Causausha gustu ali pasana ushanchi. Llaqui pasaushas causaibi gustu tiashcaunamanda cushiyana ushanchi. ¿Imasnara Jehová Diosta pagarachuna ushanchi causaira cuyashcamanda? ¿Imaraigu pagarachuna anchi?

1. ¿Imarasha causaira valichina anchi?

Ñucanchi llaquij Yaya Jehová causaira cuyashcamanda valichina anchi. Jehová Diospi ‘causai paihuajpi tian’, pai tucui causajcunara rurashcamanda (Salmo 36:9). “Pai tucuima causairas samairas tucui imaras cun” (Hechos 17:25, 28). Chiraigu Jehovami causangaj ministishcara ñucanchima cun causasha catingaj. Astaumbas Jehová Dios ñucanchi cushi causachu munaimanda tucuira cun (leai Hechos 14:17).

2. ¿Imasnara Jehová Diosta pagarachuna ushanchi causaira cuyashcamanda?

Camba mama icsayuj tucushca hurasmandapacha, canda Jehová ricucami. Dios iyaira cujpi rey David shu oraciombi casna nica: “Camba ñahuiuna ñucara ricucami mama icsai ñuca iñaushcai” (Salmo 139:16). Camba causai Jehová ñaupai yapa valijmi (leai Mateo 10:29-31). Shujcuna causairas tucuchijpi o camba quiquin causaira tucuchina munajpis Jehová yapa llaquirinmi (Éxodo 20:13). a Shinallara Jehová Dios llaquirinmi yangamanda ñucanchi causaira llaquii churajpi o shujcuna causairas mana cuirajpi. Ñucanchi causaira cuirasha shujcuna causaira respetasha sumaj causaira cuyashcara chasquishcamanda pagarachushcara ricuchinchi.

 MAS YACHAI

3. Camba causai ali achu cuirangui

Jesusta sirtu catijcuna Jehová munaira rurasha nishcamanda pai munashcasna causanun. Paiguna intiru aichara chuyaj sacrificio cuinta Diosta cunushca, chiraigu paiguna cuirarina anun. Leaichi Romanos 12:1, 2, huasha catij tapuigunamanda rimaichi:

• ¿Imarasha can camba causaira cuirana angui?

• ¿Imasnara camba causaira cuirana ushangui?

 5. Huahua chara mana pagarishca causaira respetai

David intindichicami imasna Jehová ricushcara shu huahua paihua mama icsai iñaushcara. Leaichi Salmo 139:13-17, huasha catij tapuimanda rimaichi:

• Jehová Dios ñaupai ¿ima hurasta runa causai callarin: pagarishcai o mama icsayuj tucushca huras?

Ñaupa israelitagunara Jehová Dios leygunara cushcai icsayuj huarmiunara, icsa ucui tiauj huahuaras cuiraca. Leaichi Éxodo 21:22, 23, huasha catij tapuigunamanda rimaichi:

• ¿Imasnara Jehová ricuca maicambas huanchinara mana munashas manara pagarishca huahuara huanchijpi?

• ¿Imasnara Jehová sintinga maicambas huahuara huanchina munaimanda huanchijpi? b

• Can ¿imara ningui shullunamanda Jehová Dios ima iyashcara?

VIDEORA ricuichi.

Causaira valichij huarmis “shullushallami cai problemara alichina ushani” nisha iyarina ushan. Leaichi Isaías 41:10, huasha catij tapuimanda rimaichi:

• Shullui nisha shu huarmira ninujpi ¿pita pai yanapaira mañana ushan? ¿Imarasha Dios yanapaira mascana an?

 IMARA YACHASHCANGUI

Causai Jehová cuyashcami. Diospa Shimi yachachinmi ñucanchi causaira, shujcuna causairas respetana, llaquina, cuiranas ashcara.

Iyaringaj

• ¿Imarasha yachanchi runauna causaira Jehová valichishcara?

• ¿Imasnara Jehová sintin shujcuna causaira tucuchina munajpi o paihua quiquin causaira tucuchina munajpis?

• ¿Imarasha pagarachungui causaira chasquishcamanda?