DILONGI 37
Mbi Kibibila Kintuba Matedi Kisalu ayi Zimbongo?
Ngie mana kuazuka mu kibila ki kisalu ayi zimbongo? Dilenda ba diambu diphasi kukieba zitsatu zitu ayi mvandi kubuongimina Yave. Vayi Kibibila kituvana malongi mamboti malenda ku tusadisa.
1. Mbi Kibibila kintuba matedi kisalu?
Yave wuntomba wuzola kisalu kiaku. Kibibila kintuba ti “kuisi ko diambu dilutidi mboti kena mutu kudia, kunua ayi. . . Kukuangidika muel’andi mu kisalu kiandi.” (Mpovi 2:24) Yave wunzolanga beni kusala. Ayi tulenda landakana kifuani kiandi mu kuzolanga kusala. Befu kuvanga mawu, tunkuiza yangidika ntim’andi ayi mvandi tunkuiza baka mayangi.
Kusala didi diambu dinkinza. Vayi tulendi bika ko muingi kisalu kiluta ba nkinza kena mbuongimin’itu kuidi Yave. (Yoane 6:27) Yave wunkanikisa ti befu kuntula va theti mu luzingu luitu, nandi wunkuiza kieba zitsatu zitu zi kinsuni.
2. Buidi tufueti tadila zimbongo?
Kibibila kitu kamba ti “zimbongo zinkiebanga.” Vayi mvandi kitu lubula ti ziawu zituadisanga ko mayangi makiedika mu luzingu. (Mpovi 7:12) Diawu Kibibila kitu kindisila tubika zola zimbongo vayi “tuyangalala mu biuma tuidi.” (Tanga Ebeleo 13:5.) Befu kukuangalalanga mu biuma tuidi, tuisinkuiza bua ko mu ntambu wu kutomba biuma biwombo. Mawu mvandi mala tusadisa tubika kota mu zipholo. (Zingana 22:7) Mvandi tuisinkuiza vukumuka ko kuvitika kisalu voti kuvanga lungosu muingi tubaka busina buwombo. Kibila mawu malenda tula luzingu luitu ayi kikundi kitu na Yave va kingela.
3. Buidi tulenda sadila zimbogo zitu muingi kusadisa bankaka?
Yave widi nkua kukaba ayi tulenda landakana kifuani kiandi mu “kuba koko kuyalubuka.” (1 Timoteo 6:18) Tulenda sadila zimbongo zitu muingi kubuela mioko zitsatu zi kimvuka ayi mvandi muingi kusadisa batu badi tsatu bulutidi zikhomba zitu zi kiphevi. Yave kavuanga ko to nkinza zimbongo tumvananga, vayi nandi wunluta vuanga nkinza kibila tumvaninanga zimbongo beni. Befu kuzibula ntima bo tumvana biuma, tunkuiza baka mayangi ayi mvandi tunkuiza yangidika Yave.—Tanga Mavanga 20:35.
BUELA LONGUKA
Mona ndandu tunkuiza baka mu kutula kisalu va kibuangu kiandi ayi kukuangalala mu biuma tuidi.
4. Zitisa Yave mu phila wumvangilanga kisalu kiaku
Kikundi kitu na Yave kilenda tuadisa phila tunsadilanga. Tala VIDEO, bosi tubilanu biuvu binlanda.
-
Mu video tube mona, mbi ngie beluta zola mu phila Jason kamonisina zikhadulu zimboti ku kisalu?
-
Mbi nandi kavanga muingi kutadila kisalu kiandi mu phila yifuana?
Tanga Kolosai 3:23, 24, bosi tubilanu kiuvu kinlanda:
-
Kibila mbi didi diambu dinkinza kutadila kisalu kitu mu phila yifuana?
Kusala didi diambu dinkinza. Vayi tulendi bika ko muingi kisalu kiluta ba nkinza kena mbuongimin’itu kuidi Yave.
5. Tumbakanga ndandu mu kukuangalala mu biuma tuidi
Bawombo bantombanga kubaka busina. Vayi masi ko mawu Kibibila kitu kindisa kuvanga. Tanga 1 Timoteo 6:6-8, bosi tubilanu kiuvu kinlanda:
-
Mbi Kibibila kitu kindisa kuvanga?
Befu tulenda ba mu mayangi Kheti tuisi ko beni mbakulu. Tala VIDEO, bosi tubilanu kiuvu kinlanda.
-
Kheti basa ba ko mbakulu yiwombo, mbi bisadisa makanda amomo kutatamana kuba mu mayangi?
Boti tuidi biuma biwombo vayi tuntomba kubue baka binkaka didi diambu dimbi kuvanga mawu? Yesu, wuta kinongu muingi kutusadisa kuvisa ntambu wu kuyindudila mu phila ayoyo. Tanga Luka 12:15-21, bosi tubilanu kiuvu kinlanda:
-
Mbi ngie belonguka mu kinongu Yesu kata? —Tala lutangu 15.
Tanga ayi dedikisa mambu madi mu Zingana 10:22 ayi 1 Timoteo 6:10. Bosi tubilanu biuvu binlanda:
-
Mu ngie mbi bilutidi nkinza, kuba kikundi na Yave voti kuba zimbongo ziwombo? Kibila mbi?
-
Kibila mbi widi ntambu kutomba kubaka zimbongo ziwombo?
6. Yave wunkuiza kieba zitsatu zitu
Kusala beni ayi kutomba kubaka zimbongo ziwombo, wulenda ba ntambu wu Satana muingi kudekula kiminu kitu ayi ku tuvongisa mu kiphevi. Tala VIDEO muingi tumona mbi tufueti vanga bo tumviokila mu mambu manthota kiminu kitu, bosi tubilanu biuvu binlanda.
-
Mu video tube mona, mambu mbi maphasi khomba ayoyo kaviokila?
-
Mbi kavanga muingi kununga mambu beni?
Tanga Matai 6:25-34, bosi tubilanu kiuvu kinlanda:
-
Mbi Yave ka tukanikisa befu kuntula va theti mu luzingu?
BATU BANKAKA BANTUBANGA: “Yifueti kukivana mu kisalu muingi kudukisa zitsatu zi dikanda diama, diawu yilendi kuendila ko mu zikhutukunu zioso.”
-
Matangu mbi ma Kibibila ma kuvana lufiatu ti, kutula Yave va theti mu luzingu, mawu makani malutidi nkinza?
MBI NGIE BELONGUKA
Kisalu ayi zimbongo, bidi biuma binkinza. Vayi tulendi bika ko muingi biuma abiobio bitu vuvusa mu kisalu ki Yave.
Vutukila Mambu Mamfunu
-
Mbi bilenda ku tusadisa kutadila kisalu mu phila yifuana?
-
Ndandu mbi wunkuiza baka mu kuyangalala mu biuma widi?
-
Buidi wulenda monisina ti wumfiatilanga mu lukanu lu Yave lu kudukisa zitsatu zitu?
TALA MAMBU MANKAKA
Mona boti Kibibila kintuba ti zimbongo zidi kiuma kimbi.
Longuka ntindu nkhayilu Yave kantombanga.
“Mbi Kibibila Kintuba Matedi Kuba Koku Kuyalubuka?” (Dilongi didi mu jw.org)
Kuta bisavu bi zimbongo, yidi to phila yi kuviokisila thangu?
Mona mbi bisadisa dibakala dimueka wuba muivi ayi waba tanga bisavu bi zimbongo kanungina kubalula luzingu luandi.
“Eu era apaixonado por corridas de cavalos” (A Sentinela, 1 de Novembro de 2011)
