KʼUTUNEM 37
Ri kubʼij ri Biblia chrij ri chak y ri pwaq
¿La kʼo jumul sibʼalaj katbʼison chrij ri achak o ri pwaq? Weneʼ kʼax kqabʼan che uriqik ri kajwataj che ri qafamilia y kqapatanij ri Jehová. Are kʼu ri Biblia kuya jujun taq pixabʼ chqe che kojutoʼ che ubʼanik.
1. ¿Jas kubʼij ri Biblia chrij ri chak?
Ri Dios kraj che kojkikot rukʼ ri qachak. Ri Biblia kubʼij che are más utz na che ri winaq kkikot rukʼ ri chak che kubʼano (Eclesiastés 2:24). Ri Jehová sibʼalaj kchakunik. Are chiʼ kqesaj uwach y sibʼalaj kojchakunik, tajin kqabʼan riʼ ri utz kril ri areʼ y kojkikotik.
Nim ubʼanik ri chak, are kʼu kqaya taj che wariʼ kubʼano che kojkun ta chik kqapatanij ri Jehová (Juan 6:27). Ri Jehová kutzujuj chqe che kuya ri kajwataj chqe we are kqaya nabʼe pa ri qakʼaslemal.
2. ¿Jas rajawaxik kqabʼan che rilik ri pwaq?
Ri Biblia kubʼij che ri pwaq «are jun tobʼal ibʼ», are kʼu xuqujeʼ kubʼij che kuya ta kikotemal chqe (Eclesiastés 7:12). Ri Biblia kubʼij: «Miloqʼoqʼej ri pwaq, chubʼanaʼ chiwe ri kʼo iwukʼ» (chasikʼij Hebreos 13:5). Are chiʼ kojkikot rukʼ ri kʼo qukʼ kojbʼison ta chrij utzukuxik más jastaq. Xuqujeʼ kubʼano che kqanim ta qibʼ pa kʼasaj (Proverbios 22:7). Y kubʼano che kqanim ta qibʼ pa taq etzʼanem jawchiʼ kchʼak wi pwaq y kojutoʼ rech kqabʼan ta jastaq che kqachomaj che kuya nim pwaq chqe.
3. ¿Jas kqabʼan che ukojik ri pwaq rech kqakʼutu che kojsipanik y kqeyeʼj taj che ktzalix ukʼaxel chqe?
Ri Jehová are jun Dios che sibʼalaj ksipanik, y kqesaj uwach are chiʼ oj «sipanelabʼ» y kqaya ri kʼo qukʼ chke ri nikʼaj chik (1 Timoteo 6:18). Rech utz kqabʼan che ukojik ri pwaq kojkunik kojtobʼan rukʼ ri kuchuj che kyaʼ pa taq ri congregaciones y keqatoʼ ri kʼo kajwataj chke, más na ri qachalal. Ri más nim kril ri Jehová are ta ri kojkun che uyaʼik xaneʼ are ri rumal che kqayaʼo. We rukʼ ronojel qanimaʼ kqayaʼo kojkikot riʼ y kkikot riʼ ri Jehová (chasikʼij Hechos 20:35).
CHANIMARISAJ RI AWETAʼMANIK
Chqilaʼ ri utzilal che kqariqo we utz rilik ri chak kqabʼano y che kojkikot rukʼ ri kʼo qukʼ.
4. Chayaʼ uqʼij ri Jehová rukʼ ri chak che kabʼano
Ri qachilanik rukʼ ri Jehová kʼo ubʼanik rukʼ ri kqabʼan che rilik ri chak. Chiwilaʼ ri VIDEO y chixtzijon chrij wariʼ:
-
¿Jas más utz kawil che ri xubʼan Jason pa ri uchak?
-
¿Jas xubʼano rech xbʼe ta ukʼuʼx rukʼ ri chak?
Chisikʼij Colosenses 3:23, 24 y chixtzijon chrij wariʼ:
-
¿Jasche sibʼalaj nim ubʼanik che kojchakun rukʼ ronojel qanimaʼ?
Sibʼalaj nim ubʼanik ri chak, are kʼu maqayaʼo che más nim ubʼanik chuwach uqʼijilaxik ri Jehová.
5. Ri utzilal che kqariqo are chiʼ kojkikot rukʼ ri kʼo qukʼ
E kʼi winaq kkaj kkimulij más qʼinomal, are kʼu ri Biblia kubʼij che utz taj kqabʼan wariʼ. Chisikʼij 1 Timoteo 6:6-8 y chixtzijon chrij wariʼ:
-
¿Jas pixabʼ kuya ri Biblia chqe?
Kojkunik kojkikotik paneʼ kʼo ta kʼi jastaq qech. Chiwilaʼ ri VIDEO y chixtzijon chrij wariʼ:
-
¿Jasche sibʼalaj kekikot ri familia riʼ paneʼ kʼo ta kʼi kipwaq?
¿Y we kʼo chi ri kajwataj chqe are kʼu kqaj más? Ri Jesús xuya kan jun kʼutbʼal che kukʼut chqawach che utz taj kqatzukuj más qʼinomal. Chisikʼij Lucas 12:15-21 y chixtzijon chrij wariʼ:
-
¿Jas kawetaʼmaj chrij ri kʼutbʼal che xubʼij kan ri Jesús? (Chiwilaʼ ri versículo 15).
Chisikʼij Proverbios 10:22 y chijunamaj rukʼ 1 Timoteo 6:10. Tekʼuriʼ chixtzijon chrij wariʼ:
-
¿Jas kachomaj at, jas riʼ ri más nim ubʼanik: che katux rachiʼl ri Jehová, o che kkʼojiʼ más apwaq? ¿Jasche?
-
¿Jas kʼax kuriq jun winaq we kbʼe más ukʼuʼx che utzukuxik más pwaq?
6. Jehová kuya ri kajwataj chqe
Ri kʼax che kqariq pa ri qachak y ri kqabʼan che uriqik ri kajwataj chqe kojutoʼ che rilik we kʼo qakojonik chrij ri Jehová. Chiwilaʼ ri VIDEO rech kiwilo we kʼo ikojonik are chiʼ kiriq kʼax, tekʼuriʼ chixtzijon chrij wariʼ:
-
¿Jas kʼax xuriq ri qachalal?
-
¿Jas xubʼano rech xukoj uchuqʼabʼ chuwach wariʼ?
Chisikʼij Mateo 6:25-34 y chixtzijon chrij wariʼ:
-
¿Jas kuya ri Jehová chqe we are nabʼe kqaya pa ri qakʼaslemal?
RI KKICHOMAJ JUJUN WINAQ: «Kinkun taj kinbʼe pa ri riqbʼal ibʼ rumal che rajawaxik kinchakunik rech kinya ri kajwataj che ri nufamilia».
-
¿Jas texto katutoʼo rech are kaya nabʼe ri Jehová pa ri akʼaslemal?
RI XQETAʼMAJ
Ri chak y ri pwaq nim kibʼanik, are kʼu maqayaʼo che kojuqʼatej che uqʼijilaxik ri Jehová.
¿La knaʼtaj chawe?
-
¿Jas katutoʼo rech utz kabʼan che rilik ri chak?
-
¿Jas utzilal kariqo we katkikot rukʼ ri kʼo awukʼ?
-
We ri Jehová kubʼij che kuya ri kajwataj chqe, ¿jas kqabʼan che ukʼutik che kqakubʼsaj qakʼuʼx chrij?
CHAWILAʼ CHI NIKʼAJ
Chawilaʼ we ri Biblia kubʼij che utz ta ri pwaq.
«¿La umak ri pwaq ronojel ri kʼax che kqariqo?» (Kʼutunem re jw.org)
Chawilampeʼ che uyaʼik ri kʼo qukʼ kuya kikotemal che ri Jehová.
«¿Jas kubʼij ri Biblia chrij ri uyaʼik ri kʼo qukʼ?» (Kʼutunem re jw.org)
¿La utz kojetzʼan chrij pwaq?
«Ri kubʼij ri Biblia chrij ri uchʼakik pwaq pa taq ri etzʼanem» (¡Despertad!, marzo 2015)
Chawilaʼ ri xubʼan jun achi che uyaʼik kan ri elaqʼ y ri etzʼanem.
«Sibʼalaj utz xwil ri carreras chkij kej» (La Atalaya, 1 re noviembre 2011)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
