Животот е прекрасен дар. Дури и кога се соочуваме со проблеми, има многу работи на кои може да им се радуваме. Како може да покажеме дека го цениме животот? Што првенствено треба да нѐ поттикне на тоа?

1. Зошто треба да го цениме животот?

Треба да го цениме животот бидејќи ни е дар од нашиот Татко, Јехова, кој многу нѐ сака. Бог е „изворот на животот“ — тој создал сѐ што е живо (Псалм 36:9). „Тој самиот им дава на сите живот и здив и сѐ“ (Дела 17:25, 28). Освен што ни дава сѐ што ни е неопходно за живот, Јехова ни овозможил и да уживаме во животот! (Прочитај Дела 14:17.)

2. Како можеме да му покажеме на Јехова дека го цениме животот?

Уште од моментот кога си бил зачнат, Јехова се грижи за тебе. Еден Божји слуга, по име Давид, во молитва му рекол на Јехова: „Твоите очи ме видоа додека бев зародок“ (Псалм 139:16). Твојот живот е скапоцен за Јехова. (Прочитај Матеј 10:29-31.) Тој чувствува голема болка кога некој намерно ќе одземе нечиј живот, а многу му е тешко и кога некој ќе си го одземе својот живот a (2. Мојсеева 20:13). Исто така, ќе го повредиме Јехова ако непотребно си го доведуваме животот во опасност или ако не водиме сметка за безбедноста на другите. Кога внимаваме на својот живот и го цениме животот на другите, покажуваме дека сме благодарни за овој скапоцен дар.

 ДОЗНАЈ ПОВЕЌЕ

3. Грижи се за своето здравје

Оние кои му го заветуваат својот живот на Јехова му ветуваат дека ќе го користат целиот свој живот за да му служат. Во симболична смисла, тие ги принесуваат своите тела како жртва за Бог, и затоа се грижат за своето здравје. Прочитај Римјаните 12:1, 2, а потоа разговарајте за овие прашања:

• Според овие стихови, зошто треба да се грижиш за своето здравје?

• Како би можел да го правиш тоа?

 5. Цени го животот на неродено дете

Со поетски зборови, Давид објаснил дека на Јехова му е важен животот на едно неродено бебе и дека Тој будно внимава додека тоа се развива во мајчината утроба. Прочитај Псалм 139:13-17, а потоа разговарајте за ова прашање:

• Во Јеховини очи, дали нечиј живот започнува со зачнувањето или со раѓањето?

Законот што Јехова им го дал на Израелците во минатото ги штител бремените жени и нивните неродени деца. Прочитај 2. Мојсеева 21:22, 23, а потоа разговарајте за овие прашања:

• Како гледал Јехова на некој што ненамерно ќе усмртел дете во мајчината утроба?

• Како гледа Јехова на некој што намерно ќе стори такво нешто? b

• Што мислиш ти за Божјето гледиште во врска со животот на едно неродено бебе?

Пушти го ВИДЕОКЛИПОТ.

Може да се случи дури и жена што го цени животот на едно неродено дете да мисли дека нема друго решение освен да абортира. Прочитај Исаија 41:10, а потоа разговарајте за овие прашања:

• Ако некоја жена се најде под притисок да абортира, од кого треба да бара помош? Зошто?

 ШТО НАУЧИ:

Библијата нѐ поучува да го сакаме, цениме и чуваме животот — и нашиот и на другите луѓе.

Како би одговорил?

• Зошто човечкиот живот е скапоцен за Јехова?

• Како се чувствува Јехова кога некој намерно ќе одземе човечки живот?

• Зошто го цениш животот?