A libi a wan switi sani. Winsi wi abi booko-ede, toku u sa piisii fu a libi. Fai sa soi taki ai bigi gii taki Gadu meke i? Saide a pelensipali fu du a sani ya?

1. Saide u mu teke en fu bigi taki u de a libi?

We si a libi enke wan gaan sani, bika a di Yehofa lobi u meke a gi wi en. Neen meke ala sani (Psalm 36:9). ‘Neen meke u de a libi’ (Toli fu den apostel 17:25, 28). Yehofa á meke u namo da a kaba, ma a gi wi ala san wi abi fanowdu fu tan a libi. Boiti dati, ai yeepi u fu u sa piisii fu a libi.​—Leisi Toli fu den apostel 14:17.

2. Fai sa soi Yehofa taki ye teke en fu bigi taki i de a libi?

Senten di i de aini bee neen Yehofa lobi i. Neen meke Kownu David sikiifi taki: ‘I be e si mi di mi be de aini mi mma bee’ (Psalm 139:16). Yehofa e si a libi fi yu enke wan pelensipali sani. (Leisi Mateyesi 10:29-31.) Neen meke a be o hati en efu wan sama kii wan taawan. Ai hati en te sama e kii denseefi a (Ekisodesi 20:13). A be o hati en tu efu a si taki wan sama nai lesipeki a libi fi en efuso a libi fu wan taa sama. Te ye soi taki ye lesipeki a libi fi yu anga a libi fu taawan, da ye soi taki ye teke en fu bigi taki Yehofa meke u de a libi.

 LUKU A TOLI YA MOO FINI

3. Meke moiti fi yu abi wan bun gusontu

Te wan sama paamisi Yehofa taki aw dini en, da a leti enke a libi fu a sama a fu Yehofa. En hii libi langa aw dini Yehofa. A libi fi en de enke wan ofaandi di a gi Gadu. Leisi Romesama 12:1, 2, da i luku efii poi piki den akisi ya:

• Saide i mu solugu bun gi a gusontu fii?

• San a wantu fasi fai sa du a sani ya?

 5. Soi taki ye lesipeki a libi fu wan pikin di de aini bee

David sikiifi wantu sani di e yeepi u fu fusutan fa Yehofa e si a libi fu wan pikin di á meke ete. Leisi Psalm 139:13-17, da i luku efii poi piki a akisi ya:

• Fanafu on ten a libi fu wan sama e bigin gi Yehofa, te a meke efuso te a de aini bee?

Den weiti di Yehofa be gi den Islayelisama be e kibii a libi fu wan bee uman anga a pikin fi en. Leisi Ekisodesi 21:22, 23, da i luku efii poi piki den akisi ya:

• San Yehofa taki be mu pasa anga wan sama di kii wan pikin aini en mma bee, winsi a ná fu seefi?

• Fai denki Yehofa be o si wan sama di kii wan pikin di de aini en mma bee fu seefi? b

• Fai fende a fasi fa Yehofa e si a sani ya?

Pee a FELON.

Son leisi wan mma di e si a libi enke wan pelensipali sani, sa si enke a moo bun sani a fu puu a bee. Leisi Yesaya 41:10, da i luku efii poi piki a akisi ya:

• Sama wan uman mu suku yeepi te sama e dwengi en fu puu bee? Saide i taki so?

 SAI LELI?

Beibel e leli u taki u mu si a libi enke wan pelensipali sani. U mu lesipeki a libi fu wi anga du fu taawan tu, bika a Yehofa gi wi a libi.

Sai be o piki?

• Saide a libi fu wan sama pelensipali gi Yehofa?

• Fa Yehofa e si a kii di sama e kii taawan fu seefi?

• Fa ye si a libi di Gadu gi u?