TZOLOM 38
Qoxloqʼihaq li yuʼam li kixsi qe li Yos
Naabʼal li sahilal naru naqataw saʼ li qayuʼam. Usta wank li chʼaʼajkilal naru naqataw li sahil chʼoolejil. Chanru tooruuq xkʼutbʼesinkil naq oxloqʼ chiqu li yuʼam? Kʼaʼut naq jwal oxloqʼ chiqu xbʼaanunkil aʼin?
1. Kʼaʼut tento tqoxloqʼi li yuʼam?
Oxloqʼ raj chiqu li yuʼam xbʼaan naq aʼan jun li maatan li kixkʼe qe li Jehobʼa. Aʼan «li xyoʼlebʼaal li yuʼam» xbʼaan naq aʼan kiyobʼtesink re chixjunil li wank xyuʼam (Salmo 36:10). «Aʼan bʼan li nakʼehok re li qayuʼam chiqajunilo, li qamusiqʼ ut chixjunil li kʼaʼaq re ru» (Hechos 17:25, 28). Joʼkan bʼiʼ, li Jehobʼa naxkʼe qe li naʼajmank chiqu re naq yoʼyooqo. Li Jehobʼa naraj ajwiʼ naq tqayal xsahil li qayuʼam (yaabʼasi Hechos 14:17).
2. Chanru naru naqakʼutbʼesi chiru li Jehobʼa naq oxloqʼ chiqu li yuʼam?
Chalen li hoonal naq laanaʼ xkanaak saʼ yuʼam li Jehobʼa ak nakatxra chaq. Laj David kixye re li Jehobʼa: «Toj majiʼ ninyoʼlaak chaq, ak nakawil wu» (Salmo 139:16). Oxloqʼ chiru li Jehobʼa laayuʼam (yaabʼasi Mateo 10:29-31). Narahoʼk xchʼool li Jehobʼa naq naqaj xkamsinkil qibʼ malaj naqaj xkamsinkil junaq li kristiʼaan (Éxodo 20:13). a Narahoʼk ajwiʼ xchʼool naq naril naq yal naqaj xkʼebʼal li qayuʼam saʼ xiwxiwal malaj xyuʼam ebʼ li junchʼol. Naq oxloqʼ chiqu li qayuʼam ut li xyuʼam ebʼ li junchʼol, naqakʼutbʼesi naq oxloqʼ chiqu li maatan li kixkʼe qe li Jehobʼa.
QASIKʼAQ XCHAMAL LI NAʼLEBʼ
Qilaq wiibʼ oxibʼ li naʼlebʼ li tooxtenqʼa chi roxloqʼinkil li yuʼam.
3. Qakʼaakʼalehaq li qajunxaqalil
Saʼ xkʼabʼaʼ naq xqaqʼaxtesi li qayuʼam choʼq re li Jehobʼa naqoksi li qayuʼam joʼ nawulak chiru aʼan. Xqaqʼaxtesi li qayuʼam joʼ mayej choʼq re li Jehobʼa. Cheeyaabʼasi Romanos 12:1, 2 ut chexʼaatinaq chirix ebʼ li patzʼom aʼin:
-
Kʼaʼut aajel ru naq tqakʼaakʼale li qajunxaqalil?
-
Chanru tooruuq xbʼaanunkil?
4. Kol rix laayuʼam ut xyuʼamebʼ li junchʼol
Li Santil Hu naxye qe naq tqatzʼeqtaana chixjunil ebʼ li naʼlebʼ li naru naxkʼe li yuʼam saʼ xiwxiwal. Cheerilaq li BʼIDEO ut teekʼe reetal chanru texruuq xkolbʼal leeyuʼam.
Cheeyaabʼasi Proverbios 22:3 ut chexʼaatinaq chirix chanru inkʼaʼ teekʼe leeyuʼam saʼ xiwxiwal naq...
-
... wanqex saʼ leerochoch.
-
... wanqex saʼ leekʼanjel.
-
... yooqex chi bʼatzʼunk.
-
... yooqex xbʼeresinkil jun li kaar.
5. Oxloqʼaq chaawu li xyuʼam li kʼuulaʼal li toj maajiʼ nayoʼlaak
Laj David kixye naq oxloqʼ chiru li Jehobʼa chixjunil li naxkʼul li kʼuulaʼal li toj wank saʼ xkʼubʼ xsaʼ li xnaʼ. Cheeyaabʼasi Salmo 139:13-17 ut chexʼaatinaq chirix li patzʼom aʼin:
-
Choʼq re li Jehobʼa, joqʼe natiklaak xyuʼam junaq li kʼuulaʼal, ma naq nayoʼlaak malaj saʼ li hoonal naq kikanaak saʼ yuʼam li xnaʼ?
Saʼebʼ li chaqʼrabʼ li kixkʼe li Jehobʼa rehebʼ laj Israel naxkol li xyuʼam li naʼbʼej ut li kʼuulaʼal li toj maajiʼ nayoʼlaak. Cheeyaabʼasi Éxodo 21:22, 23, TNM, ut chexʼaatinaq chirix ebʼ li patzʼom aʼin:
-
Chanru naril li Jehobʼa li kristiʼaan li moko yal kiraj ta naq kixkamsi jun li kʼuulaʼal li toj maajiʼ nayoʼlaak?
-
Kʼaru narekʼa li Jehobʼa naq junaq li kristiʼaan yal kiraj naq kikamsink? b
-
Ut laaʼat, kʼaru nakaakʼoxla chirix chanru nanaʼlebʼak li Jehobʼa?
Usta jun li ixq naroxloqʼi li yuʼam naru naxkʼoxla ajwiʼ naq maakʼaʼ chik naru xbʼaanunkil kaʼajwiʼ risinkil li xkʼuulaʼal. Cheeyaabʼasi Isaías 41:10 ut chexʼaatinaq chirix ebʼ li patzʼom aʼin:
-
Wi yookebʼ xpuʼersinkil jun li ixq re naq trisi li xkʼuulaʼal, bʼar raj tixsikʼ li xtenqʼ? Kʼaʼut?
WIIBʼ OXIBʼ NEKEʼXYE: «Kaʼajwiʼ li ixq li wank saʼ yuʼam yaal re ma trisi li xkʼuulaʼal malaj inkʼaʼ».
-
Kʼaʼut chʼolchʼo chaawu naq oxloqʼ chiru li Jehobʼa li xyuʼam li yaj aj ixq joʼ ajwiʼ li xyuʼam li kʼuulaʼal li toj maajiʼ nayoʼlaak?
LI AK XQATZOL
Li yuʼam aʼan jun xmaatan li Jehobʼa. Li Santil Hu naxye naq tento tqara, tqoxloqʼi ut tqakol rix li qayuʼam ut xyuʼamebʼ li junchʼol.
Qajultikaq
-
Kʼaʼut naqanaw naq oxloqʼ chiru li Jehobʼa li qayuʼam?
-
Kʼaru narekʼa li Jehobʼa naq junaq li kristiʼaan naxkamsi ribʼ malaj naxkamsi jalan chik?
-
Kʼaru qʼaxal nawulak chaawu chirix li yuʼam?
SIKʼ XKOMON LI NAʼLEBʼ
Chanru tqabʼanyoxi re li Jehobʼa naq kixsi qe li yuʼam?
Ma naxkuy xmaak li Yos junaq li ixq li yal kiraj xtzʼeqbʼal li xkʼuulaʼal?
Tzol chanru nokooxtenqʼa xnawbʼal naq li Yos naroxloqʼi li yuʼam naq naqasikʼ chanru rajsinkil qu.
Il kʼaru naʼlebʼ naxkʼe li Santil Hu wi junaq li kristiʼaan naxkʼoxla xkamsinkil ribʼ.
«Ma naru nikinxtenqʼa li Santil Hu wi nawaj xkamsinkil wibʼ?» (Li naʼlebʼ re jw.org)
a Li Jehobʼa naxkʼe xchʼool chirixebʼ li rahebʼ xchʼool (Salmo 34:19). Aʼan naxtawebʼ ru li qʼaxal rahebʼ xchʼool li nekeʼraj xkamsinkil ribʼebʼ ut naraj xtenqʼankilebʼ. Kʼe reetal chanru truuq xtenqʼankil jun li qas qiitzʼin li naraj xkamsinkil ribʼ li naʼlebʼ «Ma naru nikinxtenqʼa li Santil Hu wi nawaj xkamsinkil wibʼ?». Li wank saʼ li kaaxukuut «Sikʼ xkomon li naʼlebʼ» saʼ li hu aʼin.
b Ebʼ li ixq li rahebʼ saʼ xchʼool xbʼaan naq keʼxkamsi li xkʼuulaʼal li toj maajiʼ nayoʼlaak, naru nekeʼxkʼojobʼ xchʼool xbʼaan naq li Jehobʼa naru naxkuyebʼ xmaak. Re xtawbʼal xkomon laanaʼlebʼ chaawil li kaaxukuut «Sikʼ xkomon li naʼlebʼ» bʼarwiʼ naxye «Kʼaru naxye li Santil Hu chirix risinkil li kʼuulaʼal li toj maajiʼ nayoʼlaak?».
Maare twulaq ajwiʼ chaawu
LI NAPATZʼMANK CHI RAJLAL
Chanru nekeʼxkʼe li tzolok chirix li Santil Hu ebʼ laj testiiw re li Jehobʼa?
Rikʼin li tzolok li nekeʼxkʼe ebʼ laj Testiiw naru nakaawoksi yalaq kʼaru chi Santil Hu. Naru nakateʼrochbʼeni ebʼ laawamiiw malaj ebʼ laakomon.
