Xi nuꞌi, ¿nꞌa rä pa xkä turimu̱i po rä ꞌme̱fi o rä bojä? Rꞌabu̱ dä za dä jakägihu̱ xä ñhei gä mpe̱fihu̱ pa gä tinihu̱ te gä tsihu̱ ꞌne te gä hehu̱, ꞌne a la vez gä pe̱päbihu̱ rä Zi Dada Jeoba. Pe rä Biblia rꞌakägihu̱ yä konseho nuꞌu̱ ma dä maxkägihu̱.

1. ¿Te xikägihu̱ rä Noya Äjuä de rä ꞌme̱fi?

Äjuä ne ge nuju̱ gä pe̱ꞌtsihu̱ rä johya ora di mpe̱fihu̱. Rä Biblia enä: «Otho mä nꞌa rä tꞌo̱tꞌe näꞌä xä ñho pa nꞌa rä jäꞌi, ke [...] dä dini rä johya po näꞌä rä ꞌme̱fi xä ja» (Eclesiastés 2:24). ¿Gi pädi? Rä Zi Dada Jeoba ꞌnehe xa di mpe̱fi ndunthi. Hänge ora di de̱mbäbihu̱ rä ejemplo ꞌne di mpe̱fihu̱ ko ngatꞌho mä ganähu̱, Näꞌä xa di johya ꞌne nuju̱ ꞌnehe di sentihu̱ rä johya.

Rä ꞌme̱fi xa mähyoni. Pe hindi debe gä hopäbihu̱ dä hñägägihu̱ de gä pe̱päbihu̱ rä Zi Dada Jeoba ja ngu adi (Juan 6:27, TNM). Näꞌä di prometegihu̱ ge mu̱ gä pe̱fihu̱ mꞌe̱tꞌo näꞌä di mändagihu̱, Näꞌä ma dä rꞌakägihu̱ näꞌä jakägihu̱ mꞌe̱di.

2. ¿Hanja di debe gä handihu̱ rä bojä?

Rä Biblia di rekonose ge «rä bojä, dä za dä sugägihu̱», pe ꞌnehe di adbertigihu̱ ge rä bojä hindä za dä rꞌakägihu̱ näꞌä xa mäjuäni rä johya (Eclesiastés 7:12). Rä Biblia engägihu̱: «Johyahu̱ ko nuꞌu̱ yä kosa ya gi pe̱ꞌtsihu̱» (hñeti Hebreos 13:5, TNM). Ora di komformähu̱ ꞌne di johyahu̱ ko nuꞌu̱ yä kosa ya di pe̱ꞌtsihu̱, hindi ñho̱tꞌehu̱ yä thai ꞌne asta di ähähu̱ xä ñho (Proverbios 22:7). ꞌNehe, ora di johyahu̱ ko nuꞌu̱ yä kosa ya di pe̱ꞌtsihu̱, hindi ku̱tꞌihu̱ ha nuꞌu̱ yä ntꞌeni de gä apuesta, nixi ha nuꞌu̱ yä negosio habu̱ di prometegihu̱ gä tähähu̱ ndunthi yä bojä.

3. ¿Hanja dä za gä usahu̱ mä bojähu̱ ꞌne näꞌä di pe̱ꞌtsihu̱ pa gä fatsꞌihu̱ märꞌaa?

Rä Zi Dada Jeoba xa di ho dä uni de näꞌä pe̱ꞌtsi pa dä maxkägihu̱. Hänge di de̱mbäbihu̱ rä ejemplo ora hindi yꞌu̱yahu̱, ꞌne di usahu̱ de näꞌä di pe̱ꞌtsihu̱ pa gä fatsꞌihu̱ märꞌaa (1 Timoteo 6:18, TNM). ꞌNehe, di usahu̱ xä ñho mä bojähu̱ ora di faxtehu̱ ko nuꞌu̱ yä zi gasto ja ha rä congregación, ꞌne pa dä tꞌumbäbi rä mfatsꞌi nuꞌu̱ mä zi kuhu̱ thogi yä ñꞌäbojä o märꞌa yä xuñha. Rä Zi Dada Jeoba hindi mportabi hängu rä ndunthi näꞌä di unihu̱; mientra di unihu̱ ko ngatꞌho mä korasohu̱ nuꞌu̱ mä zi ꞌmo̱ñhähu̱ o mä donäsiohu̱, geꞌä japäbi xa dä johya rä Zi Dada Jeoba ꞌne jakägihu̱ gä johyahu̱ ꞌnehe (hñeti Hechos 20:35, TNM).

 HANJA DÄ ZA DÄ MAXꞌÄꞌI RÄ NOYA ÄJUÄ

4. Mpe̱fi ko ngatꞌho ri ganä ꞌne ꞌñeꞌspäbi rä nsu rä Zi Dada Jeoba

 5. Ja ndunthi yä benefisio ora di komformähu̱ ko nuꞌu̱ yä kosa di pe̱ꞌtsihu̱ mäske hingä ndunthi

Ndunthi yä jäꞌi ho̱nse̱ di dedika dä dähä yä bojä ꞌne tege yä tsꞌe̱di. ¿Pe gi pädi te mä konseho rꞌakägihu̱ rä Biblia? Hñetihu̱ 1 Timoteo 6:6-8, ꞌnepu̱ thädihu̱ nunä rä ntꞌani:

• ¿Te di animä rä Biblia gä pe̱fihu̱?

6. Jeoba nunka ma dä hye̱gäse̱hu̱

 NÄꞌÄ DÄ PÄDIHU̱

Rä ꞌme̱fi ꞌne rä bojä xa mähyoni, pe nunka di debe gä hopäbihu̱ ge dä distraegihu̱ de gä pe̱päbihu̱ rä Zi Dada Jeoba ja ngu adi.

Pa gä benihu̱

• Mäske rä ꞌme̱fi mähyoni pa gi tähä rä bojä, ¿por hanja hindi debe gi hyopäbi dä distraeꞌi de gi pe̱päbi rä Zi Dada Jeoba?

• ¿Te mä benefisio ma gi hñäni mu̱ gi komformä ꞌne gi johya ko nuꞌu̱ yä kosa ya gi pe̱ꞌtsi mäske hingä ndunthi?

• ¿Hanja dä za gi ꞌñudi ge gi pe̱ꞌspäbi rä komfiansa rä Zi Dada Jeoba ora di prometeꞌi ge nunka ma dä hye̱kꞌäse̱?