நீங்கள் என்றைக்காவது வேலையையோ பணத்தையோ நினைத்து ரொம்பக் கவலைப்பட்டிருக்கிறீர்களா? வருமானத்தையும் பார்த்துக்கொண்டு ஆன்மீக விஷயங்களையும் செய்வது ஒருவேளை நமக்குக் கஷ்டமாக இருக்கலாம். ஆனால், நமக்குத் தேவையான நல்ல ஆலோசனைகளை பைபிள் தருகிறது.

1. வேலையைப் பற்றி பைபிள் என்ன சொல்கிறது?

நாம் சந்தோஷமாக வேலை செய்ய வேண்டுமென்று கடவுள் விரும்புகிறார். “கடின உழைப்பால் வரும் சந்தோஷத்தை அனுபவிப்பதைவிட மேலானது எதுவுமே இல்லை” என்று பைபிள் சொல்கிறது. (பிரசங்கி 2:24) யெகோவா ஓயாமல் வேலை செய்கிறவர். அவரைப் போலவே நாமும் கடினமாக உழைக்கும்போது அவருடைய மனதை சந்தோஷப்படுத்த முடியும், நமக்கும் திருப்தியாக இருக்கும்.

வேலை முக்கியம்தான். ஆனால், யெகோவாவைவிட அது முக்கியம் என்று நாம் நினைக்கவே கூடாது. (யோவான் 6:27) நம் வாழ்க்கையில் யெகோவாவுக்கு முதலிடம் கொடுக்கும்போது, நமக்குத் தேவையான எல்லாவற்றையும் அவர் கொடுப்பார்.

2. பணம் எந்தளவு முக்கியம்?

‘பணம் பாதுகாப்பு தரும்’ என்று பைபிள் சொன்னாலும், பணம் மட்டுமே நமக்கு சந்தோஷத்தைத் தந்துவிடாது என்றும் எச்சரிக்கிறது. (பிரசங்கி 7:12) அதனால், நாம் பண ஆசையைத் தவிர்க்க வேண்டும், ‘உள்ளதை வைத்துத் திருப்தியோடு இருக்க’ வேண்டும். (எபிரெயர் 13:5-ஐ வாசியுங்கள்.) அப்போது, ஆசைப்படுவதெல்லாம் கிடைக்கவில்லையே என்று நினைத்து விரக்தியடைய மாட்டோம். தேவையில்லாத கடனிலும் சிக்க மாட்டோம். (நீதிமொழிகள் 22:7) அதுமட்டுமல்ல, சூதாட்டத்திலும் திடீர் பணக்காரராகும் திட்டங்களிலும் மாட்டிக்கொள்ள மாட்டோம்.

3. பணத்தை எப்படி நல்ல விதத்தில் பயன்படுத்தலாம்?

யெகோவா தாராள குணமுள்ளவர். நாமும் அவரைப் போலவே ‘தாராளமாகக் கொடுக்க’ வேண்டும், ‘நம்மிடம் இருப்பதைப் பகிர்ந்துகொள்ள’ வேண்டும். (1 தீமோத்தேயு 6:18) உதாரணத்துக்கு, சபையின் செலவுகளுக்காக நம்மால் முடிந்த நன்கொடையைக் கொடுக்கலாம். அதோடு, கஷ்டத்தில் இருப்பவர்களுக்கு, முக்கியமாக நம் சபையில் இருப்பவர்களுக்கு, பண உதவி செய்யலாம். அப்போது, பணத்தை நல்ல விதத்தில் பயன்படுத்த முடியும். நாம் எவ்வளவு கொடுக்கிறோம் என்பதை அல்ல, எப்படிப்பட்ட மனதோடு கொடுக்கிறோம் என்பதைத்தான் யெகோவா பார்க்கிறார். நாம் மனதார கொடுக்கும்போது நாமும் சந்தோஷப்படுவோம், யெகோவாவும் சந்தோஷப்படுவார்.—அப்போஸ்தலர் 20:35-ஐ வாசியுங்கள்.

 ஆராய்ந்து பார்க்கலாம்!

4. யெகோவாவுக்குப் புகழ் சேர்க்கும் விதத்தில் வேலை செய்யுங்கள்

 5. போதும் என்ற மனமே பலன் தரும்

நிறைய பேர் பணத்தைக் குவிப்பதில்தான் குறியாக இருக்கிறார்கள். ஆனால், பைபிள் என்ன சொல்கிறது என்று கவனியுங்கள். 1 தீமோத்தேயு 6:6-8-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• பைபிள் என்ன ஆலோசனை தருகிறது?

6. யெகோவா நமக்குத் தேவையானதைக் கொடுப்பார்

 சுருக்கம்

வேலையும் பணமும் தேவைதான், ஆனால் யெகோவாவுக்கு சேவை செய்வதற்கு அவை ஒருநாளும் தடையாக இருக்கக் கூடாது.

ஞாபகம் வருகிறதா?

• வேலையை வைக்க வேண்டிய இடத்தில் வைக்க எது உங்களுக்கு உதவும்?

• போதும் என்ற மனம் இருந்தால் என்ன பலன் கிடைக்கும்?

• யெகோவா தன் மக்களைக் கவனித்துக்கொள்வதாக வாக்குறுதி கொடுத்திருப்பதை நீங்கள் நம்புகிறீர்களா? அந்த நம்பிக்கையை எப்படிக் காட்டுவீர்கள்?