PELAJAREN 38
Ergailah Kegeluhen
Perban kita nggeluh, melala si banci silakoken janah meriah ukurta. Amin pe lit masalahta, biasana lit denga si banci erban meriah ukurta. Uga carata mbuktiken maka siergai kegeluhen? Kai alasen si pentingna maka siergai kegeluhen e?
1. Engkai maka arus siergai kegeluhen?
Arus siergai kegeluhen, perban e pemere arah Bapakta si perkeleng eme Jahwe. Ia me “sumber kegeluhen” perban Ia si nciptaken kerina kegeluhen. (Masmur 36:9) “Ia si mereken kegeluhen, kesah, ras kerinana man manusia.” (Perbahanen Rasul-Rasul 17:25, 28) Jahwe si mereken kerina keperlunta gelah banci tetap nggeluh. Tapi si bereNa man banta labo e saja, melala si berekenNa gelah meriah ukurta ndalani geluh enda.—Baca Perbahanen Rasul-Rasul 14:17.
2. Uga carata mbuktiken man Jahwe maka siergai kegeluhen si iberekenNa?
Mulai kin kam bas bertin ntah pe rahim, enggo perdiateken Jahwe kam. Bas Pustaka si Badia, lit sekalak umat Dibata si gelarna Daud. Ertoto ia, nina, “Bas rahim mamakku pe aku idahNdu.” (Masmur 139:16) Meherga kel akap Jahwe kegeluhenndu. (Baca Matius 10:29-31.) Ceda kel ukur Jahwe adi lit kalak si sengaja munuh kalak si deban ntah pe adi lit kalak si bunuh diri. a (Keluaren 20:13) Ceda kel ukur Jahwe adi la kita hati-hati janah bahaya siban kegeluhenta bage pe kegeluhen kalak si deban. Adi sijaga kegeluhenta janah siergai kegeluhen kalak si deban, sibuktiken maka siergai kel pemere Jahwe eme kegeluhen si luar biasa.
PELAJARI TERBAGESEN
Sibahas kari kai saja si banci lakokenndu guna mbuktiken maka ergaindu kegeluhen si ibereken Jahwe.
3. Jagalah kesehatenndu
Kalak Kristen si enggo mbaktiken diri man Jahwe, igunakenna kerina geluhna guna ngelayani Ia. Tempa-tempa persembahken kalak e dirina jadi korban man Dibata. Bacalah Roma 12:1, 2, kenca si e bahas penungkunen enda:
-
Arah ayat e, kai nge si arusna erban kam nggit njaga kesehaten?
-
Kai saja si banci lakokenndu gelah banci tetap sehat?
4. Jagalah keselamatenndu bage pe kalak si deban
Ibereken Pustaka si Badia kita pedah gelah banci sihindari kai pe si banci mbahayaken kegeluhenta bage pe kalak si deban. Putar VIDEO guna meteh kai saja si banci lakokenndu bas njaga keselamaten.
Bacalah Kuan-kuanen 22:3, kenca si e bahas uga kam ras kalak si deban banci njaga keselamaten . . .
-
i rumah.
-
i bas ingan dahin.
-
sanga olahraga.
-
sanga maba kendaran ntah pe bas kendaran.
5. Ergailah kegeluhen bayi si lenga lahir
Ijelasken Daud maka perdiateken Jahwe kel kegeluhen ras perkembangen bayi si lenga lahir. Bacalah Masmur 139:13-17, kenca si e bahas penungkunen enda:
-
Adi menurut Jahwe, ndigan nge kegeluhen sekalak jelma imulai, sanga pembuahen nge ntah kenca ia lahir?
Mbarenda bereken Jahwe undang-undang man bangsa Israel, si ngelindungi pernanden ras anakna si lenga lahir. Bacalah Keluaren 21:22, 23, kenca si e bahas penungkunen enda:
-
Uga nge perasan Jahwe adi lit kalak si la sengaja erban mate bayi si lenga lahir?
-
Adi bage, uga nge perasan Jahwe adi lit kalak si sengaja ngelakokenca? b
-
Setuju nge kam ras Jahwe? Engkai?
Diberu si ngergai kegeluhen pe, banci saja lit bas situasi si erban ia erpengakap aborsi ngenca jalan keluarna. Bacalah Jesaya 41:10, kenca si e bahas penungkunen enda:
-
Adi sekalak diberu ipaksa gelah nggugurken kandungen, man ise nge ia arusna mindo penampat? Engkai?
LIT SI NGATAKEN: “Mon-mon situasi nge si erbanca sekalak diberu terpaksa aborsi.”
-
Kai si erban kam tek maka meherga iakap Jahwe kegeluhen sekalak pernanden bage pe kegeluhen anak si lit i bas bertinna?
KESIMPULEN PELAJAREN ENDA
Pustaka si Badia ngajari kita gelah sikelengi, siergai, ras sijaga kegeluhen si ibereken Jahwe. Enda termasuk kegeluhenta bage pe kegeluhen kalak si deban.
Kai si Enggo Sipelajari?
-
Engkai maka meherga iakap Jahwe kegeluhen manusia?
-
Uga nge perasan Jahwe adi lit kalak si sengaja munuh kalak si deban ntah pe adi lit kalak si bunuh diri?
-
Kai saja si erban meherga akapndu kegeluhen?
DARAMI TERBUEN
Uga carata ngata bujur man Jahwe perban enggo bereNa kita kegeluhen?
Nggit nge Dibata ngampuni kalak si pernah nggugurken kandungen? Bacalah jawapenna.
“Apa yang Alkitab Katakan tentang Aborsi, atau Pengguguran Kandungan?” (Artikel web)
Adi seri perukurenta ras Dibata kerna kegeluhen, rekreasi si uga nge si la silakoken?
“‘Olahraga Ekstrem’ —Mestikah Anda Mengambil Risiko?” (Sedarlah! 8 Oktober 2000)
Uga Pustaka si Badia banci nampati kalak si bunuh diri atena?
“Saya Mau Mati Saja—Bisakah Alkitab Menolong Agar Saya Tidak Bunuh Diri?” (Artikel web)
a Ermediate kel Jahwe man kalak si getem kel pusuhna. (Masmur 34:18) Banci angkai Jahwe maka kalak si getem pusuhna, banci turah ukurna bunuh diri. Merhat kel Jahwe nampati kalak si bage perasanna. Guna meteh uga Jahwe nampati kalak si bage, bacalah artikel “Saya Mau Mati Saja—Bisakah Alkitab Menolong Agar Saya Tidak Bunuh Diri?” bas bagin Darami Terbuen si lit bas pelajaren enda.
b Kalak si pernah nggugurken kandungen, labo perlu terus salah akapna bana. Jahwe nggit ngampuni ia. Guna ndatken terbuen informasi, bacalah artikel “Apa yang Alkitab Katakan tentang Aborsi, atau Pengguguran Kandungan?” bas bagin Darami Terbuen si lit bas pelajaren enda.
