahau he Tohi Tapu hagaao ke he gahua?
Manako e Atua ke fiafia a tautolu ka gahua. Pehē e Tohi Tapu kua “nakai fai mena mitaki ke he tagata, ka kia . . . fakafiafia hana loto ke he tau mena mitaki he hana tau gahua.” (Fakamatalaaga 2:24) Gahua malolō a Iehova. Ka fifitaki e tautolu a ia he gahua fakamakutu, kua fakafiafia a ia mo e mitaki foki e logonaaga ha tautolu.
Aoga e gahua. Ka kua nakai lata ke mua atu e aoga ke he tapuakiaga ha tautolu ki a Iehova. (Ioane 6:27) Mavehe e ia ka tuku fakamua e tautolu a ia, to leveki e ia e tau manako fakatino ha tautolu.
2. Ko e heigoa e onoonoaga lagotatai ke he tupe?
Talahau he Tohi Tapu ko e “tau tupe mo mena ke malu ai,” ka e hataki foki kua nakai ko e tupe hokoia ke moua e fiafia. (Fakamatalaaga 7:12) Ko e mena ia, kua fakamafana a tautolu ke ua manako lahi ke he tau tupe ka e “fakamamate [po ke loto fakaaue] a mutolu ke he tau mena ha ia mutolu.” (Totou Heperu 13:5.) Ka tumau e loto fakaaue ha tautolu ke he tau mena ne moua, nakai tupetupe a tautolu ke manako atu foki. Ti atāina a tautolu he tau kaitalofa. (Tau Fakatai 22:7) Hao foki a tautolu mai he matematekelea he pelē tupe mo e putoia he tau pisinisi ke moua mafiti e tau tupe.
3. Fakaaoga fakamitaki fēfē e tupe?
Ko Iehova ko e Atua fakamokoi, ti fifitaki e tautolu a ia ka “fakamokoi, mo e ta atu noa e . . . tau mena.” (1 Timoteo 6:18) Fakaaoga fakamitaki e tupe ha tautolu he lalago e fakapotopotoaga mo e lagomatai e falu kua latatonu, mua atu ke he tau matakainaga. Fiafia lahi a Iehova ke he kakano pauaki ne foaki e tautolu ka e nakai ke he lahi he foakiaga. Ka foaki fakamokoi a tautolu mai he loto, to fiafia a tautolu ti pihia mo Iehova.—Totou Gahua 20:35.
KUMIKUMI FAKAHOKULO
Kitia e aoga ke hako e onoonoaga ke he gahua mo e loto fakaaue.
4. Fakaheke a Iehova he puhala ne gahua a koe
Ko e fakafetuiaga ha tautolu mo Iehova ka omoomoi e onoonoaga ha tautolu ke he gahua. Tā e VITIŌ, ti tutala ke he tau hūhū nā.
-
He vitiō, ko e heigoa ne nava a koe ke he onoonoaga mo e mahani ha Jason he gahuaaga haana?
-
Ko e heigoa ne taute e ia ke lagotatai e onoonoaga ke he gahua?
Totou Kolose 3:23, 24, ti tutala ke he hūhū nei:
-
Ko e ha kua aoga e onoonoaga ha tautolu ke he gahua?
Aoga e gahua. Ka e nakai lata ke mua atu e aoga ke he tapuakiaga ha tautolu ki a Iehova
5. Aoga e loto fakaaue ki a tautolu
Tokologa e tagata ne eketaha ke moua loga e tau tupe. Ka e kehe e tomatomaaga he Tohi Tapu. Totou 1 Timoteo 6:6-8, ti tutala ke he hūhū nei:
-
Ko e heigoa ne tomatoma he Tohi Tapu a tautolu ke taute?
Pete ka nakai monuina lahi a tautolu, maeke agaia ke fiafia. Tā e VITIŌ, ti tutala ke he hūhū nā.
-
Pete ka nakai loga e tupe, ko e heigoa ne fakafiafia e tau magafaoa nei?
Ka e kua ka loga e tupe ha tautolu ti manako atu agaia? Talahau e Iesu e fakatai ke he hagahagakelea he mena nei. Totou Luka 12:15-21, ti tutala ke he hūhū nei:
-
Ko e heigoa ne fakaako e koe mai he fakatai ha Iesu?—Kikite e kupu 15.
Totou ti fakatatai e Tau Fakatai 10:22 mo e 1 Timoteo 6:10. Ti tutala ke he tau hūhū nei:
-
Ko e heigoa kua mua e aoga he manatu e koe? Kapitiga mo Iehova po ke loga e tau tupe? Ko e ha?
-
Ko e heigoa e tau lekua he fakamakamaka ke loga e tupe?
6. To leveki e Iehova e tau manako ha tautolu
Maeke e tau lekua he gahua mo e tupe ke kamatamata e tua ha tautolu ki a Iehova. Tā e VITIŌ ke kitia e puhala ka fehagai a tautolu mo e tau kamatamata pihia ke he tua, ti tutala ke he tau hūhū nā.
-
He vitiō, ko e heigoa e tau lekua ne fehagai mo e matakainaga taane?
-
Ko e heigoa ne taute e ia ke kautū mai he tau lekua?
Totou Mataio 6:25-34, ti tutala ke he hūhū nei:
-
Ko e heigoa ne mavehe e Iehova ke taute ma lautolu ne tuku fakamua a ia?
PEHĒ FALU TAGATA: “Lata au ke gahua lahi ke leveki e magafaoa haaku. Ai maeke au ke fano tumau he tau feleveiaaga he tau faahi tapu takitaha.”
-
Ko e heigoa e kupu Tohi Tapu ati talitonu a koe ko e tuku fakamua e tapuakiaga ki a Iehova ko e fifiliaga mitaki lahi tumau?
MANATU KATOA
Kua aoga e gahua mo e tupe, ka e nakai lata ke fakatauhele a tautolu he fekafekau ki a Iehova.
Liu Fakamanatu
-
Ko e heigoa ka lagomatai a koe ke tumau e onoonoaga lagotatai ke he gahua?
-
Aoga fēfē e loto fakaaue ki a koe?
-
Fakakite fēfē e koe e falanaki ke he maveheaga ha Iehova ke leveki e tau tagata haana?
KUMI FOKI
Kumikumi kua talahau kia he Tohi Tapu na kelea e tupe?
“Ko e Tupe Kia ko e Vaka he Tau Mena Kelea Oti Kana?” (Vala tala he kupega hila)
Fakaako ke he aga foaki kua fakafiafia e Atua.
“Ko e Heigoa e Talahauaga he Tohi Tapu ke he Aga Foaki?” (Vala tala he kupega hila)
Kelea kia e pelē tupe?
Totou ke he puhala ne hiki e moui he tagata pelē tupe mo e kaihā.
“Fiafia Lahi Au ke he Tau Nua ka Laga” (Vala tala he Kolo Toko)