ZASEŊƆ 38
Eŋɛ Pa’alɛ Ti Ho Puurɛ Pee Ya La Vom
To tari vom la zuo, to wan ta’an eŋɛ yɛla zo’e zo’e. Yɛla san puɣum daana tɔ to wan ta’an kelum tara pupeelum to vom poan. To wan eŋɛ la wani pa’alɛ ti to puurɛ pee ya la vom? Bem zuo ti to ita bala?
1. Beni n sɔi ti la nara ti to puurɛ pee la vom?
La nari ti to puurɛ pee la vom se’ere n sɔi la, la dela bo’olum n ze’ele to nɔŋerɛ Sɔ Yehowa zɛ’an na. “Vom ze’ele la” eŋa zɛ’an, eŋa n naam bunvɔa woo. (Yooma 36:9) “Eŋa mea n bo’ori nɛra woo vom la vo’osum la sɛla woo.” (Tooma 17:25, 28) Yehowa n bo’ori to sɛla n basɛ ti to vɔna. Ge sɛla n gani bala dela eŋa n basɛ ti to tara vom la pupeelum.—Kaalɛ Tooma 14:17.
2. To wan eŋɛ la wani pa’alɛ Yehowa ti to puurɛ pee ya la to tari vom la?
Kɔ’ɔn pɔsɛ se’em ma’a ti ba nyɔkɛ ho puurɛ, Yehowa kɔ’ɔn bisa ho la bala. Naayinɛ vo’osum la yuun basɛ ti David gulesɛ ti: “Hali ho nini nyɛ mam n daa de bia bɔna puuren la mɛ.” (Yooma 139:16) Ho vom pakɛ Yehowa mɛ. (Kaalɛ Matu 10:29-31.) La wan sa’am a suure paa nɛra san mina fii ge ku a tadaana bii a ku la amea. a (Yɛhega 20:13) La me wan sa’am Yehowa suure to san mina fii ge dekɛ to vom eŋɛ dɛŋa poan bii to ka te’ele nɛra vom. To san tara tomesi soŋa ge me tara gilema bɔ’ɔra nɛreba vom, to iti pa’ala ti to puurɛ pee ya la vom n de nyalema bo’olum la.
VIISƐ PA’ASƐ
Bisɛ sarɔtɔ se’a ti ho wan ta’an eŋɛ pa’alɛ ti ho puurɛ pee ya la vom.
3. Bisa ho imma’asum yɛla soŋa
Kristakɔma n kã bamesi, dekɛ ba vom za’a pu’usa la Yehowa. La ani wuu ba dekɛ la ba iŋa za’a kaabɛ bo Naayinɛ. Kaalɛ Arom 12:1, 2 ge nyaa sɔsɛ sokere ana wa:
-
Bem n sɔi ti la nara ti ho bisa ho imma’asum yɛla soŋa?
-
Sarɔtɔ ani ti ho wan ta’an eŋɛ bala?
4. Ni bisɛ homea soŋa ti nɛra da pɔɣelum bii ki
Baabule la kpemese to giila ti to gu tomesi dɛŋa poan. Ŋmɛ VIDIYO la ge zamesɛ baŋɛ yelese’a ti ho wan eŋɛ ta’an tara homea soŋa.
Kaalɛ Magaha 22:3 ge sɔsɛ hon la basɛba n wan ta’an eŋɛ se’em tara yamea soŋa . . .
-
ho yire poan.
-
ho tuuma zɛ’an.
-
ya san kpɛmesa giila.
-
ho san tukera loore bii ho bã’ari mɛ.
5. Bisa bia n nan boi pooren vom soŋa
David yuun pa’alɛ ti bia n nan boi puuren zɔ’ɔra vom pakɛ Yehowa mɛ. Kaalɛ Yooma 139:13-17 ge nyaa sɔsɛ sokere wa:
-
Yehowa puti’irɛ poan, nɛra vom ni pɔsɛ la puurɛ nyɔkerɛ bii dɔɣum poan?
Yehowa lɔɔ la ti a yuun dekɛ bo daami Israeldoma la yuun te’ele pɔɣepuusidoma la ba kɔma n boi puuren mɛ. Kaalɛ Yɛhega 21:22, 23 ge nyaa sɔsɛ sokere ana wa:
-
Yehowa yuun ni geele nɛra n ka mi ge sa’am puurɛ la wani?
-
La wan ana en la wani nɛra san mina fii ge ka’ɛ puurɛ basɛ? b
-
La ani hon la wani la Naayinɛ puti’irɛ wa?
Hali pɔka n geele vom ti bu dela tuulum ta’an kelum ti’isa ti eŋa n ka’ɛ puurɛ la basɛ n sɔ̃i. Kaalɛ Isaiah 41:10 ge nyaa sɔsɛ sokere ana wa:
-
Ba san pɛregera pɔka ti a ka’ɛ puurɛ basɛ, ani n wan ta’an soŋɛ en? Bem zuo?
NƐREBA BASƐBA YETI: “Pɔka tari sore ti a ka’ɛ amea puurɛ basɛ—la dela amea iŋa.”
-
Bem n basɛ ti hon sakɛ ti pɔɣepɔadaana, la bia la n nan boi puuren la vom pakɛ Yehowa mɛ?
YELEKPINE
Baabule la pa’alɛ tɔ ti to nɔŋɛ, tɛ’ɛla ge me tara gilema bɔ’ɔra vom la ti Yehowa dekɛ bo to la. Wana wa laɣum pa’asɛ la tomesi vom la basɛba me vom.
Tiisegɔ Sokere
-
Beni n sɔi ti asaala vom dɛna tuulum bɔ’ɔra Yehowa?
-
La ni ana Yehowa la wani nɛra san mina fii ge ku a tadaana?
-
Bem n basɛ ti hon puurɛ pee la hon tari vom la?
Ɛ BISƐ
To wan eŋɛ la wani ta’an pɛɣɛ Yehowa la eŋa n bo to vom la?
Nyɛ sokere wa n de, Naayinɛ wan di sugeri bo pɔka n ka’ɛ puurɛ basɛ? lebesego
Zamesɛ baŋɛ Naayinɛ n geele vom se’em la, n nari ti la soŋɛ hɔ ti ho loe ho de’eŋo yɛla se’em.
“La Nari Ti Ho Dekɛ ‘Nyɔpɔ̃sega De’eŋoʼ Kpemesa Giila?” (Awake!, October 8, 2000)
Nɛra san ti’isa ti a ku amea, bisɛ Baabule la n wan ta’an soŋɛ en se’em.
“Mam Boti N Ku La N Mea—Baabule La Wan Ta’an Soŋɛ Mam N San Ti’isa Kum Yele?” (La boi jw.org)
a Yehowa fabeli sɛba sunya n sa’am la yele me paa. (Yooma 34:18) A mi la ni wuna to se’em mɛ ti to ni bɔta ti to ku tomesi. A me kɔ’ɔn bɔta ti a soŋɛ to mɛ. Ho san ɛɛra soŋerɛ ti yɛla ta’an tee soŋa bo ho, kaalɛ “Mam Boti N Ku La N Mea—Baabule La Wan Ta’an Soŋɛ Mam N San Ti’isa Kum Yele?” n boi zaseŋɔ wa Ɛ Bisɛ bɔberɛ la.
b Sɛba n tabelɛ ka’ɛ puurɛ basɛ ka nari ti ba ba’ɛ basɛ ti yele la daana ba—Yehowa ta’an di sugeri bo ba. Ho san ɛɛra yɛla pa’asɛ, bisɛ “Baabule La Tɔɣɛ Puka’asegɔ Yele La Wani?” n boi zaseŋɔ wa Ɛ Bisɛ bɔberɛ la.
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
