Nɔ mìle agbeɔ, enunywi sugbɔ li mìatɛnŋ awanɔ yí eji ajɔnɔ mì. Nɔ mìtokɔ cukaɖawo mɛ can ɔ, ŋɖewo le agbeɛ mɛ yí atɛnŋ adokɔ jijɔ nɔ mì. Lé mìatɛnŋ adasɛ nɔ Yehowa mɔ agbe lɔ ci ena mì jeŋ nɔ mìɔ? Yí enuvevitɔ ci yí adɔ mìawɛni ahan ɔ?

1. Nyi yí taɖo mìɖo ayɔ agbe lɔ mɔ enublebuɔ?

Enunana ci yí nyi agbe ɖo anyi enublebu nɔ mì, ɖo mìwo Da amɛlɔntɔ Yehowa gbɔ eso. Eyi mɛ “agu agbe tɔ toso”—eyi na agbe ŋciwo pleŋ yí li. (Ehajiji Wema 36:9) “É yí nanɔ agbe agbetɔvi ɖekpokpwi, yí nanɔ gbɔngbɔn enuɖeshaɖe.” (Edɔwawawo 17:25, 28) Yehowa nanɔ mì ŋciwo pleŋ mìʒan anɔ agbe. Ci yí gbenyɔ wu hunnɔɔ, égbekpenɔdo mì nu yí mìsenɔ vivi nɔ enu lɔwo zanzan.—Hlɛn Edɔwawawo 14:17.

2. Lé mìatɛnŋ adasɛ nɔ Yehowa do mɔ agbe ci ena mì jeŋ nɔ mìɔ?

So hwenu nɔo fɔn ao fu ɖii yí Yehowa tɔ ebu lele nɔ eo. Yehowa zan yi gbɔngbɔn kɔkɔɛ yí sɔ xo nuxu nɔ yi sɛntɔ Davidi yí eŋwlɛ ɖɛ mɔ: ‘Ao ŋkuviwo kpɔŋ hwenu ŋnyi hunkɔn.’ (Ehajiji Wema 139:16, NWT) Enuvevi ao gbe nyi nɔ Yehowa. (Hlɛn Matie 10:29-31.) Ave nɔ Yehowa sugbɔ nɔ mɛɖe ɖui yí wu amɛ, nɔ egbenyi yiɖeki ewu can. a (Hunhun 20:13) Agbeve nɔ Yehowa hɛnnɛ, nɔ mìsɔ mìwo gbe do afɔku mɛ gbaagbali alo nɔ mìdewa ɖaŋ wa nuwo nywiɖe yí sɔ glɔn ta nɔ mɛbuwo gbe o. Nɔ mìlenɔ bu nɔ mìwo gbe yí donɔ bubu mɛbuwo tɔ nuɔ, anyi kpɔ mɔ enunana jiŋ ci yí nyi agbe lɔ jeŋ nɔ mì.

 JI DWI NI KPƆ DOJI

3. Lenɔ bu nɔ ao lanmɛsɛn

Kristotɔ ciwo yí donɔ vevi nu, zannɔ wowo gbenɔnɔ kpaxwe ɖeshiaɖe sɔ sɛnnɔ Yehowa. Ele shigbe mɔ wosɔ wowoɖekiwo koɖo wowo gbe sɔ jo nɔ Mawu shigbe vɔnsa kɔkwɛ ni hannɛ. Hlɛn Rɔmatɔwo 12:1, 2, keŋ agbeje nyɔbiɔse cɛwo mɛ:

• Enuvevi ci yí adɔ nalenɔ bu nɔ ao lanmɛsɛn ɔ?

• Lé àtɛnŋ awɛ doɔ?

 5. Do bubu evi ci yí le xodumɛ gbe nu

Davidi zan ehajiji nyɔgbewo yí sɔ dre lé enu ciwo pleŋ yí yinɔ ji hwenu ɖevi ɖe shinshin ɛ le dɔmɛ nɔ nɔlɔ nɔnɔ veviɖe nɔ Yehowa do. Hlɛn Ehajiji Wama 139:13-17, keŋ agbeje biɔse cɛ mɛ:

• Le Yehowa gbɔ ɖe, hwenu woji mɛɖe yí yi gbe tɔnɔ jia alo hwenu wofɔn yi fu yɔ?

Le blema Izraɛliɔ, ese ciwo Yehowa do glɔnnɔ ta nɔ vinɔwo koɖo wowo vi ciwo yí le dɔmɛ nɔ wo. Hlɛn Hunhun 21:22, 23, keŋ agbeje biɔse cɛwo mɛ:

• Nɔ mɛɖe do afɔku ɖevi ɖe ci yí le dɔmɛ yí eku ɖe, lé Yehowa kpɔnɔ amɛ lɔ doɔ?

• Lé awa nɔ Yehowa nɔ mɛɖe ɖui yí wɛɔ? b

• Lé èkpɔ Mawu susu lɔ doɔ?

Xo VIDEO lɔ.

Etɛnŋ vajɔ mɔ nyɔnu ɖe ci yí donɔ bubu agbe nu, avakpɔɛ mɔ efu yí yeakɔ gbɔxwe akpa ye. Hlɛn Ezai 41:10, keŋ agbeje biɔse cɛwo mɛ:

• Nɔ wovaʒinʒin ɛ nyɔnu ɖe ji mɔ efu yɛɖo akɔ ɖe, mi yí atrɔ kpanŋkɔ nɔ akpedo nuɔ? Nyi yí taɖoɔ?

 ENU CI ÈKPLA

Bibla kpla mì mɔ agbe ci Yehowa na mì le jɔnɔ ji nɔ mì. Ekpla mì hɛnnɛ mɔ mìwo le donɔ bubu yi nu yí agbeglɔnnɔ ta ni. Enyɔ cɛ kan mìwoŋtɔwo gbe koɖo mɛbuwo tɔ hɛnnɛ.

Enumɛtoto

• Nyi yí na taɖo agbetɔvi gbe le veviɖe nɔ Yehowaɔ?

• Nɔ mɛɖe ɖui yí wu amɛ ɖe, lé ewanɔ nɔ Yehowaɔ?

• Nyi yí taɖo èdonɔ akpe nɔ Yehowa nɔ agbe ci ena mìɔ?