YAĆHACHICUY 37
¿Ima ninmi Bibliaca trabajupi ñatac illaycäpi?
Imayllä llaquiculanquim mana trabajuyqui captin o mana illaynïqui captin. Chaynü pasamaptinchic sasam canman Jehovata servinanchicpä. Chaycunawan mana jucmanyananchicpä Bibliapa consejuncunam yanapamäśhun.
1. ¿Ima ninmi Bibliaca trabajupi?
Dios munan cushisha cananchictam trabajunchicwan. Chaymi Bibliaca nin: “Nunäpa mas allin canman […] lluy ima lulaśhanpipis cushicunanmá” (Eclesiastés 2:24). Jehová allin trabajadormi. Paynümi allin trabajador caśhun, chaymi śhun’unta cushichiśhun ya’anchicpis cushisham caśhun.
Trabajuca puydinmi, pero manam nunca Jehovata caćhaycuśhunchu masta trabajayninchicwan (Juan 6:27). Jehovata serviptinchic’a manam mudananchicta nï micuyninchicta faltachimäśhunchu.
2. ¿Ima ninmi Bibliaca illaycäpi?
Bibliaca ninmi imapäpis illayca yanapamanchicmi, pero illaycä manam cushicuyta umaśhunchu (Eclesiastés 7:12). Chaymi Bibliaca nimanchic illaycallacta mana ashinanchicpä, aśhwanpa consejamanchic: “Capuśhuśhayquillawan jawca capäcuy” (liguicuy Hebreos 13:5). Capamäśhallanchicwan cushisha captinchic manam afanacuśhunchu illaycallacta ashïta, manatacmi yapa-yapa manutacuśhunchu (Proverbios 22:7). Manam awsaśhunchu illayta ganananchicpä nï imactapis lulaśhunchu illayta ratulla ganananchicpä.
3. ¿Imanuypam yanapachwan illayninchicwan juccunacta?
Jehová śhun’unpi-uycümi, payta atichiśhun ‘śhun’unchicpi-uycul ñatac listo captinchic juccunaman uycunanchicpä capamaśhanchicta’ (1 Timoteo 6:18). Utunacuycäćhu yanapanchicmi illayninchicwan imacunapäpis, ñatac mayan hermanunchicpä mana illaynin captin yanapaycunchicmi. Jehová lican śhun’unchicpi uycuśhanchictam, manam achca uśhanchictachu. Śhun’unchicpi uycul cushisham caśhun, Jehovatapis cushichiśhunmi (liguicuy Hechos 20:35).
MASTA YAĆHAYCUŚHUN
Cayćhu yaćhaśhun mana ćhulananchicpä puntaman trabajunchicta ñatac capamäśhallanchicwan cushisha caśhun.
4. Jehovapänümi ima trabajuctapis lulaśhun
Jehovata allinta lisiptinchic ima trabajunchictapis paypänümi lulaśhun. Licaśhun VIDEUCTA ñatac limaśhun caypi:
-
¿Imanuymi trabajunćhu Jason cala?
-
¿Imactam lulala mana anchap ocupado cananpä trabajunćhu?
Liguiśhun Colosenses 3:23, 24 ñatac limaśhun caypi:
-
¿Imapïmi puydin trabajananchic ‘llapan śhun’unchicwan’?
Trabajuca puydinmi, pero manam nunca Jehovata caćhaycuśhunchu masta trabajayninchicwan.
5. Capamaśhallanchicwan cawsacuyca allinmi
Achca nunacunam illaynin cananpä imactapis lulapäcun, pero Bibliaca nimanchic cay consejutam. Liguiśhun 1 Timoteo 6:6-8 ñatac limaśhun caypi:
-
¿Ima consejuctam Bibliaca umanchic?
Cushisham caśhun mana alli cäniyüpis. Licaśhun VIDEUCTA ñatac limaśhun caypi:
-
¿Imapïmi cushisha cayalcan cay familiacunaca masqui ashllay illayniyülla calpis?
¿Achca illayninchic cayaptin mastalächun munanchic? Jesús yaćhachila cay pinsayca mana allin caśhanta. Liguiśhun Lucas 12:15-21 ñatac limaśhun caypi:
-
¿Imactam yaćhalunqui Jesús willacuśhampi? (Liguiśhun 15 versiculuta).
Liguiśhun Proverbios 10:22 ñatac tincuchiśhun 1 Timoteo 6:10 nishanwan. Chaypi’a limaśhun caypi:
-
¿Imam mas puydi canman: Jehovapa amigun caychun, o achca illayniyü caychun?
-
¿Imam pasamachwan illaycallactaña ashiptinchic?
6. Jehová manam imanchictapis faltachimäśhunchu
Mana trabajunchic o illayninchic captin mastalämi Jehovaman confiananchic. Licaśhun VIDEUCTA yaćhanapä imam yanapamachwan sasacunacta pasaptinchic ñatac limaśhun caypi:
-
¿Ima sasacunactam pasala videućhu hermanunchic?
-
¿Imactam lulala mana jucmanyananpä?
Liguiśhun Mateo 6:25-34 ñatac limaśhun caypi:
-
¿Imactam Jehová prometin mayancunactapis payman puntacta ćhulapäcuptin?
WAQUINCUNA NIPÄCUN: “Familiata manteninapä allictam trabajanä. Manam atipachu lïta utunacuycaman cada semana”.
-
¿Ima textum allinta yanapaśhunquiman Jehovata puntaman ćhulanayquipä?
IMACTAM YAĆHALUNCHIC
Trabajuwan illayca imacunaćhupis yanapamanchicmi, pero chaycunapï manam Jehovata serviśhanchicta caćhaycuśhunchu.
Yalpaśhun
-
¿Imam yanapaśhunquiman mana anchap trabajanayquipä?
-
¿Allinchun canman capamäśhallanchicwan cawsacuy?
-
Jehová manam imanchictapis faltachimäśhunchu, ¿imanuypam licachinquiman payman confiaśhayquita?
MASTA YAĆHANAYQUIPÄ
¿Juchachun canman illayniyü cayca? ¿Ima ninmi Bibliaca? Liguiy.
“¿Tiene el dinero la culpa de todos los males?” (Artículo de jw.org)
Cayćhumi yaćhanqui, ¿imactam lulanquiman Jehovata cushichinayquipä?
¿Juyuchućh canman illaypa awsay? Chayta yaćhanayquipä liguiy.
“El punto de vista bíblico: Los juegos de azar” (¡Despertad!, marzo de 2015)
¿Imam yanapala juc hombricta cambiananpä illaypa awsaptin ñatac suwacuptin? Liguiy.
“Me apasionaban las carreras de caballos” (La Atalaya, 1 de noviembre de 2011)
