Oasr ma wo pucspucs kuht kuh in oruh ac engankihn ke srihpen kuht moul. Finne kuht sun ma upac, kuht srackna kuh in engankihn moul lasr uh. Kuht ac ahkkahlwemye fuhkah lah kuht ahksacohkye mwe sang luhn moul? Ac meac srihpac yohk emeet pwacnacng kuht oruh ma inge?

1. Efuh kuht enenuh in ahksacohkye moul uh?

Kuht enenuh in ahksacohkye moul mweyen ma inge mwe sang sin Jeova, Pahpah na kuhlwacng se tuhmwacsr. El pa “muhtwacwaciyen moul nuhkewa”​—el oraclah ma nuhkewa suc oasr moul la. (Psalm 36:9) “El pa sang moul ac momong ac ma nuhkewa nuh sin mwet nuhkewa.” (Orekma 17:25, 28) Jeova el acse nuh sesr ma kuht enenuh tuh kuht in tahfwelah in moul. Sahyen ma inge, oasr pac ma sahyac ma el oraclah tuh kuht in engankihn moul.​—Riti Orekma 14:17.

2. Kuht ac ahkkahlwemye fuhkah nuh sin Jeova lah kuht ahksacohkye mwe sang luhn moul?

Ke pacl se ma kom srackna oasr ke insiacn ninac kiyom, Jeova el nuhnkuh keim. Ke kahsruh luhn Jeova, David, sie sin mwet suc alu nuh sel el fahk ohinge: “Kom tuh liyeyuc meet liki nga isuslac.” (Psalm 139:16) Moul lom uh arlacna sacohk nuh sin Jeova. (Riti Matthew 10:29-31.) Pwacnacng, el ac puhla ahsor yohk kom fin ac loksaklah, kuh uniyac mwet sahyac uh. a (Exodus 20:13) El ac ahsor pac kuht fin fihliyac moul lasr kuh moul luhn mwet sahyac ke mwe sensen ke srihpen kuht tiac taran. Kuht fin karihngihn moul lasr sifacna ac suhnakihn moul luhn mwet sahyac, kuht ahkkahlwemye lah kuht ahksacohkye mwe sang wowo luhn moul.

 AHKYOHKYE LUTLUT LOM

3. Karihngihn monum in kuh pacl nuhkewa

Ke pacl se ma kuht wuhlelah moul lasr nuh sin Jeova, kuht ac orekmakihn in kuhlwacnsuhpwacl. Oacna kuht in kihsackuhnlah mahnosr oacna sie mwe kihsac nuh sin God. Riti Rome 12:1, 2, ac tohkohyang sramsramkihn kihsen siyuck inge:

• Efuh kom luhngse in karihngihn monum in tiac mas?

• Meac kuhtuh inkacnek ma kom ac oruh ma inge?

 5. Ahksacohkye moul luhn tuhlihk srihsrihk suc soenna isuslac

David el ahkuhtweyac lah Jeova el lohme ac etuh na pwacye kapkapwack luhn tuhlihk se suc soenna isuslac. Riti Psalm 139:13-17, ac tohkohyang sramsramkihn kihsen siyuck se inge:

• Nuh sin Jeova, moul uh muhtwacwacack ngac: ke pacl ma tuhlihk el srackna oasr luun insiacn ninac se kuh tukun el isuslac tari?

Masap luhn Jeova nuh sin mwet Israel in pacl meet ah sang mwe karihngihn nuh sin ninac ac tuhlihk srihsrihk suc soenna isuslac. Riti Exodus 21:22, 23, ac tohkohyang sramsramkihn kihsen siyuck inge:

• Meac nuhnak luhn Jeova ke sie mwet suc uniyac sie tuhlihk suc soenna isuslac ke ninihkihn lal uh?

• Meac el puhla fin sie mwet el uniyac sie tuhlihk ma soenna isuslac ke luhngse lal sifacna? b

• Meac puhla lom ke nuhnak luhn God inge kac?

Liye VIDEO se.

Finne muhtwacn pihtuctuc se ahksacohkye moul uh, sahp el nuhnkuh muh sisi tuhlihk muhkwena pa el kuh in oruh. Riti Isaiah 41:10, ac tohkohyang sramsramkihn kihsen siyuck inge:

• Fin sapkihnyuck kuh pahtokyuck muhtwacn se in oruh abortion, sin suc el ac siyuck kahsruh ac efuh?

 MA KUHT LOTWELAH

Bible uh luti lah kuht enenuh in luhngse, suhnakihn, ac karihngihn mwe sang luhn moul luhn Jeova inge. Wekuhnacng moul lasr sifacna kuh moul luhn mwet sahyac uh.

Kalweni

• Efuh kuh moul luhn mwet uh sacohk nuh sin Jeova?

• Meac Jeova el puhla ke pacl se mwet se sifacna unilyac kuh uniyac mwet sahyac uh?

• Efuh kuh kom ahksacohkye mwe sang luhn moul inge?