UMBUESÁ 37

Maã Biblía umbeu murakí asuí dinheiro resé?

UYUPIRŨ

Reyupreocupari será mayé repoderi rerikú yepé murakí asuí dinheiro? Amuramé iwasú yarikú arama maã yaprecisariwaá asuí yadorari Jeová mayé aé uputari. Ma Bíblia upoderi umeẽ conselho puranga uajudari arama yandé.

1. Maã Bíblia umbeu murakí resé?

Deus uputari yapurakí surisá irum. Bíblia umbeu “não há nada melhor para o homem do que . . . desfrutar do seu trabalho árduo”. (Eclesiaste 2:24) Jeová upurakí retana. Yaputari yamuñhã mayé iyawé, yapurakí yané piá suí. Yamuñhã ramé kuayé yamusurí Jeová asuí yapitá surí.

Yaprecisari yapurakí, ma ne mairamé yapoderi yamanduári yané murakí importante piri yadorariwaá suí Jeová. (João 6:27) Jeová uprometeri yamuñhã ramé ivontade primeiro yané vida upé aé usú umeẽ yandé arama pañhe maã yaprecisariwaá.

2. Mayé yarikuté yamaã dinheiro?

Bíblia umbeu: “O dinheiro é uma proteção.” (Eclesiaste 7:12) Bíblia umbeu ti yapoderi yamanduári añhũ dinheiro upoderi umuñhã yandé yapitá surí. Yawewaá resewara, Bíblia umbeu ti yarikuté yasaisú dinheiro ‘ma yarikuté yaikú surí maã irum yarikúwaá’. (Releri Ebreoitá 13:5.) Yamuñhã ramé kuayé ti yapitá yamuseíma yamanduári resewara ne mairamé yarikú maã yaprecisariwaá. Asuí ti yasú yapiripana maã tiwaá yapoderi yapagari. (Provérbiuitá 22:7) Asuí ti yasú yamuñhã maã yawaitewaá yapitá arama rico kutara.

3. Mayé yapoderi yausari yané dinheiro yajudari arama amuitá?

Jeová ti sakatiíma, asuí yapoderi yamuñhã mayé yawé mairamé ‘surí yaxári arama turusu yané maãitá pirasuwaitá supé’. (1 Timóteo 6:18) Yapoderi yamuñhã kuayé yajudari ramé congregação upé asuí mairamé yané imũitá ta uprecisari. Jeová ti umaã maã yameẽ amuitá supé, ma marã yameẽ. Yameẽ ramé yané piá suí, yapitá surí asuí yamusurí Jeová. — Releri Ato 20:35.

REYUMBUÉ PIRI ARAMA

Remaã mayé yarikuté yamaã yané murakí asuí marã puranga yaikú surí maã irum yarikuwaá.

4. Repurakí ramé ne piá suí repoderi remeẽ glória Jeová supé

Yarikú ramé yepé amizade kirimbá Jeová irum, yamaã yané murakí mayé Jeová umaã. Pemaã kuá VÍDEO. Ariré pekuntari kuá resé:

VÍDEO: Repurakí ne piá suí Jeová supé (4:39)

Kuá vídeo upé, maã regustari mayé Jonas upurakí?
Maã taá aé umuñhã upurakí arama ipiá suí asuí ti arama upurakí retana?

Peleri Kolosowaraitá 3:23, 24. Ariré pekuntari kuá resé:

Marã taá importante yapurakí yané piá suí?

Yaprecisari yapurakí. Ma yané murakí ne mairamé upoderi umuapatuka yadorari arama Jeová.

5. Puranga yandé arama mairamé yapitá surí maã irum yarikuwaá

Siya miraitá ta usikari ta uganhari bũa dinheiro. Ma Bíblia umbeu yarikuté yamuñhã amú maã. Peleri 1 Timóteo 6:6-8. Ariré pekuntari kuá resé:

Maã taá Bíblia umbeu yarikuté yamuñhã?

Ti yaprecisari siya maã yarikú arama surisá. Pemaã kuá VÍDEO. Ariré pekuntari kuá resé:

VÍDEO: “Peikú surí irum kuá perikuwaá” (3:20)

Kuá anamaitá ti ta urikú bũa dinheiro, ma maã uxari aintá surí?

Maã taá yapoderi yamuñhã sá yarikúwana siya maã, ma yaputari yarikú piri? Jesus umbeu ti puranga yamuñhã kuayé. Peleri Luka 12:15-21. Ariré pekuntari kuá resé:

Maã taá reyumbué maã irum Jesus umbeuwaá resé? — Pemaã versículo 15.

Peleri Provérbiuitá 10:22 asuí 1 Timóteo 6:10. Ariré pekuntari kuá resé:

Indé arama, maã taá importante piri: yarikú Deus mayé yané rumuara u yarikú bũa dinheiro? Marã taá remanduári kuayé?
Maã puxiwera upoderi usasá sá yepé mira usikari urikú bũa dinheiro?

6. Jeová usú umeẽ pañhe maã yaprecisariwaá

Amuramé, iwasú yaruyari arama Jeová resé mairamé yayupreocupari dinheiro resé asuí yané murakí resé. Pemaã kuá VÍDEO pekuá arama maã yapoderi yamuñhã yasasá ramé kuayewaá rupí. Ariré pekuntari kuá resé: